حيل قديمة من جداتنا لسه مفيدة وفعالة وممكن نستخدمها لحد دلوقتي

بقلمريهام محمود فيمنوعات visibility1693

كتير اوي ممكن نستخدم حيل ووصفات بتكون متوارثة من زمان من ايام جداتنا وبنستخدمها وبتجيب نتيجة بشكل فعال جدا, والنهاردة من خلال موضوعنا هنقولك على مجموعة حيل قديمة من جداتنا ممكن تكون نسيناها او بطلنا نستخدمها مع الوقت او منعرفهاش لكن هي لسه مفيدة وفعالة.

حيل قديمة من جداتنا:

1- الاسبرين مع المية للورد:

من الحيل القديمة اللي لسه لحد دلوقتي ممكن نستخدمها وفعالة هي استخدام الاسبرين في المية اللي بنحط فيها الورد, لو عايزاه يعيش فترة اطول مرتين دوبي بس ½ قرص اسبرين مع المية خصوصا لانواع الورد زي الاقحوان, والقرنفل, والجلاديولي, والورد البلدي, وممكن تحطي مع المية شوية ملح صغيرين او خل مع الدالياس.

حيل قديمة من جداتنا
حيل قديمة من جداتنا

2- تعليم الطفل مسك القلم بطريقة صح:

من الحيل اللي كانت بتستخدمها الجدات الزمان مع الاطفال عشان يعلموهم يمسكوا القلم بطريقة صح, بيجيبوا شريط مطاط ويحطوا فيه القلم ويتلف على الايد زي الطريقة اللي باينه في الصورة قدامنا, الحيلة دي هتخلي القلم ثابت وميتحركش ويعلمهم المسكة الصح.

حيل قديمة من جداتنا
حيل قديمة من جداتنا

3- الملح لبقع الدهون على الملابس:

من الحيل القديمة للتخلص من بقع الدهون على الملابس, هي برش الملح على البقعة, وتسيبيها شوية لحد ما النسيج يمتص الملح كويس, بعدها نفضي الملح واغسلي الهدوم بالطريقة العادية هتلاقي البقعة اختفت.

حيل قديمة من جداتنا
حيل قديمة من جداتنا

4- استخدام الاسيتون للمانيكير الناشف:

من الحيل المشهورة جدا اللي في كتير مننا بيستخدموها هي استخدام الاسيتون مع المانيكير لو نشف او كلكع, حطي بس كام نقظة اسيتون على المانيكير هيرجع سايل تاني معاكي وكمان لونه هيبقى بيلمع اكتر, بس المهم متضيفيش كمية اسيتون زيادة عن اللزوم عشان ميبقاش سايل اوي ويفقد قوامه.

حيل قديمة من جداتنا
حيل قديمة من جداتنا

5- الماء المملح لتنضيف الاواني المحروقة:

لو عندك طاسه او حلة او اي حاجة اتحرقت منك عشان تنضفيها وترجعيها بتلمع تاني, حطي في الحلة مية وضيفي عليها كام معلقة كبيرة من الملح, وسيبيها تغلي من 15 – 20 دقيقة وبعدين اغسليها.

حيل قديمة من جداتنا
حيل قديمة من جداتنا

6- تنضيف الايد بالليمون:

لو ايدك فيها لون من اي نوع من انواع الخضار او الفاكهة اللي بتسيب لون على البشرة وبيبقى صعب نطلعه زي البنجر او التوت او غيرهم, عشان تتخلصي من اللون ومن اي بقع بكل بساطة افركي ايدك بنص ليمونة.

حيل قديمة من جداتنا
حيل قديمة من جداتنا

7- سلق البيض:

كتير بيحصل لما بنيجي نسلق بيض القشرة بتتكسر والبياض بيطلع ويروح في المية, وعشان نحل المشكلة دي بحيلة من حيل جداتنا القديمة, ضيفي لمية السلق شوية ملح, الملح مش هيمنع قشرة البيضة تتكسر لكن هيمنع البياض يطلع بره البيضة ويتسرب للمية.

حيل قديمة من جداتنا
حيل قديمة من جداتنا

8- تقطيع الخبز:

كتير لما بنيجي نقطع العيش ممكن يتفتت مننا, وعشان تمنعي ده يحصل استخدمي حيلة المية المغلية, هاتي السكينة اللي هتقطعي بيها وحطيها في مية مغلية, او صبي عليها مية مغليه من الكاتل وبعدين نشفيها وقطعي بيها هتلاقي الشرايح طالعة معاكي ناعمة ومتساوية.

حيل قديمة من جداتنا
حيل قديمة من جداتنا

9- البطاطس لتهيج والتهاب الجلد من لدغات الحشرات:

لو اتعرضتي لقرصة من اي حشرة, هاتي ثمرة بطاطس صغيرة اغسليها كويس وقطعيها نصين, وحطي البطاطس على مكان الاصابة ولفي عليها ضمادة او شريط لاصق او بلاستر, وسيبيها فترة, البطاطس بتقلل من الحكة والالتهاب وبتساعد على ترطيب الجرح وبالتالي بتساعد على سرعة شفاء القرصة واي تهيج او التهاب ناتج عنها.

حيل قديمة من جداتنا
حيل قديمة من جداتنا

10- تحديد الاتجاهات الاساسية بساعة اليد:

هاتي ساعة اليد العادية ولفيها بحيث الايد او استيك الساعة يبقى مواجه للشمس, قسمي الزاوية بين الاستيك ورقم 1, الخط الفاصل في الزاوية ده هيكون الجنوب.

لحد وقت الضهر هيكون الجنوب على الجانب اليمين من الشمس, وبعد الضهر هيكون على الشمال.

حيل قديمة من جداتنا
حيل قديمة من جداتنا

11- تبييض البشرة:

– من الوصفات الطبيعية اللي كانوا بيستخدموها الجدات لتبييض البشرة هو الفجل, افركي بشرتك بشرايح الفجل قبل النوم يوميا, مع الوقت هتلاحظي النتيجة الفعالة ليه لتبييض البشرة.

– كمان من الخلطات الفعالة جدا اللي كانوا بيستخدموها لتبييض البشرة, خليط عصير الخيار وعصير الليمون, اخلطي منهم كميات متساوية وادهني بيها بشرتك, الخليط ده ليه قدرة فعالة جدا على تبييض وتغذية البشرة.

حيل قديمة من جداتنا
حيل قديمة من جداتنا

12- التخلص من الشيب:

كانوا الجدات من زمان بيستخدموا زيت املا لعلاج الشيب, لانه غني جدا بفيتامين C وحمض الاسكوربيك اللي بتحمي من الشيب المبكر.

حيل قديمة من جداتنا
حيل قديمة من جداتنا

13- اللبن بدل الكريم المرطب:

زمان مكنش فيه المرطبات زي دلوقتي, فكانوا زمان بيدهنوا بشرتهم باللبن كبديل للمرطب قبل النوم, وفعلا اللبن اثبت فعاليته للترطيب وتفتيح البشرة لانه بيحتوي على فيتامين A و D وعلى مادة حمضية بتساعد على تقشير الجلد الميت والتقليل من افرازات البشرة الدهنية اللي ممكن تسبب الحبوب والبثور.

حيل قديمة من جداتنا
حيل قديمة من جداتنا

14- النوم على مخدة حرير او ستان:

كمان من الحيل اللي كانوا بيستخدموها زمان النوم على مخدات ساتان او حرير, لانها بتحمي البشرة من التجاعيد وبتحافظ على شباب البشرة اكتر من المخدات القطن.

حيل قديمة من جداتنا
حيل قديمة من جداتنا

15- الفازلين للترطيب:

من المنتجات القديمة اللي كانت بتستخدم وليها فوايد كتير جدا هو الفازلين, كان يعتبر مفتاح الجمال على ايام جداتنا زمان بيستخدموه لترطيب البشرة والجسم وعلاج جفاف الجلد وتشققات الشفايف وخشونة كعوب الرجل.

حيل قديمة من جداتنا
حيل قديمة من جداتنا

21 حيلة هتسهل حياتك في المطبخ مكنتيش تعرفيهم قبل كده

حيل هتسهل حياتك في المطبخ