10 علامات لو عملها معاكي تقولك انه مستعد يديكي قلبه

ريهام محمود
ريهام محمود
في
حب
25528

اكيد احلى لحظة عند اي بنت لما الانسان اللي بتحبه يعترف لها بحبه ليها, لكن المشكلة ان الرجالة ممكن يكون من الصعب اننا نعرف اللي جواهم, ومش بيعبروا عن مشاعرهم او اللي حاسين بيه بسهولة, وانتي تحتاري في تفسير تصرفاته وتسألي نفسك هل هو كده بيحبك فعلا ولا بس مجرد اعجاب او مش بيحبك خالص وتصرفاته عادية, عشان كده النهاردة هنساعدك تطلعي من الحيرة دي وتجاوبي على كل اسئلتك من خلال تصرفات او علامات تقولك انه بيحبك فعلا لو عملها معاكي.

علامات تقولك انه بيحبك:

1- هيبقى عايز يكلمك في التليفون:

الراجل عادة لو صديق عادي او عايز حاجة معينة منك هيتجه لوسيلة غير مباشرة للتواصل معاكي زي انه يبعت لك رسالة مثلا, لكن لو هو بيحب يقضي وقت فراغه انه يكلمك في التليفون بالساعات دي علامة مؤكدة تقول ان فيه مشاعر من ناحيته ليكي, لان ده معناه انه عايز يسمع صوتك دايما.

2- بيستخدم اسم خاص ليكي يدلعك بيه:

لو جواه مشاعر ليكي هيحب انه يناديكي او يقولك اسم مختلف عن اي حد ويدلعك باسم يكون هو بس اللي بيقوله ليكي, وده معناه انه بيميزك عن اي حد.

علامات تقولك انه بيحبك 1
علامات تقولك انه بيحبك 1

3- هيفتكر كل حاجة تخصك:

دايما هيفتكر كل حاجة خاصة بيكي, سواء كلام قولتيه, رايك في فيلم مثلا, ايه نوع الاكل اللي انتي بتحبيه, الاماكن اللي بتحبي تروحيها, هتلاقيه فاكر كل محادثتكم وكل كلمة انتي قولتيها بالظبط.

4- هيخلق اي اعذار عشان يكلمك:

سواء بالرسايل او بالتليفون او على اي وسيلة من وسائل التواصل الاجتماعي, هيخلق دايما الاعذار عشان يكلمك باي طريقة, وهتلاقي منه دايما اهتمام, لو نزلتي اي حاجة على موقع تواصل هتلاقيه اول واحد بيعمل لايك وكومنت, وهتلاقيه دايما بيشير ويبعت لك حاجات يشاركها معاكي, المهم انه يلاقي دايما طريقة انه يتواصل معاكي ويكلمك باستمرار.

علامات تقولك انه بيحبك 2
علامات تقولك انه بيحبك 2

5- هيبقى جنتل مان معاكي:

لو الجنتل مان اختفى في الزمن ده فالراجل لما بيحب بيتحول لجنتل مان على طول, هتلاقيه بيفتحلك باب العربية او باب اي مكان, يسحب لك الكرسي عشان تقعدي, يديكي الجاكيت بتاعه, يشيلك الشنطة, يعني هيبذل كل مجهوده عشان يريحك يبقى اكيد دي علامة تبينلك انه في مشاعر من ناحيته ليكي.

6- مجرد ما يشوفك وشه كله ينور وبيبقى سعيد:

ممكن تكوني انتي مريتي بشعور انك تحسي ان وشك كله منور بمجرد ما تحصل حاجة  معينة انتي حاباها او بتبسطك بيحصل بشكل لا ارادي ان السعادة دي بتبان على وشك, هو كمان هيحصله نفس الشعور مجرد ما يشوفك موجودة في اي مكان او حتى مريتي بس من قدامه في الشارع.

علامات تقولك انه بيحبك 3
علامات تقولك انه بيحبك 3

7- هيجيب لك هدايا:

خبير العلاقات الدكتور بام سبور بيقول ان الراجل لو جاب هدية حلوة يبقى هو كده ملتزم وجدي في العلاقة دي, لان الراجل مش بيدي هدية حلوة الا لما يكون هو فعلا حاسس احساس حلو او عايش شعور خاص وحاسس باحساس مختلف ناحيتك.

والهدايا مش شرط ابدا تكون غالية او مكلفة لكن الهدية في معناها نفسه, لو حتى مثلا هيعرف بتحبي تشربي قهوتك ايه او ايه مشروبك المفضل وتلاقيه بيجبهولك كل يوم الصبح.

او مثلا اي حاجة قولتي قدامه قبل كده انك عايزاها يفاجئك ويجبهالك, يعني الحاجات البسيطة اللي ممكن تلفت انتباهك باي طريقة وتشدك ليه اكتر.

8- هيحميكي:

الراجل لما بيحب هيبقى عايز دايما يحس انك في امان وانتي معاه في اي مكان حتي بالتصرفات البسيطة, انه مثلا يخليكي تمشي بعيد عن الطريق, هيوصلك لحد باب بيتك عشان يطمن عليكي, هيستناكي ومش هيمشي لحد ما تبقي جوه البيت ويتأكد انك في امان بنسبة مية في المية, لما تبقوا في مكان زحمة هتلاقيه ماسك ايدك ومش هيسيبك, يعني هيحاول يحميكي او يبقى مصدر امان ليكي بكل الطرق الممكنة.

علامات تقولك انه بيحبك 4
علامات تقولك انه بيحبك 4

9- عايز يعرف كل حاجة عنك:

هيبقى عايز يعرف كل حاجة عنك وكل اللي انتي بتهتمي بيه او بتحبيه, مش هيبقى في حدود للموضوعات بينكم هيحب يتكلم معاكي في كل حاجة, مش بس كده مش هيحس بالملل ابدا وهو بيتكلم معاكي في اي موضوع مهما كان, هيبقى مبسوط جدا وهو بيسمعك بتتكلمي عن كتابك المفضل او فيلمك المفضل, او حتى يوم مش حلو ليكي في الشغل ومشاكل شغلك ويومك, مهما كان اللي هتقوليه هتلاقيه دايما مهتم جدا انه يسمعه.

10- هيخطط للمستقبل:

لو الراجل مش مهتم هتلاقيه مش هيحط خطط الا لكام اسبوع قدام, لكن لو حب ومهتم هتلاقيه بيحط خطط ابعد من كده بكتير وبيشاركها معاكي وده معناه انه شايفك في خططه المستقبلية وعايزك تكوني معاه في كل خطوة هيعملها في حياته.

علامات تقولك انه بيحبك 5
علامات تقولك انه بيحبك 5

وزي ما قولنا ان الرجالة عموما صعب يتكلموا عن مشاعرهم او يقولوا اللي جواهم, لكن دايما التصرفات بتتكلم بصوت اعلى من الكلمات, والراجل اللي هيتصرف معاكي التصرفات دي اكيد هيكون بيحبك حتى لو عنده صعوبة انه يعبر عن ده, عشان كده اتعلمي انك تقري تصرفاته من غير ما يتكلم ده هيسهل عليكي كتير انك تعرفي نواياه ناحيتك.

7 علامات بتقول انك بتعيشي افضل علاقة في حياتك

7 علامات بتقول انك بتعيشى أفضل علاقة فى حياتك
7 علامات بتقول انك بتعيشى أفضل علاقة فى حياتك

مقالات متعلقه

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك

حركات وتصرفات هتخلي شريكك يحبك بشكل جنوني

حركات وتصرفات هتخلي شريكك يحبك بشكل جنوني

6 تصرفات انثوية شريكك بيحبها اكتر من اي حاجة تانية

6 تصرفات انثوية شريكك بيحبها اكتر من اي حاجة تانية