5 Fashion Trends لازم تجربيهم فى موسم الشتاء السنة دى

آية حسان
آية حسان
1304

الشتاء هو موسم الملابس و الأزياء المفضل عند كتير مننا و ده لانه هو الوقت المناسب علشان نطلع الجاكت و الفرو اللى مستنيين نلبسه طول السنة و كمان البوت اللى مستخبى فى الدولاب من الشتاء اللى فات، و علشان احنا دايما بنهتم بأناقتك و جمالك.. مكملين معاكى الموضوعات الخاصة بالموضة و الازياء و ستايلك فى شتاء 2018، فى المقال ده هتعرفى معانا 5 Fashion Trends لازم تجربيهم فى موسم الشتاء السنة دى ..

5 Fashion Trends لازم تجربيهم فى موسم الشتاء السنة دى .. 

1- Power Red : 

اللون الاحمر موجود بقوة على ساحة الموضة و الازياء لموسم شتاء 2018، علشان كده لازم يبقى عندك على الاقل قطعة او اتنين من اللون الاحمر اللى مفيش بنت فينا مابتحبوش، اللون ده بيدى احساس بالسيطرة و الثقة بالنفس الى ابعد حد، ولو قلقانة من انك تعملى outfit باللون الاحمر ، يبقى جربى تلبسيه فى سكارف او شنطة او شوز.

2- Victorian Collars : 

الياقات بأشكالها المختلفة راجعة تانى موضة السنة دى، خصوصا الياقات على الستايل الفيكتورى او الـ victorian collars ، لانها بتعمل ميكس ما بين المودرن و الكلاسيك فى نفس الوقت.

3- Formal Velvet : 

الخامات الناعمة اللى فيها زى الوبر  زى خامات القطيفة و الشامواه راجعة بقوة فى موضة أزياء شتاء السنة دى، علشان كده فى مناسبتك الجاية او فى خروجات و سهرات بالليل جربى تعتمدى على فستان او بلوزة من اى من الخامات دى علشان تعملى لوك شتوى لكن فى نفس الوقت اليجانت و شيك.

4- Strong Shoulders : 

الجواكت و البلايزر اللى بتعتبر شوية oversized  هتلاقيها trendy  جدا فى موشة شتاء السنة دى، و بتعتبر من الـ Fashion Trends اللى لازم تجربيها، الجميل فى التريند دى انها تقريبا بتناسب اى نوع او شكل جسم و ممكن تلبسيها فورمال او كاجوال وفى الحالتين تعملى لوك شيك و حلو و مناسب للشتاء. و بتعتبر طريقة عملية و مفيدة جدا تعملى بيها upgrade لدولابك.

5- Vintage Florals : 

آخر حاجة هنتكلم فيها من الـ fashion trends  الخاصة بالشتاء السنة دى هى قطع الملابس الفلورال اللى مكملة معانا من موضة الصيف و الربيع ، جربى تلبسي floral dress او top  او حتى بنطلون فلورال بخامة شتوية تقيلة علشان تعملى لوك مودرن.

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم