بالصور و الخطوات : مساج الدقيقة الواحدة للوجه 1 minute facial massage

آية حسان
آية حسان
في
بشرة
1659

عايزة تهتمى ببشرتك و تعمليلها مساج علشان تبان صحية و نضرة بس ماعندكيش وقت ولا فى مجهود كفاية للاهتمام ببشرتك علشان تروحى بيوتى سنتر او سبا؟

 بنات حوا هتحلهالك.. فى المقال ده هتعرفى معانا بالصور و الخطوات مساج الدقيقة الواحدة للوجه 1 minute facial massage تقدرى تعمليه الصبح وانتى بتجهزى قدام المراية، خلينا نبدأ على طول .. 

بالصور و الخطوات : مساج الدقيقة الواحدة للوجه 1 minute facial massage

1- مساج العين :

باستخدام راحة الايد ” الجزء المليان فى  كف الايد  المتصل بالابهام” وحركى ايديكى الاتنين ابتداءا من المنطقة بين الحاجبين و بضغط خفيف ابدأى حركيهم على الحاجبين الاتنين ناحية الاذن، و بعدين ابدأى تانى من عند العين وانزلى بايديكى على عظام الخد، كررى الحركة عدد المرات اللى تحبيها. اعملى مسافة بين الاصبعين السبابة و الوسطى فى ايديكى الاتنين و ابدأى حركيهم فى حركة مسحوبة بتبدا من عند الفم و ناحية الاذن علشان تدلكى عضمة الفك من بدايتها لنهايتها و ترخى اى عضلات مشدودة و تتخلصى من اى tension . 

2- مساج عضمة الفك : 

باعدى بين الاصبعين السبابة و الوسطى و يبقى شكلهم زى المقص كده و ابدأى اعملى بيهم مساج على طول خط عضمة الفك، كررى الخطوة كتير لحد ما تحسي انه اى تشنج راح تماما. 

– استخدام الزيت :

ممكن كمان تستخدمى اى زيت تفضليه من زيوت العناية بالبشرة علشان تخلى المساج مفيد أكتر و تقدرى بيه ترطبى البشرة ترطيب عميق، ممكن كمان تستخدمى اى زيت عطرى تحبيه او مياة الورد. 

3 2

3- مساج باستخدام الكف :

باستخدام راحة الكف، دلكى بداية من عند الصدر للخارج فى اتجاه الكتف، وكررى الحركة على قد ما تقدرى و بعدين نفذيها على الكتف التانى. 

4- مساج الرقبة :

استخدمى ايديكى الاتنين بالتبادل فى انك تعملى مساج للرقبة واتحركى باتجاه الدقن. 

5- مساج الدقن :

بعد كده هنعمل مساج الدقن، استخدمى ايديكى الاتنين فى انك تقرصى دقنك قرصات خفيفة و صغيرة علشان تحركى الدورة الدموية فى الاوعية و الشعيرات كلها حتى الدقيقة.

 

6- مساج فى حركة دائرية :

بداية من عند الدقن، حركى صوابعك فى حركة دائرة صغيرة على خدودك باتجاه خط الفك وبعدين تحت عضمة الخد و على طولها. 

7- مساج الأنف :

باستخدام راحة ايديكى ، هتكررى نفس الحركة فى الخطوة السادسة علشان تتخلصى من اى tension باقى. 

– كررى المساج :

مفيش عدد معين تستخدمى فيه المساج ده، كرريه على قد ما تقدرى علشان تريحى عضلات وشك و تخليها تسترخى و كمان تنشطى الدورة الدموية فيه وتتخلصى من اى tension .

شوفى معانا كمان وصفات طبيعية فعالة للبشرة والشعر بمكون موجود في كل بيت 

مقالات متعلقه

روتين تدليك الوجه لبشرة نضرة وصحية

روتين تدليك الوجه لبشرة نضرة وصحية

عندك مراية مكبرة على تسريحتك؟ اعرفي ليه لازم تتخلصي منها فوراً

عندك مراية مكبرة على تسريحتك؟ اعرفي ليه لازم تتخلصي منها فوراً

“ماسكات تتاكل”.. وصفات طبيعية لبشرتك من مكونات غنية وصحية

“ماسكات تتاكل”.. وصفات طبيعية لبشرتك من مكونات غنية وصحية