10 ستايلات وافكار تعملى بيهم ضفاير الشعر القصير بطريقة سهلة

بقلمآية حسان فيشعر visibility378

الضفيرة دايما بيبقى شكلها حلو و مختلف، لانها بتبين جمال الملمس الطبيعى لشعرك و بتقدرى تعملى من خلالها ستايل بسيط من غير تعب ،وكمان تقدرى تدارى بيها اى عيوب فى شعرك او لو كسلانة النهاردة تفرديه او تعملى تسريحة معينة ، يعنى بتبقى هى منقذك فى الاوقات الصعبة . لكن للأسف فى مفهوم خطأ شائع كده انه أصحاب الشعر القصير  ماينفعش يعملوا ضفيرة و للأسف بيحرموا نفسهم منها، والحقيقة ده مش صحيح. الضفيرة مش عشان أصحاب الشعر الطويل بس، أنتى كمان تقدرى تعملى الضفيرة و تستمتعى بشكلها، فى المقال ده بنات حوا هتقدملك بالصور ستايلات وافكار تعملى بيهم ضفاير الشعر القصير بطريقة سهلة .

10 ستايلات وافكار تعملى بيهم ضفاير الشعر القصير بطريقة سهلة

1- Headband bread : 

الضفيرة على شكل تاج بيبقى شكلها مميز و مختلف،بتبقى على كامل مساحة الرأس ” زى التاج” وبتعتبر من أسهل و أبسط الضفاير اللى ممكن تجربها صاحبات الشعر القصير و يطلع شكلها حلو .

2- cornrows : 

تعتبر من التسريحات التقليدية اللى بتعتمد على الضفاير و ستايلها افريقي شوية، هتبدأى فيها تقسمي شعرك لخصل صغيرة و تجدلى كل خصلة على شكل ضفيرة لوحدها و بكده تبقى جاهزة.

3- Macrame : 

فى الستايل ده تقدرى تعملى اى ضفيرة بتحبيها سواء عادية او سنبلة مثلا من خصل الشعر اللى بعد القصة و تجمعيها لوراء.

4- french side : 

جربى تعملى ضفيرة فرنسية على جنب واحد، بس قبل ما تبدأى تعملى الضفيرة أتأكدى انك تسرحى شعرك من تحت لفوق علشان تديله كثافة و volume

5- half up : 

بتعتبر من التسريحات الشبابية و الـ cool ، جربى تعملى نص شعرك على شكل ضفيرة و تجمعيها لفوق على شكل knot.

6- side corn : 

الضفاير على ستايل الـ side corn  بتعتبر كمان من ضفاير الشعر القصير المختلفة و الشيك فى نفس الوقت، فى التسريحة دى بتجمعى شعرك و ترفعيه لفوق علشان تديله volume  و من جنب واحد او من الجنبين لو حبيتى بتقسمى الشعر لـ 3 او اربع خصل و تعملى كل خصلة ضفيرة لوحدها و تجمعيهم من الاطراف او تثبتى كل واحدة لوحدها.

7- fish tail : 

فى التسريحة دى بتسيبى شعرك ينزل على رقبتك بانسيابية  لكن بتيجى بداية من القصة تعملى ضفيرة واحدة واسعة على جنب .

8- french braid : 

خلى ستايل شعرك بسيط لكن أنيق، اعملى ضفيرة على الجنب فوضوية كده و مش مشدودة و أجمعى طرفها مع باقى أطراف شعرك من تحت و ثبتيهم ببنسة شعر، ممكن تستخدمى مثبت الشعر سبراى او الشامبو الجاف علشان تدى شعرك volume  و تثبتى خصل شعرك و تمنعى انه يهيش.

9- bangs : 

التسريحة دى يمكن مختلفة شوية و احنا مش متعودين عليها لانك هتعملى القصة على شكل ضفيرة! وعلشان تمنعى الضفيرة انها تنزل على عينك ثبتيها من الجنبين ببنسة شعر صغيرة علشان تفضل مرفوعة عن عينيكى.

10- mini side : 

ضفيرة رفيعة على جنب شعرك فوق الودن مباشرة هتدى شكل مختلف لتسريحة شعرك و هتبقى مناسبة لو حبيتى تلبسي حلق ودن كامل او حلق بحجم كبير و عايزاه يبان.

شوفى معانا كمان تسريحات شعر مناسبة للشغل سريعة وسهلة وعملية