نصايح سريعة و سهلة للوك بتاعك فى شتاء 2018

آية حسان

في

1363

لسه مكملين معاكى فى كل النصايح و الـ trends الخاصة بعالم الموضة و الازياء فى موسم الشتاء للسنة دى، و فى المقال ده بنات حوا هتساعدك تعملى لوك حلو بأسهل طريقة ممكنة، اعرفى معانا نصايح سريعة و سهلة للوك بتاعك فى شتاء 2018 ..

نصايح سريعة و سهلة للوك بتاعك فى شتاء 2018

الألوان الدافية و الألوان الترابية لسه مسيطرة على كوليكشن السنة دى و مكملة معانا بقالها سنتين، وهتشوفيهم السنة دى فى اكترمن كوليكشن وعلى ستايلات مختلفة.

خلينا نعرف مع بعض مجموعة من النصايح ..

اختارى درجات مختلفة من نفس اللون علشان تلبسيهم مع بعض فى الـ OUTFIT بتاعك، ده بيعتبر حاجة بسيطة ممكن تعمليها لكنها هتساعدك تطلعى لوك شيك واليجانت بمنتهى السهولة، لكن تجنبى انك تلبسي قطع من نفس الدرجة بالضبط.

دايما خلى الـ pastal colors فوق و الالوان الغامقة تحت، يعنى يبقى التوب او القميص بلون باستيل فاتح، اما الغوامق تبقى فى البنطلون او السكيرت وممكن فى الجاكت، تضاد الالوان ده هيساعدك تعملى outfit حلو لأى مناسبة ، لكن تجنبى انك تعملى لوك كامل من الـ pastal colors.

اخلطى الالوان الفاتحة مع الالوان الغامقة، وزى ما قلنا ماينفعش تعملى لوك كامل من لون فاتح، لكن ممكن تلبسي قطعة basic بلون فاتح و تكملى اللوك بتاعك بقطع من ألوان غامقة او بألوان neutral ، كمثال ممكن تلبسي سكارف بلون فاتح مع بدلة فورمال غامقة، او بلوزة بلون فاتح او neon color مع جيبة بـ dark color .

افتكرى دايما انه الـ outfit بتاعك ماينفعش يعدى الـ 3 ألوان، لأنه اكتر من كده هيبقى فى زحمة زيادة وهيعمل تأثير عكس اللى انتى عايزاه. جربى تعملى outfit بلونين أساسيين مع درجات مختفلة من أى من اللونين دول علشان تعملى لوك شيك و متناسق.

آخر نصيحة معانا من نصايح سريعة و سهلة للوك بتاعك فى شتاء 2018 هى انك ممكن تجربى تلبسي بلوزة او قميص بلون باستيل مع جيبة ماكسي ، اللون الباستيل هيحقق التوازن اللازم فى اللوك بتاعك، خصوصا لو لابساه مع لون فاتح .

ودلوقتى خلينا نشوف مع بعض ألبوم يلهمك بأفكار و تنسيقات مختلفة للستايل بتاعك فى شتاء 2018 ..