6 حاجات أساسية لازم تبقى موجودة فى شنطة المكياج اللى بتخديها وانتى خارجة

معظمنا بننزل كل يوم للكلية او الشغل او حتى لتقضية المشاوير، و المكياج دايما بيبقى perfect الصبح واحنا نازلين لكن بعد كده و مع مرور الوقت وحركتنا المستمرة طول اليوم بيبدأ يبهت ويقل، وعلشان احنا فى بنات حوا يهمنا جمالك دايما يبقى مافيهوش ولا غلطة، ولو كنتى بتخرجى وبتقضى وقت بره و عايزة تبقى محافظة على مكياجك طول الوقت، فى المقال ده هتعرفى معانا 6 حاجات أساسية لازم تبقى موجودة فى شنطة المكياج اللى بتخديها وانتى خارجة.

6 حاجات أساسية لازم تبقى موجودة فى شنطة المكياج اللى بتخديها وانتى خارجة ..

1- البرايمر / الفاونديشن : 

البرايمر و الفاونديشن او واحد منهم بس لو حبيتى من الحاجات اللى  لازم تكون موجودة بشكل أساسي فى شنطة المكياج اللى بتخديها وانتى خارجة، علشان تجددى بيه أساس مكياجك و تقدرى تعملى بيه refreshment فى أى وقت و تقدرى من خلالهم تظهرى ببشرة لونها موحد و glowing من غير أى عيوب او أخطاء. 

2- البودر : 

البودر بالدرجة المناسبة هى اللى هتكمل عمل الفاونديشن و تخلى أساس مكياجك ثابت من غير لمعة او تكتلات ، البودر من الاساسيات و كمان بتعتبر عملية علشان حجمها صغير و تقدرى تجددى بيها مكياجك بسهولة و بسرعة و بطريقة عملية جدا. 

3- البلاشر : 

البلاشر كمان مهم علشان هيساعدك تخلى بشرتك تبان صحية و fresh علشان تتجنبى اللوك الشاحب او الـ pale ، لمسة واحدة من البلاشر هتخلى وشك glowing  و مشرق علشان كده مهم يبقى فى شنطتك و تجددى بيه اللوك بتاعك كل فترة لانه مع الوقت المكياج بيخف حتى لو ماراحش خالص ومابيفضلش بنفس الوضوح اللى كان عليه اول ما حطيتيه. وممكن تستخدمى matte bronzer  بدل الـ blusher علشان تعملى لوك Natural أكتر. 

4- مصحح حواجب : 

مصحح الحواجب هيغير شكل وشك تماما و يخلى مكياجك يبان أحلى لانه الحواجب مهمة جدا فى المكياج و لو كانت مظبوطة ممكن تستغنى عن المكياج كله أصلا، علشان كده مهم انه يبقى فى شنطتك وانتى خارجة مصحح حواجب، ولو مش بتستخدميه يبقى استبدليه بالماسكارا. 

5- الروج: 

الروج من الاساسيات طبعا و مفيش بنت فينا بتخرج مفيش فى شنطتها قلم روج واحد على الاقل، خلى معاكى دايما درجة روج بتليق على بشرتك و بتمشي على اى طقم ممكن تلبسيه زى الروج النبيتى او روج الدرجات الـ Nude ، وممكن يبقى معاكى قلم روج تانى خاص بمكياج الـ outfit بتاع اليوم. 

6- الفرشة : 

آخر حاجة معانا من حاجات لازم تبقى موجودة فى شنطة المكياج اللى بتخديها معاكى وانتى خارجة كل يوم هى الفرشة، طبعا مش عملى انى اقولك تاخدى معاكى brush kit كاملة وانتى نازلة، بس أساسى لازم يكون معاكى الفرشاة الخاصة بالبلاشر. 

شوفى معانا كمان لوك مكياج كامل باستخدام درجة لون واحدة