خدع جسدية هتساعدك تخلي حياتك اسهل

ريهام محمود
ريهام محمود
1447

جسمنا يعتبر ألة معقدة جدا بشكل مثير للدهشة واللي ممكن يكون صعب التعامل معاه في بعض الاوقات, لان في حاجات بتحصل بشكل تلقائي جدا زي العطس او الزغطة مثلا ومش بنقدر اننا نسيطر عليها, لكن النهاردة من خلال موضوعنا هنقولكم خدع جسدية تقدري عن طريقها تسيطري على بعض الحاجات اللي ممكن تكون بتحصل للجسم وبتسبب لك احراج في اوقات كتير.

خدع جسدية:

1- عشان تمنعي العطس:

لو في مكان وحسيتي انك هتعطسي بس عايزة تمنعيها, اضغطي على الجلد عند منطقة جسر الانف بصوابعك, لان بالحركة دي بتدي اشارة للمخ يسيطر عليها, والعكس لو عايزة تعطسي والعطسة مش عايزة تطلع ودي بتحصل لنا في كتير من الاوقات في الحالة دي بصي لضوء قوي هتعطسي على طول.

خدع جسدية 1
خدع جسدية 1

2- عشان تسمعي كويس:

لو انتي في مكان دوشة في نادي او في حفلة وصوت الموسيقى عالي اوي ومش عارفة تسمعي اللي بيكلمك سدي ودن واسمعي بالودن التانية, وهنلاقي الحركة دي دايما بيعملوها المطربين في الحفلات.

خدع جسدية 2
خدع جسدية 2

3- عشان تمنعي القلق:

لو في موقف وحاسه بقلق وتوتر مصي صوباعك الابهام, وتفسير الطريقة دي انها بتحفز العصب المبهم ودي بيخلي القلب ينبض ابطأ ويهديه وبيقلل من ضغط الدم, او ممكن تنفخي على الصوباع الابهام.

خدع جسدية 3
خدع جسدية 3

4- للتخلص من الزغطة:

الزغطة ليها كذا طريقة عشان نتخلص منها, ممكن تسحبي طرف اللسان, او تضغطي بلسانك على مكعب تلج, او تبلعي مكعي سكر, ممكن تسدي ودانك الاتنين بكفك وفي نفس الوقت تشربي مية بالشالميو, او انحني واشربي مية من الحنفية على طول.

خدع جسدية 4
خدع جسدية 4

5- للتخلص من التشنجات اثناء الجري:

لو بتمارسي رياضة الجري اكيد مريتي بالحالة دي انه بيحصل تشنجات او نغزة في الجنب اليمين او الشمال من الجسم اثناء الجري وده بيحصل لان اثناء مماررسة الرياضة ومن غير عمل احماء قبل الرياضة الدم بيتدفق للعضلات بشكل مش متساوي وبالتالي ده بيضغط زيادة على الكبد والطحال ودول بدورهم بيضغطوا على الحجاب الحاجز وبيحصل الالم , وعشان تتخلصي من الالم اثناء بسهولة بحيلة بسيطة جدا انك وانتي بتجري تطلعي الزفير لما رجلك الشمال تلمس الارض في الحالة دي مش هيحصلك اي الم.

خدع جسدية 5
خدع جسدية 5

6- لو عايزة تصحي اسرع:

لو الصبح مكسلة ومش قادرة تقومي الحيلة دي هتخليكي تقومي بشكل اسرع, وهي انك تكتمي نفسك لمدة ثواني الحركة دي بتسرع ضربات القلب وجسمك هيرسل اشارات انه يشتغل وينشط, لكن المهم اننا منبالغش في استخدام الحيلة دي لان الصحيان المفاجيء ممكن يسبب اجهاد للقلب.

خدع جسدية 6
خدع جسدية 6

7- لو مودك مش حلو:

سر بسيط جدا ممكن يحسن مودك لو مش حلو او عصبية, امسكي قلم رصاص بين اسنانك, العضلات اللي بتستخدميها عشان تمسكي القلم هترسل نبضات للمخ من خلال الاعصاب, وهيبدأ انتاج الاندروفين, وهتلاقي نفسك بتبتسمي بشكل طبيعي وهيحسن مودك.

خدع جسدية 7
خدع جسدية 7

8- لتحسين الذاكرة:

لو عايزة تحفظي حاجة من غير ما تنسيها, افضل طريقة اننا نستخدم امكانيات الذاكرة الخفية الخاصة بينا, وده هنعمله باننا نقرا الحاجة اللي مش عايزين ننساها بالليل, ونمدد على السرير ونشم اعشاب الروز ماري, الحيلة البسيطة دي هتساعدك تحفظي المعلومات بشكل اسرع وتخليكي متنسيهاش.

خدع جسدية 8
خدع جسدية 8

9- للتخلص من تنميل الرجل او الايد:

كتير بيحصل لنا تنميل في الرجل او الايد لو سندنا عليها فترة طويلة, وعشان تتخلصي من الاحساس ده بحيلة بسيطة جدا هزي راسك لمدة دقايق ده هيساعد عضلاتك على الاسترخاء وترجع لحالتها الطبيعية.

خدع جسدية 9
خدع جسدية 9

10- للتخلص من العصبية:

لو حاسه بعصبية وضربات قلبك سريعة جدا او في موقف مخليكي متوترة اوي, عشان تتخلصي من الحالة دي اقرصي طرف الانف وامسكيها بصوابعك, وسدي ودانك وطلعي زفير بقوة.

خدع جسدية 10
خدع جسدية 10

11- ازاي تخدعي المخ وتشوفي العالم حواليكي بشكل مختلف:

كلنا بنتعرض لضغوطات كتير في الحياة ممكن تخلينا محبطين, احنا ممكن نخدع المخ بحيلة بسيطة عشان نشوف الدنيا حوالينا احلى او نشوف العالم الموازي الخالي من الضغوط, كل اللي هتعمليه شغلي الراديو وخليه على الصوت اللي بيكون ما بين النقل بين المحطات, هاتي كورة بينج بونج اقطعيها نصين, وبشريط لاصق حطي كل نص على عين, دلوقتي نامي على ضهرك جنب الراديو واسترخي لمدة من 10 – 20 دقيقة.

خدع جسدية 11
خدع جسدية 11

15 حيلة جسدية مذهلة هتخليكي تحسي بشعور افضل وتحسن مزاجك

حيل جسدية هتخليكي احسن وتحسن مزاجك
حيل جسدية هتخليكي احسن وتحسن مزاجك

مقالات متعلقه

10 حيل رائعة للجسم هتغير حياتك

10 حيل رائعة للجسم هتغير حياتك

9 نصايح سهلة هتساعدك على الاسترخاء وتحسين مزاجك فورا

9 نصايح سهلة هتساعدك على الاسترخاء وتحسين مزاجك فورا

9 طرق لتحفيز نفسك لو بتعاني من حالة مزاجية سيئة

9 طرق لتحفيز نفسك لو بتعاني من حالة مزاجية سيئة