16 نصيحة جمالية لو عملتيها هتخليكي زي نجمات هوليوود

بقلمريهام محمود فيمكياج visibility2819

ساعات كتير بيجيلنا مثلا مناسبة او دعوة مفاجأة من حد او خروجة مع اصحابنا وبنكون مش مستعدين وبنبقى عايزين حلول سريعة عشان نظهر بشكل حلو ومثالي, والنهاردة من خلال موضوعنا هنساعد كل بنات حوا في المهمة دي وهنعرف مع بعض مجموعة نصايح جمالية هتساعدك على تجديد بشرتك بسرعة وكمان نصايح للشعر والمكياج والضوافر.

نصايح جمالية:

1- ماسك لبشرة منورة ومشرقة:

بدل ما تخبي عيوب البشرة بالفونديشن, تقدري تجدديها وتتخلصي من العيوب في ربع ساعة بس هيساعدك على تنضيف البشرة والمسام وازالة الرؤوس السودا.

اخلطي من 2 – 3 معالق صغيرة لبن مع 2 معلقة كبيرة جيلاتين, حطيهم في الميكروويف لمدة 30 ثانية او حطيهم في حمام مية سخنة لحد ما يدوبوا مع بعض, لما يبقى الخليط دافي حطيه على بشرتك وسيبيه لحد ما ينشف وبعدين قشريه من على البشرة من تحت لفوق عكس اتجاه الشعر.

نصايح جمالية
نصايح جمالية

2- اتخلصي من الرؤوس السودا والبيضا في 10 دقايق:

لو عايزة تتخلصي من الرؤوس البيضا والسودا بشكل سريع, اخلطي كمية من القرفة مع عسل نحل لحد ما توصلي لخليط سميك, حطي منه طبقة رقيقة على منطقة الانف, حطي عليها شريط لاصق قطن “هنلاقيه في الصيدلية” او ممكن تحطي قطعة قماش نضيفة, شيليه بعد 5 دقايق, واغسلي البشرة.

نصايح جمالية
نصايح جمالية

3- ماسكات لتجديد البشرة بسرعة:

– للجلد المرهق والمجهد: امزجي كميات متساوية من عصير التفاح وعسل النحل, حطي الخليط على البشرة وسيبيه 5 دقايق وبعدين اغسلي بشرتك.

– للهالات السودا وانتفاخات تحت العين: هاتي شريحتين بطاطس حطيهم تحت العين, وسيبيهم لمدة 15 دقيقة وبعدين شيليهم واغسلي البشرة.

– للبشرة الجافة: اخلطي كميات متساوية لبن رايب وساور كريم, وحطي الخليط على البشرة ربع ساعة وبعدين اغسليه.

– للبشرة الدهنية: امزجي بياض بيضة مع معلقة صغيرة زيت زيتون وكام نقطة عصير ليمون, ادهني بشرتك بالخليط وسيبيه من 15 – 20 دقيقة وبعدين اغسليه.

– للبشرة العادية: اخلطي جريب فروت مع موز مهروس, حطي الخليط على البشرة سيبيه ربع ساعة وبعدين اغسليه.

– لتهيج والتهاب الجلد: ادهني البشرة باللبن الرايب وسيبيه لمدة 15 دقيقة وبعدين اغسليه, هيساعد جدا على تهدئة البشرة.

نصايح جمالية
نصايح جمالية

شوفي من هنا ازاي اعرف نوع بشرتي وازاي اهتم بيها.

4- طبقي اكتر من ماسك في نفس الوقت:

سواء بشرتك مختلطة او عندك كذا مشكلة في البشرة عايزة تعالجيهم في نفس الوقت, هيكون الحل انك تعملي اكتر من ماسك على الوش في نفس الوقت, يعني ممكن تختاري اكتر من ماسك حسب المشاكل اللي بتعاني منها وتطبقي على كل منطقة الماسك الخاص بيها.

نصايح جمالية
نصايح جمالية

5- رطبي بشرتك بشكل صح:

الترطيب مهم جدا عشان بشرتك تبان سموزي وصحية, عشان كده مهم انك تختاري الكريم المرطب المناسب لنوع بشرتك عشان يديكي النتيجة المطلوبة, لما تيجي تشتري الكريم ضروري بصي في المكونات عشان تقدري تختاري صح.

– للبشرة الجافة: الافضل تستخدمي الكريمات المرطبة اللي اساس مكوناتها شمع العسل, والكريم المفروض يكون خالي من المية.

– للبشرة الدهنية: استخدمي الكريمات اللي بتحتوي على سيليكون طبيعي “مادة الدايميثيكون”.

– للبشرة العادية والمختلطة: استخدمي الكريمات اللي بتحتوي على الزيوت المعدنية والدايميثيكون.

نصايح جمالية
نصايح جمالية

شوفي من هنا انواع الكريمات المرطبة المناسبة لكل نوع بشرة.

6- اخفاء الهالات السودا بالمكياج:

لاخفاء الهالات وعيوب البشرة المختلفة, استخدمي كريمات تصحيح اللون, اللون الاخضر بيخفي التهابات البشرة, اللون الخوخي والوردي للبشرة المجهدة والشاحبة, اللون الاصفر هيخفي البقع والندبات الصغيرة, البرتقاني هيخفي الهالات السودا تحت العيون.

نصايح جمالية
نصايح جمالية

لو لقيتي ان كريمات تصحيح اللون مش كافية لاخفاء الهالات, ممكن تجربي تحطي اكياس الشاي الرطبة تحت العين, وبعد قناع اكياس الشاي ممكن تخفي الباقي بالكونسيلر ارسميه على شكل مثلث مقلوب تحت العين وبعدين ادمجيه كويس على البشرة.

نصايح جمالية

شوفي من هنا ازاي تستخدمي بياض البيض لعلاج الهالات السودا وانتفاخات العين.

7- اعملي تان لبشرتك في 15 دقيقة:

لو عايزة تعملي تان سريع لبشرتك, بكل بساطة اخلطي كريمك المرطب مع الكاكاو وحطي كمية الكاكاو حسب لون التان اللي انتي عايزاه تقدري تتحكمي في اللون بكمية الكاكاو, وادهني بشرتك بيه.

نصايح جمالية
نصايح جمالية

8- كيرلي سريع للشعر الطويل:

لو شعرك طويل وعايزة تعملي كيرلي سريع, اقسمي الشعر نصين, وابرمي كل نص وامشي عليه بالمكوى.

نصايح جمالية
نصايح جمالية

شوفي من هنا 7 طرق لعمل الشعر كيرلي في البيت.

9- تسريحة انيقة في 5 دقايق:

لو عايزة تسريحة سريعة وانيقة التسريحة دي هتكون مناسبة ليكي جدا ومش هتاخد اكتر من 5 دقايق لتنفيذها, اقسمي الشعر نصين, اربطيهم في بعض, ولفيهم على شكل كحكة وثبتيها بالبنس.

نصايح جمالية
نصايح جمالية

شوفي من هنا 7 تسريحات للشعر الطويل تجنن وسهل تعمليهم.

10- سر يخلي شعرك يبان اتقل:

ممكن بحيلة بسيطة اوي تبيني شكل شعرك اتقل, خدي الجزء اللي فوق من الشعر اللي ورا الجزء بتاع القوصة وسرحيه بالمشط بالعكس من تحت لفوق عشان تديه Volume, وبعدين سرحي الشعر بالفرشة بشكل خفيف كده عشان متبوظيش الحجم اللي عملتيه للشعر, لميه كله ديل حصان بالاستك, اقسمي ديل الحصان وحطي في نصه توكه كلبس صغيرة وبعدين نزليه باقي الشعر عليها وخدي خصلة من ديل الحصان لفيها على الاستك وثبتيها ببنسه من تحت.

نصايح جمالية
نصايح جمالية

30 تسريحة شعر للشعر الخفيف والطويل هتبين شعرك اتقل.

11- اعملي Mirror chrome nails في 10 دقايق:

لو معندكيش وقت تروحي صالون التجميل تعملي مانيكير, عشان تعملي ضوافرك بطريقة ال Mirror chrome مش محتاجة مانيكير خاص ممكن تستخدمي بداله جليتر فوق المانيكير العادي بتاعك, وممكن تحطي الجليتر على اطراف الضوافر بس لستايل الفرنش مانيكير.

نصايح جمالية

12- حطي البودر فوق المنديل الورق للوك طبيعي:

لو عندك مشاكل في بشرتك والمكياج التقيل وكريم الاساس ممكن يزودلك المشاكل, ممكن تستخدمي موس خفيف على البشرة مع بودرة شفافة, وممكن عشان البودرة تطلع بشكل طبيعي اكتر على البشرة, حطي على  وشك منديل ورق وحطي البودرة من فوقيه بالفرشة, طبقة البودرة هتبقى خفيفة جدا وشكلها طبيعي كانك مش حاطه بودر.

نصايح جمالية

13- اعملي اضاءة بشكل صح:

استخدمي الهايلايتر بشكل صح في الاماكن اللي تظهر وتبرز الوش بشكل حلو, زي خطوط الانف, الخدين, والمناطق اللي حوالين الحواجب والشفايف, ومش محتاجة انك تحطي طبقة سميكة على الخدود لكن بس تاتش خفيف بالفرشة هيكون كافي جدا, او ممكن تحطي كمية بسيطة بلاشر سائل هيكون كافي جدا.

نصايح جمالية

14- رسم الحواجب بشكل مثالي:

عشان ترسمي الحواجب بشكل مثالي وتطلع مظبوطة معاكي, امشي على 3 قواعد اساسية بسيطة جدا وهي متخليش الحواجب مربعة زيادة عن اللزوم, امزجي قلم الحواجب كويس متخليش الخطوط واضحة, ومتخليش القوس طويل اوي المفروض يكون ماشي مع الزاوية الخارجية للعين.

نصايح جمالية

10 حيل واسرار في رسم الحواجب لازم تكوني عرفاهم.

15- لشفايف اكبر وممتلئة:

لو عايزة تظهري شفايفك اكبر وشكلها ممتليء, هاتي فرشة اسنان رطبيها بالمية ورشي عليها شوية سكر ودلكي بيها الشفايف بخفة, بعدها اخلطي كمية من القرفة وزيت الزيتون لحد ما يتكون عندك خليط قوامة متوسط مش سميك ولا خفيف, حطي الخليط على شفايفك وسيبيه 10 دقايق وبعدين امسحيه.

نصايح جمالية

14 وصفة طبيعية لتكبير ونفخ الشفايف.

16- استخدمي الفازلين لشكل صدر مثالي:

عشان تحافظي على Shape الصدر وميبقاش فيه ترهلات ويبقى مشدود, ادهني صدرك كل يوم قبل النوم بالفازلين دلكيه في حركات دائرية, بعد اسبوعين بس من الاستخدام هتلاحظي الفرق وهتلاقي الصدر بقى مشدود والجلد رطب وناعم.

نصايح جمالية

8 مكونات طبيعية موجودة في مطبخك هتغنيكي عن مستحضرات التجميل

مكونات طبيعية لجمال البشرة