4 تغييرات فى روتين الاهتمام بجمالك لازم تعمليهم فى 2018

آية حسان
آية حسان
في
بشرة
3184

فى المقال ده هنديكى امثلة بسيطة تعرفى بيها ازاى تغيرى من روتين اهتمامك بنفسك و بجمالك فى 2018 فى اربع خطوات بس علشان تحصلى على افضل نتيجة ممكنة و بأقل مجهود! اعرفى معانا فى المقال ده 4 تغييرات فى روتين الاهتمام بجمالك لازم تعمليهم فى 2018 .. 

4 تغييرات فى روتين الاهتمام بجمالك لازم تعمليهم فى 2018

1- جففى شعرك بالسشوار بالعكس ! 

أول tip معانا من تغييرات روتين الاهتمام بجمالك هى نصيحة بسيطة ومش هتاخد منك اى مجهود لكن هتذهلك بنتايجها، نصيحتنا هى انك تصففى شعرك باستخدام السشوار فى اتجاه عكس اللى انتى متعود عليه، بمعنى انك تجيبى شعرك على الجنب التانى و تجففيه بالعكس و بالطريقة دى هتجففى شعرك أسرع و هتعملى volume هيبين شعرك أكتر كثافة و النتيجة ممتازة. 

1 3

2- الطريقة الصح لرش الـ perfume : 

طبعا كلنا بنبقى عايزين البيرفيوم بتاعنا يدوم و تفضل ريحته موجودة من غير ما نرش منه كميات كبيرة علشان مايبقاش اوفر او بزيادة، علشان كده مهم تعرفى انه فى اماكن معينة فى الجسم لما بنرش عليها البرفيوم بتدوم أطول و بتفضل ريحته موجودة من غير ما تضطرى ترشي كميات كبيرة على رقبتك او على هدومك، اعرفى معانا ايه هى الأماكن الصح علشان البرفيوم يدوم أكتر فى الصورة الجاية .. 

إيه أحسن اماكن تحطي فيها برفان عشان يدوم طول اليوم؟
إيه أحسن اماكن تحطي فيها برفان عشان يدوم طول اليوم؟

3- خلى الروج بتاعك يدوم أطول : 

طبعا كلنا بنمر بالمشكلة اللى بتضايقنا كلنا، انه نبقى نازلين بـ makeup مظبوط و خصوصا لو كان الروج لون جديد و حلو و بس ساعة ولا اتنين و تلاقيه اختفى ولا كأنك كنتى حطاه، احنا هنساعدك و نقولك ازاى تخلى الروج بتاعك يدوم أطول، فى حركة بسيطة ممكن تعمليها، استخدمى الـ lip pencil علشان تحددى الشفايف من الخارج و بعدين استخدميه على كل مساحة شفايفك قبل ما تحطى الروج او الـ lip stick ، الـ lip liner هيشتغل كـ base وده هيخلى لون الروج يدوم فترة اطول على شفايفك. 

3 3

4- ترطيب البشرة : 

آخر نصيحة معانا من 4 تغييرات فى روتين الاهتمام بجمالك لازم تعمليهم فى 2018 هى انه ماينفعش ابدا تنسي الاهتمام بترطيب بشرتك، لانه البشرة المترطبة بشكل كافى بيبقى شكلها فريش و مابتبقاش محتاجه ميك اب كتير، علشان كده لازم يبقى ترطيب بشرتك أساسي فى كل يوم ، رطبي بشرتك بعد استخدام المنظف و ممكن بعدها تبدأى تحطى الميك اب ، و خلى دايما المرطب قدام عينيكى و فى مكان قريب من ايديكى علشان مايبقاش سهل تنسيه. 

اعرفى معانا كمان تمارين للوجه لبشرة منورة وصحية بشكل طبيعي

مقالات متعلقه

دليل من خبراء التغذية عن افضل الاطعمة لتعزيز جمال البشرة

دليل من خبراء التغذية عن افضل الاطعمة لتعزيز جمال البشرة

طرق استخدام زيت فيتامين E على البشرة

طرق استخدام زيت فيتامين E على البشرة

طريقة عمل لوشن للجسم باستخدام الجلسرين

طريقة عمل لوشن للجسم باستخدام الجلسرين