خسي 18 كيلو في شهر واحد بس بوصفة سهلة وبسيطة
زي ما عودنا بنات حوا دايما بنحاول نجيب لهم الوصفات الطبيعية اللي ممكن تساعدهم على التخسيس, النهاردة هنقولكم على وصفة طبيعية لتخسيس الوزن هتساعدك تخسري حوالي 18 كيلو في شهر واحد بس.
الميزة في وصفتنا النهاردة انها مش بس بتساعد على التخسيس كمان بتمنع الانفلونزا, بتطهر الجسم من السموم, وبتمنع تراكم الدهون في الجسم, وهي مفيدة للصحة بشكل عام.
– المكون الاساسي في وصفتنا النهاردة هو بذور الشيا اللي ليها فوايد كتير جدا منها:
1- بتحتوي على الزنك, والبوتاسيوم, وفيتامين B2 و B3, وكربوهيدرات قابلة للهضم, كمان بتحتوي على بروتين بيساعد على تقليل الشهية.
2- بتحتوي على نسبة عالية من مضادات الاكسدة اللي بتحمي من الشيخوخة, وبعض الامراض زي السرطان.
3- بتحتوي على الالياف اللي بتساعد على تخفيض نسبة السكر في الدم لانها بتبطء عملية الهضم وبالتالي ده بيخلي امتصاص السكر في الدم ابطأ.
4- بتحسن من تدفق الدم, وبتقلل من خطر الاصابة بأمراض القلب, والسكر من النوع التاني.
5- بتحتوي على الكالسيوم والفوسفور والمغنسيوم اللي بيساعدوا على حماية العضم من هشاشة العظام, وتعتبر بديلة للبن للي مش بيحبوا يشربوا اللبن بذور الشيا هتديهم نفس الفايدة.
6- مفيدة جدا للناس اللي بتلعب رياضة بتحسن ادائهم الرياضي جدا لو اكلوا منها قبل ممارسة التمارين الرياضية.
7- بتحسن عملية الهضم لانها بتحتوي على نسبة عالية من الالياف.
8- بتساعد على توازن الكوليسترول المفيد في الجسم وبالتالي ده بيحمي من امراض القلب والاوعية الدموية.
9- نسبة الالياف العالية الموجودة في بذور الشيا بتساعد على تعزيز صحة الكبد اللي بدوره بيساعد على طرد السموم من الجسم وتنضيف القولون.
10- بذور الشيا بتحتوي على عنصر الاوميجا 3 اللي بيرفع نسبة الاحماض الامينية في الجسم, وبيحسن الذاكرة.
– وصفة طبيعية لتخسيس الوزن:
المكونات:
– 1 معلقة كبيرة من بذور الشيا.
– عصير ليمونة.
– 1 معلقة كبيرة عسل نحل.
– 1 ½ كوب مية.
طريقة التحضير:
انقعي بذور الشيا في المية وسيبيها لمدة ساعة لحد ما تمتص المية.
ضيفي لها باقي المكونات واضربيهم مع بعض في البلندر.
طريقة الاستخدام:
اشربيه كل يوم الصبح قبل الفطار, هيساعد على تسريع عملية التمثيل الغذائي وخسارة الوزن بسرعة.
متنسيش بردو تمشي على نظام غذائي متوازن وتاخدي بالك من اكلك وتحاولي تبعدي عن الدهون والسكريات, وممكن تمارسي رياضة المشي لنتايج افضل واسرع.
لو شربتي المشروب ده قبل النوم بساعة هيحرق كل الدهون اللي كسبتيها في اليوم اللي قبله
