10 حيل هتخليكي تباني ارفع وشكلك احلى في دقيقتين بس

ريهام محمود
ريهام محمود
10751

مش دايما بنطلع بشكل مثالي او راضيين عن نفسنا في اللبس حتى لو الحاجة احنا مختارينها بنفسنا, وده بيحصل لاننا ساعات بنقع في غلطات بتخلي اللوك النهائي يطلع مش حلو او مش راضيين عنه بشكل كامل, عشان كده النهاردة من خلال موضوعنا هنقول لبنات حوا حيل هتخليكي تباني ارفع وتطلعي بلوك احلى.

حيل هتخليكي تباني ارفع:

1- اختيار الشوز صح:

عشان تبيني رجلك اطول وجسمك انحف او اقل حجم, البسي شوز باللون النيود اللي بيكون لون البشرة اختاري ما بين البيج او البني او النيود المهم يكون اللون الاقرب للون بشرتك هتبين رجلك اطول لو لابسة حاجة قصيرة, اما لو لابسة شراب او بنطلون اختاري الشوز يكون نفس اللون, لان الخدعة دي هتدي طول لرجلك, واتجنبي الشوز اللي بيكون باشرطة او احزمة لانها هتبين رجلك اقصر من حجمها الطبيعي.

حيل هتخليكي تباني ارفع 1
حيل هتخليكي تباني ارفع 1

2- اتجنبي الملابس الضيقة اوي والواسعة اوي:

اتجنبي تشتري اللبس الواسع اوي او الضيق اوي لانه بيركز على ديفوهات الجسم وبيظهرها اكتر, اللبس لازم يكون بيركز على المناطق اللي انتي عايزة تظهريها بس ويصلح ويخفي الديفوهات او العيوب مش يظهرها.

3- خلي دايما ضهرك مفرود:

اكيد الاعتماد مش على اللبس بس كمان وقفتنا ممكن تغير مظهرنا خالص, دايما اقفي ضهرك مفرود ده هيبين جسمك انحف واطول, ومنطقة الوسط اصغر, والوقفة الغلط مش بس هتبينك اقصر واتخن لكن كمان هتسبب لك مشاكل صحية, وعشان تتجنبيها اقفي دايما ضهرك مستقيم والارداف مشدودة.

حيل هتخليكي تباني ارفع 4
حيل هتخليكي تباني ارفع 4

4- اعملي كونتور بطريقة صح:

الكونتور زي ما احنا عارفين بيساعد جدا انه يبين الوش انحف وممكن كمان يخفي الدقن المزدوجة, المهم بس تعرفي تعمليه بطريقة صح وتعرفي توزعي الدرجات الغامقة والفاتحة بشكل صح, والقاعدة الاساسية في الكونتور انك تغمقي اي جزء عايزة تخفيه او تصغريه, وتستخدمي الفاتح على الاماكن اللي عايزة تسلطي الضوء عليها او تظهريها.

ومهم دايما نفتكر ترتيب الكونتور اننا نحط الهايلايتر الاول وبعدين الدرجات الغامقة, وندمج بينهم كويس يعني ميكونش في خطوط منفصلة ما بين الفاتح والغامق, ولو هنستخدم الوان مكياج فاقعة ناخد بالنا كويس في الاختيار يعني مثلا الروج الاحمر بيظهر اكتر خطوط الدقن والفك.

حيل هتخليكي تباني ارفع 5
حيل هتخليكي تباني ارفع 5

شوفي من هنا ازاي تعملي كونتور بالمكياج لنفسك.

5- استخدمي برونزر عشان تداري السيلوليت:

تان البشرة ممكن تبقى حيلة تخفي بيها السيلوليت والدهون الزيادة, لو لابسة قصير ممكن تستخدمي برونزر عشان تخفي السيلوليت, وقبل كل حاجة اهتمي بترطيب البشرة والعناية بيها عشان تظهر بشكل حلو, استخدمي سكراب لتقشيرها, ورطبيها بالكريم المرطب اكتر من مرة لو بشرتك جافة, استخدمي سفنجة ناعمة على الجلد بدل الخشنة اوي اللي ممكن تأذي البشرة, واهتمي بمنطقة الركب والكوعين بالسكراب والترطيب.

حيل هتخليكي تباني ارفع 6
حيل هتخليكي تباني ارفع 6

6- اختاري القماش او الخامة المناسبة:

لما تيجي تشتري الهدوم اتجنبي الخامات والاقمشة الخشنة او الملابس الضيقة اوي, اتجنبي الملابس اللي عليها رسم بياني او خطوط ظليه او خطوط بزاوية لانها هتلفت الانتباه لعيوب الجسم, وعشان تداري اي عيوب اختاري الملابس المصنوعة من اقمشة ناعمة ومرنة.

حيل هتخليكي تباني ارفع 7
حيل هتخليكي تباني ارفع 7

7- اختاري الاكسسوارات الصح:

السكارف اللي ملفوف حوالين الرقبة اوي والبلوفر ال Turtle neck او رقبة السلحفة ممكن يبوظوا مظهرك كله لو لبستيهم بشكل غلط, يعني السكارف ممكن بس تحطيه على الرقبة وتسيبيه نازل وتلبسي عليه حزام, بالنسبة للرقبة افضل اختيار هي الرقبة المدورة او اللي على شكل حرف V, ولو لابسة بلوزة خلي اول زرار او اتنين مفتوحين تحت منطقة الرقبة.

كمان العقد الطويل ويكون مش ضخم, مع حلق صغير هتظهرك بشكل احلى لانها هتدي طول لمنطقة الرقبة وهتحدد المنطقة اللي تحت خط الرقبة وهتظهرها اكتر..10 قواعد اساسية لاختيار الاكسسوارات بطريقة صح.

حيل هتخليكي تباني ارفع 8
حيل هتخليكي تباني ارفع 8

شوفي من هنا دليل هيساعدك تختاري الاكسسوارات المناسبة مع لبسك وشكل وشك.

8- متبرزيش العيوب اكتر:

ساعات بنات كتير بيقعوا في غلطة انهم عشان يدارو ديفوه او عيوب يغطوه بشكل مفرط او مبالغ فيه, وده بيأدي لنتيجة عسكية وبيظهره وبيلفت الانتباه ليه اكتر, يعني مثلا لو عندك منطقة الوركين عريضة وعايزة تداريها متلبسيش بنطلون جينز بجيوب كبيرة او باي طباعة ورسومات كبيرة, لكن كل ما لبستي حاجة ابسط كل ما شتتي الانتباه او النظر بعيد عن المنطقة اللي فيها عيوب وهيطلع مظهرك احلى في النهاية.

حيل هتخليكي تباني ارفع 9
حيل هتخليكي تباني ارفع 9

9- اختاري قصة الشعر المناسبة:

تسريحات الشعر الضخمة ممكن تدمر مظهرك كله, ودايما خلي الاختيار في قصة الشعر للطول المتوسط او لحد الكتف, وبالنسبة لقصة الشعر القصيرة الافضل يكون الشعر مغطي الرقبة واطول من الودن شوية.

والشعر الطويل الستريت مش مناسب اوي للبنت اللي جسمها مليان لانها هتظهر عيوب الجسم اكتر, لكن لو انتي جسمك مليان ومن محبات الشعر الطويل ومش عايزة تقصريه, ممكن تقصيه قصه تضيف حجم اكبر للشعر فوق منطقة الكتفين.

حيل هتخليكي تباني ارفع 10
حيل هتخليكي تباني ارفع 10

ازاي تختاري تسريحة الشعر المناسبة على حسب شكل وشك.

10- استخدمي كورسيه او مشدات الجسم:

الكورسيه او مشد الجسم هيساعدك جدا تباني ارفع وبحجم اصغر وهيظبط شكل جسمك جدا, خصوصا في منطقة البطن والوركين, لكن حاولي متلبسيش الكورسيه طول الوقت, الافضل يكون في المناسبات الخاصة بس.

حيل هتخليكي تباني ارفع 11
حيل هتخليكي تباني ارفع 11

شوفي من هنا انواع واشكال الكورسيه ومشدات الجسم.

10 اخطاء كل البنات بتقع فيهم مع الملابس الداخلية..وازاي تتجنبيهم

اخطاء بتقعي فيها مع الملابس الداخلية
اخطاء بتقعي فيها مع الملابس الداخلية

مقالات متعلقه

8 نصايح موضة تعمليهم في الصيف

8 نصايح موضة تعمليهم في الصيف

10 طرق تلبسي بيهم ملابس عصرية وعلى الموضة من غير ما تصرفي فلوس كتير

10 طرق تلبسي بيهم ملابس عصرية وعلى الموضة من غير ما تصرفي فلوس كتير

7 طرق لتحسين الستايل بتاعك, وايه الحاجات اللي بتعمليها بشكل غلط

7 طرق لتحسين الستايل بتاعك, وايه الحاجات اللي بتعمليها بشكل غلط