6 طرق فعاله لحرق الدهون مهما كان اللى بتعمليه
حرق الدهون بيعتبر من اساليب تخسيس الوزن اللى فى أكتر من طريقة لتطبيقها مهما كان ستايل يومك او النشاط اللى بتعمليه، وعلشان نسهل عليكى الموضوع أكتر ، فى المقال ده بنات حوا هتقولك على 6 طرق فعاله لحرق الدهون مهما كان اللى بتعمليه ، يلا نعرفهم مع بعض ..
6 طرق فعاله لحرق الدهون مهما كان اللى بتعمليه
1- نامى أكتر :
لما بتبقى محرومة من النوم سكر الجسم بيقل و ده بيودى اشارات كاذبة للمخ بتترجم على انك جعانة، مع انك فى الحقيقة كل اللى انتى محتاجاه انك تنامى، و التمثيل الغذائى و الميتابوليزم وقت النوم بيبقى نشيط جدا و انتى فعلا بتحرقى دهون وانتى نايمة ، علشان كده حاولى تنامى عدد ساعات كفاية و منتظمة فى اليوم.
2- كلى بيض كامل :
صفار البيض بيحتوى على العديد من المغذيات اللى بتحفز عملية التمثيل الغذائي، والفيتامينات القابلة للذوبان، والأحماض الدهنية الأساسية والأهم من ده كله مادة الكولين و هى مركب قوي بيهاجم آلية الجينات اللى بتحفز جسمك لتخزين الدهون حوالين الكبد ، علشان كده لو عايزة تحافظى على نسبة كوليسترول صحية فى جسمك يبقى لازم تهتمى انك تاكلى بيض كامل مش بياض لوحده او صفار لوحده.
3- كلى سالمون :
سمك السلمون هو الأفضل في عملية التمثيل الغذائي، لان مادة الـ أوميغا 3 بتعمل على توازن السكر في الدم وتقلل من الالتهاب، وده بيساعد على تنظيم عملية التمثيل الغذائي و حرق الدهون .
4- كلى افوكادو :
رابع طريقة معانا من طرق فعاله لحرق الدهون هى الافوكادو، الأفوكادو مش بس مفيد لبشرتك، لكنه كمان بيحتوي على الدهون الأحادية غير المشبعة ، والألياف ومضادات الأكسدة اللى بتساعد على هضم سليم وحرق فعال للدهون، ده غير انه فاكهه طعمها لذيذ و منعش و هتخليكى تحسي بالشبع لوقت اطول .
5- اتمرنى :
التمرين المتقطع او ” التمرين لوقت قصير اكتر من مرة فى اليوم ” هيساعد فى تحسين التمثيل الغذائى و هيخلى جسمك فى حركة دايمة طول اليوم و بكده هتعرقى اكتر و ده معناه انك هتحرقى دهون اكتر .
6- اشربى مية بالليمون :
آخر طريقة معانا من طرق فعاله لحرق الدهون هى المية بالليمون ، مشروب المية بالليمون البارد مش بس منعش لكنه كمان بيساعد جسمك على توليد الحرارة علشان يعادل المشروب البارد اللى داخل الجسم ، و الجسم علشان يولد حرارة لازم يحرق دهون وبالتالى هتحرقى دهون بمجرد ما تشربيه، المشروب ده كمان غنى بالالياف الطبيعة اللى هتساعد على وجود عملية هضم متكاملة و افضل ده غير انه غنى بفيتامين c و الكولاجين اللى هيغذى بشرتك و يساعدها تفضل نضرة و مشرقة و طبعا كمان بيقاوم نزلات البرد و الانفلونزا.
لو شربتي المشروب ده قبل النوم بساعة هيحرق كل الدهون اللي كسبتيها في اليوم اللي قبله !
