ازاي تعملي علاج الزيت السخن للاظافر

ريهام محمود
ريهام محمود
في
أظافر
1718

الضوافر زيها زي البشرة والشعر محتاجة اهتمام عشان نحافظ عليها صحية وقوية ونحميها من التكسر ونخليها تطول بسرعة, ونحمي كمان الجلد اللي حوالين الضوافر من الجفاف, والنهاردة جايبين لكل بنات حوا طريقة علاج الزيت السخن للاظافر وطريقته بسيطة وسهلة جدا ومش محتاجة مننا اي مجهود ومع الاستمرار عليها هتلاحظي الفرق على ضوافرك.

والعلاج ده هنعمله من مرة لمرتين بس في الاسبوع هتكون كافية جدا عشان تغذي الضوافر وتحافظ عليها صحية, وتحافظ على الجلد اللي حوالين الضوافر ناعم.

علاج الزيت السخن للاظافر 1
علاج الزيت السخن للاظافر 1

علاج الزيت السخن للاظافر:

1- اول حاجة هنغلي مية ونحطها في طبق ونحط فوق المية بولة او طبق صغير فيه زيت زيتون, سيبي الزيت على المية لمدة 5 دقايق لحد ما يبقى دافي ومش سخن اوي.

2- تاني خطوة هاتي قطن قطعية ل 10 قطع على قد الضوفر, اغمسي قطعة القطن في الزيت السخن وبعدين اعصريها عشان تتخلصي من الزيت الزيادة, وبعدين حطي القطنة على الضوفر, وكرري نفس الخطوة للضوافر كلها.

3- بعد ما تخلصي كل الضوافر وغطتيها بالقطن اللي فيه الزيت, لفي كل ضوافر كويس بقطعة صغيرة من الورق الفويل وخليها محكومة كويس, وسيبي الضوافر ملفوفة 5 دقايق او اكتر لو ضوافرك ضعيفة اوي او الجلد اللي حوالين الضوافر جاف اوي.

4- شيلي القطن والورق الفويل من على الضوافر, وهتلاحظي الفرق على ضوافرك وبشرتك من اول مرة هتلاقيها ناعمة جدا وبتلمع.

5- اخر خطوة اغسلي االضوافر بالمية عشان تتخلصي من اي زيوت زيادة عليها, وادهني الايد بلوشن مرطب للبشرة.

علاج الزيت السخن للاظافر 2
علاج الزيت السخن للاظافر 2

وممكن تتعمل بطريقة تانية اخلطي كميات متساوية من زيت عباد الشمس, وزيت الخروع, زيت لوز حلو, زيت زيتون, زيت شجرة الشاي, كبسولة فيتامين E سخني خليط الزيوت بنفس الطريقة اللي فاتت على حمام مية او حطيها في الميكروويف لمدة 30 ثانية, اغمسي ضوافرك في الطبق اللي فيه الزيت وسيبيها لحد ما الزيت يبرد, وممكن لما يبرد تكرريها مرة كمان تسخني الزيت تاني وتنقعي ضوافرك مرة تانية.

علاج الزيت السخن للاظافر 3
علاج الزيت السخن للاظافر 3

كريمات الجلد اللي حوالين الاظافر..ليه محتاجينها؟ وازاي تعمليها بنفسك في البيت

كريمات الجلد اللي حوالين الضوافر
كريمات الجلد اللي حوالين الضوافر

مقالات متعلقه

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

افضل 8 فيتامينات وعناصر مغذية لاظافر صحية وقوية

افضل 8 فيتامينات وعناصر مغذية لاظافر صحية وقوية

6 وصفات طبيعية سهلة لتقوية الاظافر الضعيفة

6 وصفات طبيعية سهلة لتقوية الاظافر الضعيفة