6 نصايح رائعة جدا تحافظي بيهم على رجلك وضوافرك شكلهم حلو وصحي

بقلمريهام محمود فيأظافر visibility2549

القدم والضوافر بيتعرضوا كل يوم لضغط من لبس الشوز فترات طويلة او لبس الكعب, وده ممكن يأدي في النهاية لمشاكل صحية عشان كده احنا محتاجين يكون في عناية بالقدم والضوافر باستمرار, والنهاردة من خلال موضوعنا هنقول لكل بنات حول نصايح لقدم وضوافر صحية.

نصايح لقدم وضوافر صحية:

1- حافظي على القدم جافة:

واحدة من المباديء الاساسية للنضافة هي اننا نحافظ على القدم دايما ناشفة, لان الرطوبة بتكون بيئة خصبة جدا لنمو الفطريات, وعشان نحافظ على القدم جافة وصحية.

– ضروري اننا نحاول نختار الشوز المصنوعة من مواد طبيعية عشان تسمح للبشرة انها تتنفس.

– اتجنبي انك تلبسي نفس الشوز كذا يوم ورا بعض.

– بعد الشاور نشفي رجلك كويس بالفوطة عشان تتخلصي من اي مية ورطوبة فيها.

نصايح لقدم وضوافر صحية
نصايح لقدم وضوافر صحية

2- قصي الضوافر بشكل صح:

قص الضوافر بشكل مش صح ممكن يعرضك ان الضوافر تغرز في اللحم وتسبب لك مشاكل صحية, عشان كده لازم نهتم كويس اوي بطريقة قصها.

– لما تيجي تقصي الضوفر قصيه من فوق ومتجيش جنب الجناب.

– متقصيش الضوافر او تقصريها اوي لان ده ممكن يخليها معرضة للعدوى او انها تغرز في اللحم.

– متقطعيش الجلد اللي حوالين الضوافر ممكن تزقي الجلد لورا بس بالراحة بالاداة الخاصة بتاعته الاورانج وود ستيك.

نصايح لقدم وضوافر صحية
نصايح لقدم وضوافر صحية

3- حافظي على ضوافرك صحية:

لو بتعاني من مشكلة الضوافر اللي غارزة في اللحم ممكن تعالجيها بالطريقة دي.

– انقعي القدم في لتر مية دافية مضاف ليها معلقة كبيرة ملح لمدة من 15 – 20 دقيقة.

– هاتي خيط تنضيف الاسنان ارفعي بيه الضوفر لفوق بالراحة.

– حطي مطهر على المنطقة المصابة, وبعدين لفي الصوباع بضمادة عشان تحميه.

– كرري العملية دي يوميا لحد ما الضوافر تخف.

ولو بعد فترة من استخدامها لقيتي بردو مافيش نتيجة يبقى الافضل تروحي للدكتور عشان تعالجي المشكلة.

نصايح لقدم وضوافر صحية
نصايح لقدم وضوافر صحية

4- انقعي رجلك في مية دافية:

لو عايزة تحافظي على رجلك شكلها حلو وصحي والكعب ناعم زي بشرة الاطفال اعملي الطريقة دي.

املي طبق كبير مية دافية مضاف ليها 5 معالق كبيرة كربوناتو, وشوية شاور جل, وكام نقطة من اي زيت عطري ممكن تستخدمي زيت شجرة الشاي لانه مضاد للعدوى والفطريات او زيت اللافندر, انقعي رجلك في المية دي لمدة من 15 – 20 دقيقة, مرة واحدة في الاسبوع.

استخدمي دايما الحجر الخفاف, او السكراب لفرك القدمين لازالة الجلد الميت.. ممكن تشوفي من هنا وصفات طبيعية لتقشير الجلد.

نصايح لقدم وضوافر صحية
نصايح لقدم وضوافر صحية

5- رطبي رجلك:

الافضل انك تستخدمي لترطيب القدمين الكريمات اللي بتحتوي على اللانولين, الفازلين, ودايميثيكون, ومكونات الترطيب زي الجليسرين, والليسيثين, بس متحطيش المرطب في المنطقة اللي بين الصوابع لانها ممكن تسبب نمو الفطريات.

نصايح لقدم وضوافر صحية
نصايح لقدم وضوافر صحية

6- اعملي مساج للقدمين:

تدليك القدم يعتبر افضل طريقة تخلصك من التعب, وتساعد على تحسين الدورة الدموية, وتحافظ على القدم صحية, ممكن تشتري مدلك خاص للقدم ولو مش متوفر, ببساطة جدا هاتي كرة تنس او اي حاجة تكون مدورة في حجم الكورة الصغيرة, حطيها تحت القدم  وابدأي حركي رجلك عليها رايح جاي من صوابع القدم للكعب.

نصايح لقدم وضوافر صحية
نصايح لقدم وضوافر صحية

ازاي تعملي علاج الزيت السخن للاظافر

علاج الزيت السخن للاظافر