ستايلات للشتا هتدفيكي وتخليكي تطلعي بلوك ستايلش
لو فاكرة ان البلوفرات السميكة في الشتا بيطلع شكلها مش انيق في اللبس اكيد هتغيري رايك بعد ما تشوفي موضوعنا النهاردة, جايبين لكل بنات حوا افكار ستايلات للشتا بالبلوفرات السميكة وهنقولك ازاي تنسقيها بشكل انيق.
افكار ستايلات للشتا:
وزي ما دايما بنقول ان الشتا هو موسم الاناقة بس الفكرة اننا نعرف ننسق لبسنا بشكل صح عشان يطلع اللوك في النهاية شكله حلو وستايلش.
– من الستايلات الشيك والانيقة جدا اللي ممكن تعمليها هي السويتر دريس مع البوت الطويل القطيفة فوق الركبة, وممكن بدل السويتر دريس تلبسي ميني جيب مع البوت الطويل.
– البالطو كمان من القطع المميزة والشيك جدا لموسم الشتا, ممكن تنسقيه مع سويتر وبنطلون جينز او جلد مع البوت, والالوان اعتمدي على الوان الشتا الدافية.
– الليجينج الجلد كمان من القطع المناسبة جدا لموسم الشتا لانه بيدفي وفي نفس الوقت هيديكي لوك انيق جدا, نسقيه مع السويتر والبوت.
افكار ازاي تلبسي الفيست الفرو بطريقة شيك وانيقة
