ازاي تلبسي البونشو مع الحجاب..شوفي معانا ستايلات مختلفة
في
موضة وأزياء
4080
البونشو من الستايلات المميزة جدا الموضة لموسم الشتا ده, ومن القطع اللي بتدفي جدا في ايام البرد وفي نفس الوقت بتدي لوك انيق جدا, والنهاردة من خلال موضوعنا هنقول لكل بنات حوا ازاي تلبسي البونشو مع الحجاب.
البونشو نازل منه ستايلات مختلفة منه الكاروه, السادة, او المطبوع, وبألوان الشتا الدافية زي البني والبيج والنبيتي, ونازل منه كمان بألوان محايدة زي الاسود والرمادي, كمان في منه الستايل المفتوح والمقفول.
وممكن تنسقيه مع الحجاب بسهولة جدا لانه ميزتة انه بيليق مع ستايلات اللبس, ومع كل اشكال الجسم يعني اي حد ممكن يلبسه, لو نحيفة ممكن تلبسيه, ولو جسمك مليان كمان تقدري تلبسيه لانه هيداري كل ديفوهات الجسم, ممكن تنسقيه على جينز وانكل بوت او شوز فلات او سنيكرز لخروجاتك الصبح, او مع بنطلون كلاسيك مع انكل بوت او شوز بكعب للوك انيق لخروجاتك بعد الضهر.