9 غلطات بتعمليهم في الرياضة بتخليكي متوصليش للجسم اللي بتحلمي بيه

بقلمريهام محمود فيتخسيس الوزن visibility14405

لو بتروحي الجيم او بتمارسي التمارين الرياضية في البيت ومنتظمة عليها وفي نفس الوقت مش لاقيه النتيجة اللي انتي متوقعاها يبقى في الحالة دي اكيد في حاجة مش صح انت بتعمليها, وده اللي هنعرفه النهاردة من خلال موضوعنا هنقول لكل بنات حوا غلطات في الرياضة بتخلي وزنك مينزلش ومتوصليش للنتيجة اللي انتي عايزاها او متوقعاها.

غلطات في الرياضة بتخلي وزنك مينزلش:

1- ممارسة تمارين الكارديو مدة طويلة:

كتير ممكن يفكروا انهم لو زودوا من تمارين الكارديو ده هيجيب نتيجة افضل معاهم في حرق الدهون, لكن الحقيقة ان لازم يكون في حد للتمارين, لان تمارين الكارديو لفترة طويلة اوي او بشكل مفرط ممكن يكون لها تأثير سلبي نظام القلب والاوعية الدموية, عشان كده الافضل انك ما تبالغيش في ممارسة تمارين الكارديو يعني ممكن تحددي لها نص ساعة بس في اليوم افضل على الصحة من ساعة كاملة.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

2- نظام غذائي منخفض السعرات الحرارية:

النظام الغذائي منخفض السعرات الحرارية افضل من انك تعتمدي بس على المنتجات الخالية تماما من الدهون, لان النظام الغذائي منخفض السعرات الحرارية صحي بشكل عام, وممكن انه يبطء من شيخوخة القلب ومنع امراض القلب والاوعية الدموية, لانها بتحتوي على كمية قليلة من الدهون وخلال التمرين الجسم بيكون محتاج لجرعة صحية من البروتين والدهون والكربوهيدرات, عشان الجسم يحصل على الدهون الضرورية اللي محتاجها, والدهون الصحية هنلاقيها موجودة في اكلات كتير زي الاسماك اللي بتحتوي على الاوميجا 3 منها السالمون والتونة والرنجة والماكريل, الافوكادو, المكسرات, زيت الزيتون, اللحم البقري المنزوع الدهن, الشوكولاتة الغامقة, زبدة الفول السوداني.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

3- المشروبات الرياضية:

المشروبات الرياضية اللي دايما هنلاقي معظم الرياضين بيشربوها اثناء التمارين ممكن يكون ليها ضرر على الجسم وخصوصا لو اتشربت اثناء او بعد التمرين المكثف, والسبب لان المشروبات دي غير انها بتحتوي على المعادن بتحتوي كمان على كمية كبيرة من السكر, وده اكيد سبب كافي اننا نمتنع عنها.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

4- مش بتشربي مية اثناء التمرين:

في كتير من اللي بيمارسوا رياضة مش بيحبوا يشربوا اثناء التمرين, لكن ده غلط لان الجسم بيفقد سوائل كتير اثناء ممارسة الرياضة, عشان كده متحرميش جسمك من المية اثناء التمرين عشان ميأثرش بشكل سلبي على صحتك.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

5- بتاكلي اكتر:

ممارسة التمارين الرياضية بانتظام مش مبرر انك تاكلي اكتر ما بين التمارين وتقولي ما انا هحرقه بالتمارين, لا ده مش صح عشان تحافظي على وزنك لازم متعتمديش على التمارين الرياضية بس لكن كمان تاكلي الاكل الصحي من غير ما تفرغي جسمك كله من السعرات الحرارية يعني تاكلي بكمية محددة من غير افراط في الاكل, وافتكري دايما انك مش هتحرقي غير 500 سعر حراري بس في ساعة في الجيم او في البيت.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

6- تمارسي التمارين على معدة فاضية او مليانة ؟

التمارين الرياضية على معدة فاضية خالص او مليانة اوي الاتنين غلط, لانك ببساطة هتتعبي بسرعة في الحالتين وهتحسي بالاعياء, عشان كده افضل اختيار هو اكل وجبة صحية قبل التمارين بساعة ونص او ساعتين, ده هيضمن انك تتمرني كويس وتخلصي التمارين من غير اي تعب.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

7- الساونا او الشاور بعد التمارين ؟

بعد التمرين المكثف الافضل متروحيش بشكل فوري تعملي ساونا او تاخدي شاور, لان اثناء التمرين الجسم بيفقد كمية سوائل كتير وضغط الدم بيرتفع ولو روحتي مباشرة على الساونا او الشاور هتحسي بحالة اعياء او اغماء, عشان كده بدل كده الافضل انك تشربي مية وتاخدي شاور بعد التمرين بفترة كافية لما جسمك يهدى.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

8- مش بتهدي جسمك بعد التمرين:

بعد التمرين المكثف متنسيش تعملي سترتشينج للجسم عشان تهدية وتقللي من الم العضلات واللي عادة بيظهر في اليوم التاني من التمرين, لكن لو عملتي سترتشينج هتحسي بعدها ان جسمك مرتاح اكتر.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

9- التمارين اليومية:

التمارين الرياضية بانتظام والتغذية السليمة هي المفتاح للجسم المثالي, ولكن الانتظام مش معناه ان لازم التمارين تكون بشكل يومي, لان التمارين بشكل مفرط اوي ممكن يتعب الجسم, وبالاضافة لده ان الجسم هيزيد فيه مستوى هرمون الكورتيزول واللي اصلا بيأدي لزيادة الوزن, ولتجنب ده حاولي تاخدي فترة راحة ما بين الدورات التدريبية او التمارين بتاعتك, ونامي كويس, وكلي كويس اكل صحي.

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

6 طرق فعالة لحرق الدهون مهما كان اللي بتعمليه

8 طرق فعاله لحرق الدهون مهما كان اللى بتعمليه
8 طرق فعاله لحرق الدهون مهما كان اللى بتعمليه