اكلات غير متوقعة ممكن تأثر على بشرتك بشكل سلبي

بقلمريهام محمود فيبشرة visibility585

اكيد كلنا في اكلات بنضعف قدامها او بناكلها واحنا مش عارفين اذا كانت صحية او لا وممكن تضرنا ولا لا, لكن للاسف ان في كتير من الاكلات ممكن تأثر بشكل سلبي على البشرة والصحة بشكل عام, منها ممكن يسبب زيادة الوزن, او عسر الهضم, مشاكل جلدية زي حب الشباب والشيخوخة المبكرة والتجاعيد, والنهاردة من خلال موضوعنا هنقولك ايه هي الاكلات المضرة للبشرة, وايه البديل ليها او ممكن تاكليها ازاي بطريقة مضرش بشرتك او صحتك.

الاكلات المضرة للبشرة:

1- منتجات الالبان:

كتير من الاشخاص ممكن يكونوا بيعانوا من حب الشباب او بيلاقوا صعوبة انهم يعالجوه بسبب استهلاكهم الزيادة لمنتجات الالبان, لان اللبن البقري بيحتوي على هرمونات ممكن تزود دهون الوش لانها بتزود الغدد الدهنية اللي بدورها بتسبب زيادة حب الشباب, وخصوصا الابقار اللي بتكون متغذية على اكل غير صحي او معدل وراثيا زي الذرة المتعفن او فول الصويا, او استخراج اللبن بطريقة غلط وبالتالي بيكون غير صحي وبيسبب مشاكل.

عشان كده افضل لبن هو اللي بيكون مستخرج من الابقار اللي متغذية على العشب, وممكن نشرب بديل للبن الابقار لبن الماعز.

الاكلات المضرة للبشرة
الاكلات المضرة للبشرة

2- حبوب الفطار:

السيريال او حبوب الفطار زي الكورن فليكس وغيرها من الحبوب, معظمها بتكون مصنوعة من المكونات المعدلة وراثيا ودي زي ما قولنا في النقطة اللي فاتت ممكن تسبب مشاكل جلدية زي الحساسية, وحكة الجلد, وحب الشباب.

وعشان نتجنب كل المشاكل الجلدية اللي ممكن تحصل نختار بديل صحي ونختار الحبوب منخفضة السكر زي الشوفان, او حبوب الكينوا, ولما تيجي تختاري الخبز اعتمدي على الخبز الاسمر المصنوع من الحبوب الكاملة, ممكن كمان تاكلي وجبة فطار صحية مكونة من بيض مع الخضار.

الاكلات المضرة للبشرة
الاكلات المضرة للبشرة

3- اللحوم المصنعة:

اللحوم المصنعة كلها بشكل عام ممكن تسبب انتفاخ الجلد لو جلدك حساس وممكن تسبب حب الشباب, وشيخوخة الجلد, لان اللحوم المصنعة بيبقى فيها نسبة صوديوم وملح ممكن يسبب انتفاخ, وكمان بتحتوي على عنصر النتريت اللي تقريبا بتدمر الكولاجين والميلاستين في البشرة اللي يعتبروا اكتر عنصرين مهمين للبشرة وبيحافظوا على صحتها ومرونتها وبيحافظوا على شباب ونضارة الجلد.

لو انتي مش قادرة تستغني عن اللحوم المصنعة ممكن تقللي من اكلها ممكن تاكلي مرة واحدة بس في الاسبوع, وتدخلي في نظامك الغذائي معاها اكل صحي زي الخضروات الطازة, ولو انتي من محبات اللحوم ممكن تاكلي اسماك او لحم الديك الرومي , او صدور الفراخ.

الاكلات المضرة للبشرة
الاكلات المضرة للبشرة

4- العصاير المعلبة:

العصاير المعلبة بيكون فيها مواد حافظة وكمية كبيرة من السكر بتضر البشرة, وكمان عصير الفواكه مش بتديكي الالياف اللي بتديهالك الفواكه الطازة ده غير ان نسبة السكر فيها عالية زي المشروبات الغازية تقريبا وده بيقلل من كولاجين البشرة.

عشان كده افضل طريقة عشان تستفادي بالعصاير بشكل صح انك تعملي عصير طبيعي بنفسك في البيت من غير اضافة اي سكر يعني تشربيه بيور خالص, وممكن كمان تحطي اضافات صحية وتخلي طعمه احلى زي لبن جوز الهند او الزبادي وبالطريقة دي تقدري تستفادي من كل المواد الغذائية والفيتامينات والمعادن ومضادات الاكسدة الموجودة في الفاكهة واللي هتنعكس بشكل ايجابي جدا على بشرتك.

الاكلات المضرة للبشرة
الاكلات المضرة للبشرة

5- شوكولاتة الحليب:

اثبتت الدراسات ان شوكولاتة الحليب مضرة للبشرة بسبب السكر واللبن اللي داخل في مكوناتها, وفي المقابل بردو الشوكولاتة ليها فوايد في تحسين المزاج بسبب هرمونات تعزيز المخ, عشان كده الافضل عشان ناكلها وفي نفس الوقت نستفاد منها ومن فوايدها اننا ناكل الشوكولاتة الغامقة لان بيكون فيها نسبة سكر قليلة وكمان بتحتوي على مضادات الاكسدة المفيدة للبشرة والجسم وبتساعد على تقليل التوتر والقلق.

الاكلات المضرة للبشرة
الاكلات المضرة للبشرة

6- السمنة او الزبدة:

الدهون الصحية مفيدة للبشرة لكن السمنة تعتبر من اسوأ المكونات اللي ممكن تسبب ضرر للبشرة لانها بتقلل من ترطيب الجلد وبالتالي بتسبب ظهور التجاعيد, واثبتت الابحاث ان مش كمية السمنة هي اللي مضرة لكن نوعها هو اللي ممكن يكون ليه تأثير سلبي.

ممكن تستبدلي الزبدة او السمنة العادية ببدائل صحية اكتر زي زبدة الفول السوداني او زبدة اللوز, ولو بتحبي الزبدة العادية يبقى الافضل تقللي منها على قد ما تقدري.

الاكلات المضرة للبشرة
الاكلات المضرة للبشرة

7- المحار:

المحار زي الكابوريا, بلح البحر, الجمبري, بتحتوي على كمية عالية جدا من اليود اللي بتأدي لانسداد المسام وبالتالي بتسبب ظهور حب الشباب, وبدل المحار ممكن تاكلي الاسماك العادية تعتبر اختيار صحي اكتر وبيساعد على تحسين الجلد وممتاز جدا كمان لفقدان الوزن.

الاكلات المضرة للبشرة
الاكلات المضرة للبشرة

8- السوشي:

لو انتي من محبات اكلة السوشي لازم تعرفي ان اكله ليه تأثير سيء على البشرة لانه ممكن يسبب حب الشباب والشيخوخة المبكرة, لانه بيحتوي على كمية ملح زيادة وده مضر على الجلد, في حين ان معظم انواع الاسماك ممتازة جدا للبشرة لانها بتحتوي على اوميجا 3, لكن السوشي على العكس لانه بيكون فيه كمية ملح زيادة, وبيرفع نسبة السكر في الدم بسبب الارز الابيض اللي بيكون داخل فيه, وبيزيل الرطوبة من الجلد, وبيقلل من نشاط الدورة الدموية في الجلد وبالتالي ده بيسبب جفاف وشيخوخة الجلد.

لكن لو هتاكلي سوشي يبقى لازم تتأكدي انك تشربي كمية كبيرة من المية, واعملي تمارين للوجه, وممكن تعملي كمادات باردة للوجه.

الاكلات المضرة للبشرة
الاكلات المضرة للبشرة

دي بعض الاطعمة المضرة وفي النهاية لو هنقول كل الاكلات اللي ممكن تضرنا هتبقى القايمة طويلة جدا وهنقول امال المفروض ناكل ايه؟ لكن احنا ممكن نمشي على نظام غذائي صحي على قد ما نقدر, ويبقى عندنا وعي اكتر للاكلات الغير صحية اللي ممكن تضرنا وتمنعيها او تقللي منها زي ما قولنا تاكلي منها مرة واحدة او تستبدليها او تاكليها بطريقة متضرش جسمك زي ما قولنا, زودي الاكل الصحي في نظامك زي الخضار والفاكهة الطازة, مارسي الرياضة, اشربي كمية كافية من المية يوميا, نامي يوميا من 7 – 8 ساعات, كل ده هيساعد على تقوية جهاز المناعة في جسمك اللي بدوره هيضعف السموم من الاكلات الغير صحية.

افضل الاكلات المفيدة للبشرة الدهنية والاكلات اللي لازم تتجنبيها

افضل الاكلات المفيدة للبشرة الدهنية والاكلات اللي لازم تتجنبيها