3 أسباب ليه البشرة الجافة بتتعرض أكتر للضرر الداخلى و الخارجى
لما نيجى نفكر فى الاهتمام ببشرتنا، هنلاقى انه معظم المشاكل اللى بتقابلنا بيتعرض ليها نوعين من البشرة غالبا و هما البشرة الجافة و البشرة الدهنية، خصوصا انه النوعين دول من البشرة بيتأثروا بتغيرات الجو و ده بيسببلهم مشاكل كتيرة، ولو حبينا نتكلم عن الاضرار اللى بتسببها التغيرات الجوية ، هنلاقى انه البشرة الجافة هى اللى بتتعرض أكتر للتعب و للمشاكل، علشان كده فى المقال ده بنات حوا هتقولك على 3 أسباب ليه البشرة الجافة بتتعرض أكتر للضرر الداخلى و الخارجى علشان تاخدى بالك منها و تتجنبيها او تعالجيها، خلينا نبدأ ..
3 أسباب ليه البشرة الجافة بتتعرض أكتر للضرر الداخلى و الخارجى..
1- البشرة الجافة لا تملك حواجز حماية طبيعية :
لما البشرة بتتعرض للجفاف بتبقى ضعيفة جدا و حساسة أكتر تجاه العوامل الطبيعية اللى ممكن تأثر عليها، و اللى بتسبب الضرر، والحقيقة الضرر ده ممكن يكون بسبب أى حاجة، من الشمس او الهواء و الاتربة لحد الحبوب و تهيج و احمرار البشرة. كل الحاجات دى ممكن تحصل بسبب انه الحواجز الطبيعية اللى بتبقى موجودة فى خلايا بشرتنا علشان تحميها بشكل طبيعى، بتبقى ضعيفة جدا فى حالة البشرة الجافة، الحواجز الطبيعية دى بتبقى فى شكل المواد اللى بتفرزها البشرة بشكل طبيعى علشان تحافظ على الترطيب، و بالتالى بتضعف جدا لما بتتحول بشرتك لبشرة جافة، لانه فى الحالة دى المواد السائلة او المرطبة دى بتتبخر بسرعة فالبشرة مابتلحقش تستفيد منها.
ازاى تقوى البشرة الجافة ؟
لما جفاف البشرة بيبقى شديد، بتبقى محتاجة تقوية و اهتمام أكتر، علشان كده مهم تمدى بشرتك طول الوقت بالترطيب و تحافظى على وجود المواد السائلة فى جسمك علشان كده دايما بننصح بشرب كميات كافية من المياة كل يوم، و بالتغذية الصحية, علشان تقدر البشرة تعيد اصلاح نفسها بسهولة و تقوى نفسها تجاه العوامل الخارجية اللى اتكلمنا عنها و اللى بتسبب لها الضرر، كمان ترطيب البشرة هيحافظ عليها من حب الشباب و انتشار الحبوب.
2- البشرة الجافة أضعف فى انها تصلح نفسها :
سبب تانى من أسباب ليه البشرة الجافة بتتعرض أكتر للضرر هو انه ميكانيزم اصلاح البشرة اللى بيبقى موجد فى خلايا بشرتنا بشكل طبيعى بيعتمد على عوامل كتير منها :
البشرة دايما محتاجة يبقى فى إمدادات كافية من المواد الغذائية اللى بتفيد الجلد علشان تساعده على الإصلاح والتعافي، خصوصا انه خلايا الجلد بتختلف عن بقية خلايا الجسم لانها تتطلب كمية أكبر من الكولاجين، وأنسجة الجلد بتحتاج مضادات الأكسدة علشان تساعده فى إزالة السموم.
وبالتالى نسيج الجلد بيتطلب ترطيب كتير، وده بيعتبر سبب رئيسي لجفاف الجلد ، علشان كده الترطيب بيساعد الجلد يبقى اكثر مقاومة للعوامل اللى ممكن تأثر عليه.
ازاى تخلى البشرة الجافة تقدر تصلح نفسها أسرع؟
الجلد هو أول حاجز بيحمى الجسم من اى ضرر خارجى، علشان كده بيحتاج حماية من العناصر الطبيعية اللى ممكن تأثر عليه بشكل سيئ . زى ما قلنا تقدرى تخلى البشرة تصلح نفسها أسرع بأنك تمديها بكل الحاجات اللى ممكن تساعد على ترطيبها زى كريمات الترطيب و اللوشن و الخضروات و الفاكهة.
3- مشاكل البشرة الجافة بتواجه مشاكل أكتر مع تقدم العمر :
تقدم السن بتعتبر هي واحدة من أهم المشاكل اللى بيسببها جفاف الجلد علشان كده هنلاقى انه أكثر الفئات اللى بتستخدم كريمات مقاومة علامات تقدم سن البشرة بيبقوا من أصحاب البشرة الجافة ، لانه مع التقدم فى السن الجلد بيبدأ فى الجفاف و التشقق و بتقل مادة الكولاجين اللى بتدى البشرة المظهر الصحى و المشدود للجلد، و ده بيخلى البشرة بتتعرض لمشاكل أكتر و بتبقى حساسة جدا تجاه أقل حاجة ممكن تسبب مشكلة، علشان كده بننصح دايما بالاهتمام بالجلد من سن صغيرة و ترطيب البشرة بشكل دائم.
ازاى تنشطى البشرة الجافة و تمنعى علامات تقدم العمر :
ببساطة ترطيب ورعاية كويسة لبشرتك في بشكل عام، هتضمن انه هيبقى عندك بشرة صحية، ناعمة ومتوهجة بتبين جمالك، و طبعا لو واجهتى مشاكل كبيرة او تهيج و حساسية لازم تروحى للدكتور فورا.
