5 علامات دليل على انك بتتتعرضى لحالة من الارهاق بسبب وظيفتك

كل حد فينا بيدور على تحقيق التوازن بين حياته الشخصية و حياته العملية، و لأنه الشغل مهم فى حياتنا و ماينفعش نستغنى عنه لكن كمان مهم اننا نحط حدود للشغل فى وقته وانه مايأثرش على حياتنا الشخصية او يتسبب لنا فى حالة من الاحباط و التعب، قى المقال ده بنات حوا هتعرفك على 5 علامات دليل على انك بتتتعرضى لحالة من الارهاق بسبب وظيفتك علشان تعرفى ازاى تغيرى منهم او تتجنبيهم .. 

5 علامات دليل على انك بتتتعرضى لحالة من الارهاق بسبب وظيفتك

1- مابتحسيش انك فى مركز سيطرة : 

بنقصد انه لو حاسه انك مش قادرة تسيطرى على يومك وحاسه الوقت بيجرى منك و بيضيع و انك بتبذلى مجهود بس على الفاضي و مش جايب نتيجة و مابتنجزيش اللى عليكى ، يبقى انتى محتاجة تقفى مع نفسك كده و تعيدى تقييم وضعك فى الشغل كله على بعضه ، وحاولى تتعلمى طريقة جديدة تديرى بيها وقتك فى الشغل علشان تقدرى تخلصى الـ tasks المطلوبة منك فى مواعيدها و تحسي انك مسيطرة على يومك. ولو لقيتى الدنيا واقفة اوى معاكى يبقى حاولى تتكلمى مع المشرف عليكى او مع مديرك علشان توصلوا لحل او طريقة جديدة للشغل. 

2- توقعاتك من الشغل مش واضحة : 

لو فى اى حاجة مش واضحة بخصوص ايه المتوقع منك فى الشغل او انتى متوقعة ايه اللى تكسبيه من الشغل فى المكان ده يبقى انتى كده بتمرى بواحدة  من الحاجات اللى أكيد ممكن تتسبب  فى وجود احساس الارهاق بسبب وظيفتك، وده ممكن يقفلك منها على الفاضى، فى الحالة دى مهم انك تقعدى فى ميتنج مع المشرف بتاعك او مديرك المباشر علشان تتكلمى معاه و تعرفى ايه المطلوب منك انجازه بالضبط علشان على الاساس ده تقدرى تحددى لنفسك اهدافك و تحددى انتى محتاجة تكسبى ايه من الوظيفة دى. الكلام هيخليكى تفهمى أكتر ايه المتوقع منك و بالتالى هتقدرى تنجزيه و تنجحى. 

3- مكان الشغل بيصعب عليكى آداء وظيفتك : 

ونقصد هنا طبيعة بيئة الشغل نفسها لو كانت مش مساعداكى تنجزى او تشتغلى، بسبب وجود خلافات حواليكى او وجود خلافات بينك و بين حد من زمايلك فى المكتب، او لو مديرك متطلب و بيضغط عليكى فى الشغل، الحاجات دى و أسباب تانية فى بيئة العمل نفسها ممكن تتسبب فى احساسك بالزهق و التعب النفسي و البدنى، وبالتالى بتعتبر علامة مهمة جدا من علامات دليل على انك بتتتعرضى لحالة من الارهاق بسبب وظيفتك ولازم تحاولى تفصلى عن الجو المتوتر ده ، اما بانك تحلى الخلاف فتخلصى منه تماما او انك تحاولى تاخدى اجازة و تبعدى عن جو الشغل. 

4- مش حاسة بدعم : 

ونقصد بالدعم هنا الدعم المعنوى اللى بنحتاجه كلنا سواء من البيت او من الشغل، مهم انك تحسي انه أهلك و أصحابك بيدعموكى و بيحبوكى و بيحسسوكى بنجاحاتك ، و كمان مهم تلاقى اعتراف بشغلك و تعبك فيه، احساسك بالدعم هيقويكى و يحفزك تشتغلى أحسن و أحسن، فلو ماكونتيش حاسه بدعم دى بتعتبر علامة مهمة انك محتاجة تغيرى من الجو و المود الخاصين بشغلك. 

5- كل نشاطاتك مرهقة بزيادة : 

لو كانت طبيعة شغلك انه منتظم جدا او فوضوى و بتشتغلى بشكل عفوي، الحالتين دول من الشغل ممكن يتسببوا فى احساسك بالارهاق الوظيفى علشان كده مهم انك لو حسيتى انه كل التاسكات بتاعتك او النشاطات المطلوبة منك بقت مرهقة و مملة، تحولى تغيرى منها او تغيرى من وقت او طريقة تنفيذك لها، ولو فى فرصة انك تخلصى شغلك فى مكان مفتوح من بره المكتب مهم انك تحاولى تجربى تعملى ده من وقت للتانى لو ممكن علشان تتجنبى انك تحسي بملل و رتابة و تتجنبى كمان انك تحسى حالة من الارهاق بسبب وظيفتك .

شوفى معانا كمان موضوعات ماينفعش تتكلمى فيهم فى الشغل