10 وصفات طبيعية لعلاج تعرق الايدين بشكل فعال

بقلمريهام محمود فيبشرة visibility454

تعرق الايدين من المشاكل اللي بيعاني منها كتير من الاشخاص وبتسبب لهم احراج في السلام على حد, وبتضايقهم في الكتابة او السواقة او لمس اي حاجة بشكل عام, واكيد العرق يعتبر عملية طبيعية بيتنظم من خلاله درجة حرارة الجسم, لكن لما بيزيد عن الطبيعي ده علميا بيتسمى بفرط التعرق, وبيحصل غالبا بسبب القلق, والتوتر, والاجهاد, والعصبية, والاكتئاب, وممكن يكون سببه مشكلة وراثية, ولازم ناخد بالنا ان تعرق الايدين ممكن يكون بسبب مشاكل صحية اكبر زي انخفاض نسبة السكر في الدم, وزيادة افراز الغدة الدرقية, والنوبات القلبية, واضطرابات الجهاز الهضمي, وانقطاع الدورة الشهرية, او ممكن بعض الادوية تأدي لزيادة التعرق في الجسم كله وبما فيهم الايدين.

وعشان نساعدك في حل المشكلة دي هنعرف النهاردة من خلال موضوعنا مجموعة وصفات طبيعية لعلاج تعرق الايدين بشكل فعال جدا, وكلها وصفات بسيطة بمكونات متوفرة في البيت.

وصفات طبيعية لعلاج تعرق الايدين:

1- البيبي بودر:

واحدة من ابسط العلاجات الطبيعية والفعالة جدا في علاج تعرق الايدين هي البيبي بودر, لانها تعتبر مضاد للعرق وبتساعد على امتصاص الرطوبة ومنع ريحة العرق.

 كل اللي هتعمليه رشي كمية من البيبي بودر في الايد وافركيها فيها, وممكن تخلي ازازة بيبي بودر صغيرة في شنطتك وانتي بره البيت تستخدمي منها لو حسيتي بعرق.

وصفات طبيعية لعلاج تعرق الايدين
وصفات طبيعية لعلاج تعرق الايدين

2- خل التفاح:

خل التفاح بيعمل توازن لمستوى الرقم الهيدروجيني في الجسم, وكمان يعتبر قابض طبيعي وبالتالي هيسيطر على التعرق بشكل فعال لانه بيساعد على تصغير المسام.

1 انقعي منديل ورق في كمية من خل التفاح وامسحي بيها ايديكي, كرري العملية دي اكتر من مرة في اليوم.

– في طريقة تانية اخلطي كميات متساوية من خل التفاح والمية وانقعي ايدك فيها لمدة 5 دقايق وبعدين اغسليها بالمية والصابون.

– او ضيفي 2 معلقة صغيرة من خل التفاح لكوباية مية دافية, وضيفي لهم شوية صغيرين عسل نحل, واشربيه مرة واحدة في اليوم.

وصفات طبيعية لعلاج تعرق الايدين
وصفات طبيعية لعلاج تعرق الايدين

3- المرمرية:

المرمرية كمان تعتبر من العلاجات الفعالة جدا لعلاق تعرق الايدين, وبتساعد على التخلص من الزيوت الزيادة في الجلد ومنع التعرق, وبتساعد كمان على تقليل ريحة العرق, كمان شاي المرمرية غني بفيتامين بي وبالمغنسيوم, اللي بيمنع فرط نشاط الغدة الدرقية.

– حطي كيس او اتنين من المرمرية  في طبق كبير فيه مية سخنة, غطيه وسيبيه منقوع لمدة 15 دقيقة, وبعدها انقعي ايدك في المية لمدة 30 دقيقة, كرريها من مرة لمرتين في اليوم.

– وممكن تلفي المرمرية الجافة في شاشة او قطعة قماش وتخليها في شنطتك وتمشيها على ايدك عشان تمتص وتمنع العرق.

– ممكن تشربي كوباية شاي مرمرية كل يوم عشان تمنعي من العرق.

وصفات طبيعية لعلاج تعرق الايدين
وصفات طبيعية لعلاج تعرق الايدين

4- الشاي الاسود:

الشاي العادي اللي احنا بنشربة كمان من العلاجات اللي ممكن نستخدمها لمنع العرق, لان حمض التانيك اللي موجود  في الشاي بيحتوي على مضادات العرق وخصائص قابضة بتساعد على السيطرة على افرازات الغدة الدرقية وده بالتالي بيساعد على منع الغدد من انتاج عرق زيادة.

– جيبي كيس شاي رطب يعني بعد ما تستخدميه وتعملي بيه الشاي استخدميه على ايدك امسكيه في ايدك لمدة دقايق كل يوم, او تمسحي بيه على الايد.

– او ممكن تحطي من 3 – 4 اكياس شاي في طبق كبير فيه مية سخنة, وسيبيه منقوع لمدة 5 دقايق, وبعدين انقعي ايدك فيه لمدة 30 دقيقة, كرري العملية دي يوميا.

وصفات طبيعية لعلاج تعرق الايدين
وصفات طبيعية لعلاج تعرق الايدين

5- صودا الخبز “الكربوناتو”:

الكربوناتو علاج سريع ورخيص جدا لعلاج تعرق الايدين, لان الكربوناتو ليه طبيعة قلوية بتساعد على السيطرة على التعرق الزيادة, وكمان بيخلي العرق يتبخر بسرعة, كمان يعتبر مضاد للعرق ومزيل للعرق, وبيمتص الرطوبة بشكل فعال جدا.

– ضيفي من 2 – 3 معالق كبيرة كربوناتو لطبق فيه مية دافية, انقعي ايدك في المية لمدة 10 دقايق, وبعدين طلعيها ونشفيها, كرريها مرة كل يوم.

– او امزجي كميات متساوية من الكربوناتو والنشا, احتفظي بيه في علبة او ازازة, ورشي منه على الايد كل يوم او كل ما تحتاجي وتحسي بايدك عرقانة.

وصفات طبيعية لعلاج تعرق الايدين
وصفات طبيعية لعلاج تعرق الايدين

6- مية الورد:

مية الورد بتحتوي على خصائص قابضة ومضادة للتعرق, وبالتالي بتساعد على السيطرة على التعرق المفرط, وبتساعد على قفل المسام.

انقعي قطعة قطن في مية الورد وامسحي بيها كف الايد من 2 – 3 مرات يوميا او حسب الحاجة.

وصفات طبيعية لعلاج تعرق الايدين
وصفات طبيعية لعلاج تعرق الايدين

7- عصير الطماطم:

عصير الطماطم ليه تأثير مبرد على الجسم وبالتالي ده بيساعد في تقليل العرق, كمان الطماطم تعتبر قابضة وبتقلل من حجم المسام والقنوات اللي بتفرز العرق.

– ادهني كف ايدك بعصير الطماطم او افركيها بشريحة طماطم وسيبيها على الايد لمدة 15 دقيقة, وبعدها اغسلي ايدك بمية باردة, كرريها من مرة لمرتين يوميا.

– ممكن كمان تشربي كوباية او اتنين من عصير الطماطم يوميا, عشان تحافظي على درجة حرارة الجسم باردة, وبالتالي ده هيقلل من التعرق.

وصفات طبيعية لعلاج تعرق الايدين
وصفات طبيعية لعلاج تعرق الايدين

8- سيطري على التوتر:

زي ما قولنا في البداية ان العرق الزيادة ممكن يحصل بسبب التوتر والقلق, عشان كده مهم جدا اننا نحاول نسيطر على القلق والتوتر عشان نتخلص من المشكلة.

ممكن تجربي تمارسي يوجا او رياضة التأمل عشان تساعدك على تقليل الاجهاد والتوتر ومنع النشاط المفرط للغدة الدرقية, كمان التنفس بعمق, وسماع الموسيقى, او ممارسة اي هواية هتساعدك جدا على تقليل التوتر والقلق.

وصفات طبيعية لعلاج تعرق الايدين
وصفات طبيعية لعلاج تعرق الايدين

9- اتجنبي الاكلات والمشروبات اللي بتسبب العرق:

ممكن يكون سبب التعرق الزيادة راجع للحاجات اللي بناكلها او بنشربها, عشان كده لو حسيتي فجأة بمشكلة التعرق بتزيد عندك راجعي نظامك الغذائي كويس.

في اكلات ممكن تزود العرق زي مثلا الاكلات الحراقة بترفع درجة حرارة الجسم وبالتالي بتزود افراز العرق, كمان الاكلات اللي فيها توابل وبهارات كتير بتسبب نفس المشكلة, حاولي تتجنبي كمان المشروبات السخنة اللي فيها كافيين, والاكلات اللي فيها ثوم وبصل كتير, والاطعمة المصنعة اللي بتكون فيها نسبة عالية من السعرات الحرارية والملح.

وصفات طبيعية لعلاج تعرق الايدين
وصفات طبيعية لعلاج تعرق الايدين

10- كلي الاكلات الغنية بالمغنسيوم وفيتامين B:

زي ما في اكلات ممكن تسبب زيادة العرق كمان في اكلات بتساعد في السيطرة على العرق الزيادة, وهي الاكلات الغنية بالمغنسيوم وفيتامين B.

الاكلات الغنية بفيتامين B بتمنع ارتفاع حرارة الجسم وده معناه ان غدد العرق مش هتحتاج تشتغل بشكل اكبر عشان تنظم درجة حرارة الجسم, وهنلاقي فيتامين B في اكلات زي الفراخ, والاسماك, والحبوب الكاملة, والبيض, والخضروات الخضرا.

كمان من الحاجات اللي ممكن تسبب العرق الزيادة هو نقص المغنسيوم في الجسم, لان المغنسيوم بيساعد في السيطرة على السيطرة على نشاط الغدة الدرقية, وبالتالي لما تدخلي الاكلات الغنية بالمغنسيوم في نظامك الغذائي هيساعد على تقليل العرق, ومن الاكلات الغنية بالمغنسيوم اللوز, والافوكادو, والموز, والفاصوليا, وبذور القرع, والعسل الاسود, والتوفو, وحليب الصويا, والكاجو, والحبوب الكاملة, والخضروات الورقية الخضرا.

وصفات طبيعية لعلاج تعرق الايدين
وصفات طبيعية لعلاج تعرق الايدين

– نصايح اضافية:

1- ممكن تستخدمي مضادات العرق اللي بتحتوي على مركبات بتعتمد على الالمنيوم لمنع مسام العرق بشكل مؤقت, واتأكدي من استخدام مضاد العرق مش بس مزيل العرق.

2- خلي دايما في شنطتك ويبس كحول عشان تمسحي ايدك بيها كل ما تعرق.

3- اغسلي ايدك باستمرار عشان تتخلصي من اي زيوت زيادة.

4- خدي شاور يوميا عشان تتخلصي من اي بكتيريا على الجلد ممكن تسبب ريحة العرق, ونشفي الجلد كويس وخصوصا بين صوابع الايد.

5- اتجنبي لبس الجوانتيات او اي حاجة ممكن تغطي الايد وتمنع الهوا عن الجلد, لان ده هيزود الرطوبة في الايد وهتسبب العرق.

6- لو حاسه ببرد وايدك سقعانه اوي ومحتاجة تدفيها ممكن تلبسي الجوانتي اللي بيكون من غير صوابع, او جوانتي مصنوع من مادة خفيفة متسببش عرق للايد, وحافظي على الجوانتي نضيف اغسليه بعد كل مرة تلبسيه فيها.

7- متستخدميش اللوشن او الكريمات اللي بيكون اساس مكوناتها من الزيوت لانها هتسبب زيادة العرق.

8- لو بره البيت وحاسه جسمك سخن اوي, حاولي تدخلي اي مكان فيه تكييف لفترة من الوقت لحد ما درجة حرارة جسمك تنزل عشان تبطيء من انتاج العرق.

9- اشربي كمية كافية من المية عشان تحافظي على رطوبة الجسم, بحيث ان الغدد العرقية متحتاجش تشتغل زيادة عشان تنظم درجة حرارة الجسم.

وصفات طبيعية لعلاج تعرق الايدين
وصفات طبيعية لعلاج تعرق الايدين

10 وصفات طبيعية فعالة لتفتيح الرقبة

وصفات طبيعية لتفتيح الرقبة
وصفات طبيعية لتفتيح الرقبة