لو بتعاني من جفاف وتشقق الشفايف اعرفي معانا ازاي تتخلصي من المشكلة دي

بقلمريهام محمود فيبشرة visibility1003

موسم الشتا بشكل خاص دايما بتقابلنا فيه مشكلة جفاف وتشقق الشفايف, ولان الشفايف مش بتنتج او بتفرز دهون ده بيخليها تتعرض اكتر للجفاف من بشرة الوش او الجسم, وكمان لان الشفايف بتتعرض باستمرار للبرودة والهوا والشمس ده كله بيخليها معرضة للتهيج والجفاف والتشقق.

لكن لازم نعرف ان الجو البرد مش هو بس السبب في تشقق وجفاف الشفايف, احيانا بتحصل بسبب قصور في في الغدة الدرقية, ومرض المناعة الذاتية اللي بيسبب بطء انتاج اللعاب, ممكن يحصل التشقق بسبب حساسية من منتج معين استخدمتيه على الشفايف, او ممكن يكون سببه اثر جانبي لعلاج معين, كمان الحمى والشخير ممكن يسببوا جفاف مزمن للشفايف بسبب التنفس المستمر من الفم, ولو الشفايف مستجبتش لاي طريقة طبيعية لعلاجها في الحالة دي بننصح انكم ترجعوا للدكتور عشان تعرفوا السبب الاساسي للمشكلة.

والنهاردة من خلال موضوعنا هنقولكم مجموعة من النصايح من واحد من اكبر دكاترة الجلدية في نيويورك لو مشيتي عليها هتساعدك في علاج جفاف وتشقق الشفايف.

علاج جفاف وتشقق الشفايف:

1- وقفي عادة بل الشفايف:

في كتير من البنات عندهم عادة بل الشفايف بلسانهم وبتكون حركة لا ارادية, لكن العادة دي واحدة من اسباب جفاف وتشقق الشفايف وكل ما استمريتي في العادة دي هيكون جفاف وتشقق الشفايف مزمن عندك ومش هتعرفي تعالجيه بسهولة, لو انتي بتحسي ان دايما شفايفك جافة استخدمي زبدة كاكاو بمكونات سميكة زي اللانولين لانه بيفضل فترة اطول على الشفايف من زبدة الكاكاو العادية, ولو مش عارفة تبطلي بل الشفايف ممكن تحاولي تمصي قطعة حلوى او تاكلي مصاصة كبديل للعادة دي بس اتجنبي الحلويات اللي فيها نكهات صناعية.

علاج جفاف وتشقق الشفايف
علاج جفاف وتشقق الشفايف

2- استخدمي زبدة الكاكاو المناسبة:

في الايام البرد بشكل خاص بنبقى محتاجين بشكل اعلى واكتر من الايام العادية, عشان كده انسب زبدة كاكاو للوقت ده هي اللي بيكون داخل في مكوناتها زيت القمح والذرة, زيت اللوز, زيت الجوجوبا, زيت جوز الهند, الالوفيرا, زبدة الشيا, زيت عباد الشمس, او زيت بذرة القطن, او شمع العسل, حطي منها طبقة سميكة على الشفايف قبل الخروج وتعرض البشرة للهوا البارد.

علاج جفاف وتشقق الشفايف
علاج جفاف وتشقق الشفايف

3- استخدام المرطبات في البيت:

ممكن نستخدم جهاز ترطيب الجو, وده هنلاقيه موجود في المحلات اللي بتبيع الادوات المنزلية الكهربائية, ده مهمتة انه بيحافظ على مستوى رطوبة الجو بشكل مناسب وبالتالي بيحافظ على رطوبة البشرة والشفايف طول ما انتي جوه البيت, ويعتبر مستوى الرطوبة بين 30 ل 40 في المية هي النسبة المناسبة للبشرة والشفايف عشان تحافظ عليها رطبة بشكل طبيعي, استخدمي الجهاز اثناء فترة النوم بشكل يومي عشان تحافظي على طوبة البشرة والشفايف.

علاج جفاف وتشقق الشفايف
علاج جفاف وتشقق الشفايف

4- تغيير روتين احمر الشفايف:

موسم الشتا هتحتاجي فيه انك تتجنبي الروج اللي بيقعد فترة طويلة او مات لان ده هيزود جفاف الشفايف, ممكن تستخدمي الليب جلوس او ملمع الشفايف كبديل للروج, او تستخدمي قلم تحديد الشفايف لتحديد الشفايف وانك تملي بيه شفايفك كلها بيه وبعدين تحطي فوقيه طبقة سمكية من زبدة الكاكاو, واتجنبي انواع الروج اللي بيكون فيها عطور بشكل كبير لان العطور ممكن تسبب جفاف الشفايف بشكل كبير جدا.

علاج جفاف وتشقق الشفايف
علاج جفاف وتشقق الشفايف

5- استخدام السكراب زيادة عن اللزوم:

السكراب ممكن يكون مفيد لكن استخدامه زيادة عن اللزوم ممكن يعمل نتيجة عكسية ويخلي منطقة الشفايف حساسة ويخلي الوضع اسوأ, والشفايف اصلا بتتقشر بشكل طبيعي من غير مقشرات, فالافضل بدل السكراب ممكن تستخدمي مرهم الهيدروكورتيزون كذا يوم ورا بعض ووقفيه اول ما تلاقي تحسن في شفايفك والجفاف والتشقق خف.

علاج جفاف وتشقق الشفايف
علاج جفاف وتشقق الشفايف

6- اتجنبي المكونات اللي ممكن تهيج الشفايف:

في انواع كتير من زبدة الكاكاو ممكن يكون داخل فيها مكونات بتسبب تهيج الشفايف زي الكافور والفينول والمنثول الافضل اننا نتجنبهم لانها بتسبب تهيج وجفاف الشفايف وهتزودلك المشكلة.

علاج جفاف وتشقق الشفايف
علاج جفاف وتشقق الشفايف

10 طرق لعمل زبدة الكاكاو بنفسك في البيت 

طرق لعمل زبدة الكاكاو بنفسك في البيت
طرق لعمل زبدة الكاكاو بنفسك في البيت