نصايح : ازاى تقدمى استقالة من الشغل صح لو بتعملى كده لاول مرة

آية حسان
آية حسان
2459

مفيش شك اننا بنفرح لما بنشتغل خصوصا لو كان الشغل فى مجال دراستنا او فى أى مكان حلمنا نشتغل فيه فى يوم، لكن أوقات كتير التجربة العملية ممكن تثبت اننا كنا غلطانين فى تفكيرنا، او انه حتى لو كانت دى وظيفة احلامك او وظيفة انتى مضطرة تشتغلى فيها وخلاص جبتى أخرك منها و خدتى قرارى انك لازم تستقيلى و تسيبيها، لازم تعرفى ازاى تعملى ده مظبوط و بطريقة تخلى شكلك حلو قدام زمايلك اللى انتى اشتغلتى معاهم و فى نفس الوقت ماتحسيش بندم او يجيلك second thoughts ، فى المقال ده بنات حوا بتقدملك نصايح  ازاى تقدمى استقالة من الشغل صح لو بتعملى كده لاول مرة

نصايح : ازاى تقدمى استقالة من الشغل صح لو بتعملى كده لاول مرة

1- اعرفى انها بتحصل كتير : 

حاسه انه الكلام تقريبا بديهى وانه طبعا فى ناس كتير بتستقيل وبتسيب شغلها كل يوم، لكن لما تبقى بتقدمى استقالة من الشغل لأول  مرة بتبقى حاسه انه الموضوع كبير وان انتى كده ممكن تكونى بتخسري فرصة حياتك فى انه يبقى عندك وظيفة، ده غير انه انتى لما بتبقى جزء من فريق بتبقى حاسه وكأنك بتخذلي باقى زمايلك فى الفريق ده و بتتخلى عنهم، لكن مهم تعرفى انه الطريق ده مانتهاش الا علشان تبدأى طريق جديد و ماتضغطيش على نفسك ولا تبقى انهزامية، بمجرد ما تبقى فكرتى كويس فى القرار و خدتيه بشكل نهائى خلاص نفذيه علشان تبدأى تدورى على شغل غيره. 

1 1

2- أمشي ورا احساسك : 

زى ما قلنا انه استقالتك لأول مرة او من أول شغل ليكى مفيش شك انه risk، لكن افتكرى دايما اننا مخلوقين علشان نجرب و نتعلم، و الشغل فى اماكن مختلفة و حتى الاستقالة من الشغل ده هتديكى خبرات و تخليكى تتعلمى دروس جديدة، المهم انك تمشي وراء احساسك طول الوقت و ماتكديبيهوش، صدقى نفسك.. 

3

3- خليكى دايما ممتنة : 

كل شغل بتعمليه بيديكى خبرات و بيخليكى تتعلمى اكتر و تكبرى، علشان كده لما تيجى تمشي بيِِنى امتنانك للمكان و لزمايلك فى الشغل و لمديرك انهم ادوكى الفرصة تتعلمى و تطورى من نفسك. 

4- ماتعتذريش : 

فى خطاب استقالتك ،  ماتعتذريش و ما تستخدميش كلمة آسفة، لانها فى النهاية هتخليكى تحسي باحساس سيئ وفى الحقيقة استقالتك مش غلط او ذنب يتطلب انك تعتذرى عنه، افتكرى دايما ان ليكى حريتك فى انك تعملى اللى انتى عايزاه طالما بشكل مناسب و بتراعى فيه الناس من حواليكى وخليكى دايما متحمسة لفرصتك الجاية. 

2

5- ماتسيبيش وراكى أى حاجة مش خلصانة : 

انهى بقوة زى ما بدأتى بقوة، خلصى كل التاسكات و الـ projects اللى كانت مسؤولة منك و سلمى كل الشغل اللى كان معاكى مظبوط و فى ميعاده من غير غلطات، لأنه مفيش حاجة مزعجة و سيئة أكتر من انك تمشي و تسيبي زمايلك يغرقوا فى شغلك من وراكى و يتدبسوا فيه . 

اعرفى كمان 5 علامات دليل على انك بتتتعرضى لحالة من الارهاق بسبب وظيفتك  

مقالات متعلقه

كلمات ما ينفعش تقوليها في الانترفيو.. اعرفيها واتجنبيها

كلمات ما ينفعش تقوليها في الانترفيو.. اعرفيها واتجنبيها

عندك انترفيو شغل مهم وخايفة من الأسئلة؟ هنقولك أصعب الأسئلة اللي ممكن تقابلك وازاي تجاوبي عليها

عندك انترفيو شغل مهم وخايفة من الأسئلة؟ هنقولك أصعب الأسئلة اللي ممكن تقابلك وازاي تجاوبي عليها

حاسه بملل وزهق من حياتك العملية؟ هنقولك 4 طرق عشان تتغلبى على الزهق من الشغل

حاسه بملل وزهق من حياتك العملية؟ هنقولك 4 طرق عشان تتغلبى على الزهق من الشغل