افكار ستريت ستايل شتوي للمحجبات

بقلمريهام محمود فيموضة وأزياء visibility1792

في الشتا دايما بندور على اللوك اللي يدفينا وفي نفس الوقت يبقى مريح وانيق ويطلعنا بلوك حلو, والنهاردة من خلال موضوعنا هنشوف مع بعض افكار ستريت ستايل شتوي للمحجبات عشان تطلعي بلوك شتوي مريح وانيق.

– في الشتا وفي الايام البرد اكتر لوك ممكن يدفينا هو لبس الطبقات وقدامنا اختيارات كتير نقدر ننوع بينها في تنسيق الطبقات, ممكن تعملي لوك بسيط وتلبسي بلوفر وفوقيه جاكيت, او تزودي في الطبقات شوية في الايام البرد اوي وتلبسي شيميز وفوقيه بلوفر وفوقيهم كارديجان او بالطو وتنسقيه مع بنطلون كلاسيك او جينز مع سنيكرز للوك كاجوال.

– القمصان الجينز من القطع اللي مش بتبطل ابدا ممكن تنسقيه مع Pencil skirt او بنطلون وتسيبيه مفتوح وتلبسي تحته اندر شيرت.

– اكيد البالطو من القطع الاساسية في الشتا اللي بتدفي وبتدي في نفس الوقت لوك انيق, والبالطو تقدري تلبسيه على اي ستايل لبس.

الفيست احنا اتكلمنا قبل كده عليه وقولنا انه من القطع التريندي جدا موسم الشتا ده, منه الموديل الطويل او القصير, وستايل الفيست الفرو موضة جدا لموسم الشتا وبيدي اناقة جدا في اللبس.

– كمان السويتر دريس من الحاجات الموضة بقالها كذا موسم ولسه مستمرة معانا موسم الشتا ده, وكمان ستايل ال Oversized sweater.

– بالنسبة للالوان ممكن تنوعي ما بين الوان الشتا الدافية التقليدية زي البني والجملي والرمادي والاسود, وما بين الالوان المبهجة زي البينك, الاخضر, او التركواز.

تعالوا نشوف مع بعض بالصور افكار ستريت ستايل شتوي للمحجبات:

ازاي تلبسي البونشو مع الحجاب..شوفي معانا ستايلات مختلفة

ازاي تلبسي البونشو مع الحجاب
ازاي تلبسي البونشو مع الحجاب