8 حاجات تعمليهم وانتي نايمة هتخليكي احلى تاني يوم

ريهام محمود
ريهام محمود
في
بشرة
50125

فترة الليل تعتبر هي افضل فترة نستخدم فيها منتجات سواء للبشرة او للشعر عشان نجددهم ونصلح اي تلف فيهم, ونخلي المنتجات تعمل مفعولها طول الليل, عشان كده النهاردة جايبين لكل بنات حوا نصايح اثناء النوم تخليكي احلى تاني يوم الصبح لو عملتيها بشكل منتظم.

نصايح اثناء النوم تخليكي احلى:

1- ماسك جل الالوفيرا:

جل صبار الالوفيرا بيساعد على تفتيح البشرة, وعلاج البثور, ومنع التجاعيد, ومناسب لكل انواع البشرة, طبقيه مرتين في الاسبوع, ممكن تحطيه لوحده خام, او تختاري ماسك بجل الالوفيرا مناسب لنوع بشرتك..شوفي من هنا 20 وصفة مذهلة للبشرة والشعر باستخدام جل الالوفيرا.

نصايح اثناء النوم تخليكي احلى 1
نصايح اثناء النوم تخليكي احلى 1

2- ماسك فيتامين E لتحت العين:

الجلد اللي تحت العيون بيكون رقيق جدا وبيتأثر بسرعة ومعرض للتجاعيد المبكرة, وعشان نمنع الجفاف والتجاعيد المبكرة, ادهني منطقة تحت العين بفيتامين E قبل النوم, وممكن عشان توصلي لنتايج افضل تضيفي له زيت السمك او زيت الزيتون.

بس نخلي بالنا من كمية فيتامين E لما نيجي نستخدمة ندهن كمية بسيطة يعني كام نقطة بس لان الكمية الكبيرة ممكن تسبب تورم وتهيج تحت العين, طبقيه مرة واحدة في الاسبوع..شوفي من هنا فوايد مذهلة ووصفات لفيتامين E.

نصايح اثناء النوم تخليكي احلى 2
نصايح اثناء النوم تخليكي احلى 2

3- تطبيق زيت الخروع على الرموش والحواجب:

هاتي عبوة ماسكارا فاضية اغسليها كويس وحطي فيها زيت خروع, وحطي منه على الحواجب لتتقيلها وعلى الرموش هتساعد على تسريع نموها وتطويلها وتكثيفها, طبقيه كل يوم قبل النوم.

نصايح اثناء النوم تخليكي احلى 3
نصايح اثناء النوم تخليكي احلى 3

4- زيت جوز الهند للشفايف:

زيت جوز الهند بيساعد جدا على علاج جفاف وتشقق الشفايف, ادهنيه على الشفايف كل يوم قبل النوم, هتصحي تاني يوم شفايفك طرية وناعمة.

نصايح اثناء النوم تخليكي احلى 4
نصايح اثناء النوم تخليكي احلى 4

5- رطبي شعرك:

الشعر بيتعرض بشكل يومي لعوامل الجلو اللي بتأثر عليه بشكل سلبي جدا وبتنشفه وبتخليه يفقد رطوبته, وفي كتير من السبراي والسيروم اللي موجودة في السوق عشان تساعد على ترطيب الشعر, لكن احنا هنقولك سبراي طبيعي تعمليه بنفسك كل اللي محتاجاه كميات متساوية من خل التفاح والمية اخلطيهم مع بعض وحطيهم في ازازة ببخاخ, ورشي الشعر بيه مرة في الاسبوع..شوفي من هنا طريقة عمل سبراي لعلاج الشعر الجاف في البيت بخطوات سهلة وبسيطة.

نصايح اثناء النوم تخليكي احلى 5
نصايح اثناء النوم تخليكي احلى 5

6- تطبيق الفازلين على الشعر قبل النوم:

السبب الرئيسي لانقسام اطراف الشعر وتكسيره انه بيبقى جاف اوي, والشعر زي البشرة بالظبط محتاج ترطيب عشان يفضل صحي وقوي وبيلمع, والفازلين يعتبر مثالي جدا لتغذية الشعر وترطيبه ومنع انقسام اطراف الشعر, وبيساعد على نمو الشعر بشكل اقوى, ادهنيه على اطراف الشعر يوميا قبل النوم..شوفي من هنا ازاي تتخلصي من انقسام اطراف الشعر بطرق طبيعية من غير ما تقصيه.

نصايح اثناء النوم تخليكي احلى 6
نصايح اثناء النوم تخليكي احلى 6

7- تنعيم الايدين:

لتنعيم الايد اعملي الطريقة دي يوميا قبل النوم.

– اغسلي ايدك كويس, افركيها باي سكراب مفضل ليكي, وبعدين اغسليها بالمية مرة تانية.

– نشفي ايدك, وادهني طبقة سمكية من الكريم المرطب, وحطي الكريم كويس على الايد كلها والصوابع وبين الصوابع والعقل والمعصم.

– البسي جوانتي ونامي بيه, وممكن تلبسي جوانتي سبا خاص ولو مش متوفر البسي اي جوانتي عادي.

– اقلعي الجوانتي الصبح, وادهني زيت او كريم للجلد اللي حوالين الضوافر.

نصايح اثناء النوم تخليكي احلى 7
نصايح اثناء النوم تخليكي احلى 7

شوفي من هنا 6 وصفات طبيعية لتنعيم وتبييض الايدين.

8- تنعيم الرجل والكعوب:

ادهني الرجل والكعوب يوميا قبل النوم بزيت الزيتون او زيت جوز الهند والبسي شراب قطن ونامي بيه, هتصحي تاني يوم تلاقي رجلك وكعوبك ناعمة جدا.

نصايح اثناء النوم تخليكي احلى 8
نصايح اثناء النوم تخليكي احلى 8

شوفي من هنا وصفة سريعة تنعم رجلك وتبقى حرير.

16 نصيحة جمالية لو عملتيها هتخليكي زي نجمات هوليوود

نصايح جمالية
نصايح جمالية

مقالات متعلقه

9 نصايح جمالية فعالة محتاجة تجربيهم

9 نصايح جمالية فعالة محتاجة تجربيهم

10 نصايح جمالية دخليهم في روتينك هيفرقوا معاكي

10 نصايح جمالية دخليهم في روتينك هيفرقوا معاكي

5 نصايح وحيل هتساعدك تحققي التوازن الطبيعي لبشرتك

5 نصايح وحيل هتساعدك تحققي التوازن الطبيعي لبشرتك