افكار ازاي تلبسي الجيبة الماكسي الكُسر Pleated maxi skirt مع الحجاب

بقلمريهام محمود فيموضة وأزياء visibility1863

ستايل الجيبة الـ Pleated maxi skirt او الجيبة الماكسي الكُسر من الستايلات اللي كانت موجودة من فترة, ورجعت موضة تاني للموسم ده, والستايل ده مرجعش في الجيبات بس كمان رجع للفساتين. والنهاردة هنشوف مع بعض افكار ازاي تلبسي الجيبة الكُسر مع الحجاب بطريقة انيقة وشيك.

الستايل ده من الجيبات رقيق وانثوي جدا ومناسب في نفس الوقت للمحجبات وغير المحجبات لانها عمليه جدا ف لبسها ومريحة وممكن تمشي مع اي جسم, لكن لو انتي مليانة او Plus size لازم تاخدي بالك لما تيجي تلبسيها تختاري القطعة اللي هتنسقيها عليها كويس لانها ممكن تبين منطقة الوسط اعرض, عشان كده حاولي تختاري عليها بلوزة او بلوفر قصير يكون فوق منطقة الوسط.

والـ Pleated maxi skirt ممكن تنسقي عليها بلوزة او قميص تدخليهم جوه الجيبة وتلبسي فوقيهم جاكيت او بليزر يغطي منطقة الوسط بيطلع اللوك حلو وانيق جدا, او تلبسي بلوفر من بره الجيبة وعليه حزام عشان تحددي منطقة الوسط.

وبالنسبة للشوز ممكن تلبسي عليها كل ستايلات الشوزات يمشي عليها شوز رياضي او باليرينا لو عايزة لوك عملي وكاجوال للصبح, وممكن شوز او صندل بكعب او انكل بوت لو عايزة لوك اكتر اناقة لخروجاتك بالليل.

بالنسبة للالوان هنلاقي منها الالوان التقليدية او المحايدة زي الرمادي والبيج والالوان الزاهية والالوان الباستيل, والخامات هنلاقي منها القطيفة اللي نازل موضة جدا الموسم ده او الشيفون او على صوف.

تعالوا نشوف مع بعض افكار للبس الـ Pleated maxi skirt:

افكار ستريت ستايل شتوي للمحجبات

افكار ستريت ستايل شتوي للمحجبات
افكار ستريت ستايل شتوي للمحجبات