9 افكار ذكية تخليكي تغسلي شعرك عدد مرات اقل وتحافظي على نضافته في نفس الوقت

بقلمريهام محمود فيشعر visibility1202

كتير من البنات بيعانوا من الشعر الدهني او ان الشعر بيتأثر بسرعة من الجو وبيحتاج غسيل كتير, وزي ما قولنا قبل كده في نصايحنا لبنات حوا ان غسل الشعر كتير زيادة عن اللزوم ممكن ينشفه ويتلفه, عشان كده النهاردة هنقولك افكار لغسل الشعر عدد مرات اقل وفي نفس الوقت تحافظي عليه نضيف.

افكار لغسل الشعر عدد مرات اقل:

1- اغسلي الشعر بمية مغلية او مفلترة:

مية الحنفية العادية كتير بتكون مضره للشعر لانها بيكون فيها مواد كيميائية وده بيأثر على الشعر, عشان كده الافضل تغسلي الشعر بمية مغلية تغليها وتسييها تبرد شوية لحد ما توصل لدرجة حرارة مناسبة تتحمليها, ودرجة حرارة المية المفروض متقلش تقريبا عن 38 درجة مئوية , او تغسلي الشعر بمية مفلترة.

افكار لغسل الشعر عدد مرات اقل
افكار لغسل الشعر عدد مرات اقل

2- استخدام منتجات الشعر الصح:

المنتجات المغذية للشعر ممكن تكون مكوناتها تقيلة اوي على الشعر الخفيف او الرقيق وبتخليه يتوسخ بسرعة لو استخدمتيها بشكل غلط, عشان كده الافضل استخدام زيوت الشعر مش اكتر من مرتين في الاسبوع, والسبراي واي منتجات تانية نستخدم منها حسب الحاجة بس بكميات بسيطة جدا.

افكار لغسل الشعر عدد مرات اقل
افكار لغسل الشعر عدد مرات اقل

3- قللي من استخدام الفرشة واستخدمي المشط لتسريح الشعر:

استخدام الفرشة باستمرار على الشعر ممكن ينشط بصيلات الشعر زيادة ويخلي الشعر يفرز دهون زيادة وبالتالي هيتوسخ اسرع, عشان كده الافضل استخدام المشط الخشب بدل الفرشة, وحاولي تتجنبي لمس فروة الراس وانتي بتسرحيه سواء بالمشط او بالفرشة.

افكار لغسل الشعر عدد مرات اقل
افكار لغسل الشعر عدد مرات اقل

4- اعتمدي على لوك طبيعي:

كل منتجات تصفيف الشعر تقريبا بتخلي الشعر يتوسخ ويلزق بشكل اسرع, فلو حابه تعمليه ديل حصان او كحكة مثلا الافضل تخليه على طبيعته اكتر ومتستخدميش منتجات تصفيف او سبراي كتير مع كل خصلة شعر ممكن ترشي رشة بسيطة على الشعر كله بس عشان الشعر ميلزقش ويتوسخ بسرعة.

افكار لغسل الشعر عدد مرات اقل
افكار لغسل الشعر عدد مرات اقل

5- استخدمي شامبو خالي من السلفات:

الشامبو اللي بيحتوي على السلفات بيسبب جفاف جلد فروة الراس وبيخلي الشعر يتوسخ بشكل سريع جدا, عشان كده الافضل تستخدمي انواع الشامبو الخالية من السلفات, وهنلاقي الانواع دي بترغي اقل لكن في نفس الوقت بتنضف الشعر كويس, ومن انواع الشامبو الخالية من السلفات اللي ممكن تستخدموها شامبو كريستس Kerastase, او كيراتين سيلك بروتين.

افكار لغسل الشعر عدد مرات اقل
افكار لغسل الشعر عدد مرات اقل

6- استخدمي حرارة منخفضة على الشعر:

سواء السيشوار او المكوى او الكيرلر ممكن يكونوا سبب ان الشعر ميبقاش نضيف, لان درجة الحرارة العالية بتخلي الغدد الدهنية اللي في فروة الراس تفرز زيادة عشان تحمي الجلد من الحرارة, عشان كده انسب حرارة هي ما بين 150 – 180 درجة مئوية.

افكار لغسل الشعر عدد مرات اقل
افكار لغسل الشعر عدد مرات اقل

7- تقشير جلد فروة الراس:

التقشير بيساعد على ازالة الخلايا الميتة والاوساخ الموجودة في فروة الراس, كمان بيعزز البصيلات وبيحفز نمو الشعر, وممكن تستخدمي سكراب طبيعي للشعر.

ممكن نجرب سكراب السكر وزيت الزيتون, اخلطي 3 معالق كبيرة سكر بني او سكر عادي مع معلقتين كبار زيت زيتون ومعلقة كبيرة زيت جوز هند, قسمي الشعر كذا جزء, خدي من الخليط افركيه على فروة الراس كويس في حركات دائرية عشان تنشطي الدورة الدموية والبصيلات, كرري التدليك على كل جزء لحد ما تخلصي تدليك فروة الراس كلها, سيبي الخليط ربع ساعة على الشعر وغطيه ببونيه بلاستيك, وبعدين اغسليه بالمية والشامبو, ممكن تكرري الطريقة دي مرة واحدة في الشهر.

او سكراب الخل, اخلطي ½ كوباية خل تفاح او خل عادي مع 2 كوب مية, اغسلي شعرك بالشامبو وبعدين حطي عليه خليط الخل وسيبيه لمدة نص ساعة وبعدها اغسلي شعرك بالمية, ممكن تكرري الوصفة دي مرة في الاسبوع.

افكار لغسل الشعر عدد مرات اقل
افكار لغسل الشعر عدد مرات اقل

8- غيري كيس المخدة مرات اكتر:

اكياس المخدات بتمتص كل الزيوت والمنتجات اللي بتستخدميها لشعرك وبشرتك, وده بيخليها مكان ممكن تنمو فيه البكتيريا والجراثيم بسهولة وده كله بيتنقل لشعرك لما بتنامي عليها ويخليه يتوسخ بسرعة, عشان كده ضروري تغيير اكياس المخدات مرة واحدة في الاسبوع على الاقل.

افكار لغسل الشعر عدد مرات اقل
افكار لغسل الشعر عدد مرات اقل

9- احمي شعرك من الحرارة والبرد:

غطي الشعر بقبعة في الصيف وايس كاب الشتا, لان البرد والحرارة بيخلوا الجلد يفرز دهون زيادة كوسيلة للحماية, ونتيجة لده جذور الشعر بتبقى دهنية, وعلى العكس الاطراف هتبقى هشة وجافة جدا, عشان كده لازم نهتم بالعناية بالشعر كويس جدا في كل المواسم.

افكار لغسل الشعر عدد مرات اقل
افكار لغسل الشعر عدد مرات اقل

ازاي تتخلصي من انقسام اطراف الشعر بطرق طبيعية من غير ما تقصيه

علاج انقسام اطراف الشعر بطرق طبيعية