8 اسرار عشان تحصلي على مانيكير مثالي

ريهام محمود
ريهام محمود
في
أظافر
1318

عشان توصلي لمانيكير مثالي وشكل ضوافر حلو دي مش مهمة صعبة ابدا, لكن المهم انك تعرفي الخطوات الصح عشان يطلع في النهاية بالشكل اللي انتي عايزاه, وده اللي هنعرفه النهاردة مع بعض من خلال موضوعنا هنقول لكل بنات حوا 8 اسرار لمانيكير مثالي.

اسرار لمانيكير مثالي:

1- اول حاجة قبل ما تحطي المانيكير بتاعك اغسلي ايدك بالمية والصابون كويس, وبعدها امسحي الضوافر بمزيل الطلاء حتى لو مش حاطه مانيكير قديم, والخطوة دي مهمة لانك بتحضري بيها الضوافر قبل المانيكير وبتشيلي اي زيوت او اي حاجة على الضوافر ممكن تخلي المانيكير ميطلعش شكله حلو في النهاية او يتقشر بسرعة.

كمان تطبيق المانيكير والايد دافية ده هيخلي المانيكير يدوم معاكي فترة اطول.

اسرار لمانيكير مثالي 1
اسرار لمانيكير مثالي 1

2- مهما كان نوع المانيكير اللي انتي بتستخدميه غالي او ماركة , ضروري ترجيه قبل الاستخدام لان ركنته ممكن تخليه يفصل او يبقى في جزئيات منه في الازازة من تحت, ولكن المهم مترجيش الازازة بقوة اوي عشان متعمليش فيه فقاعات ويبقى صعب في التطبيق على الضوافر, هزيه بس زي الطريقة اللي في الصورة كده.

اسرار لمانيكير مثالي 2
اسرار لمانيكير مثالي 2

3- طريقة تطبيق المانيكير على الضوافر مهمة جدا المفروض انه يتحط على 3 مراحل, تبدأي تحطيه المانيكير على نص الضوفر الاول, وبعدين من الجنبين, لان ده هيساعدك انك تحطي طبقة رقيقة من المانيكير وده هيخلي شكله احلى ومش هيتكتل على الضوافر وهينشف بسرعة.

اسرار لمانيكير مثالي 3
اسرار لمانيكير مثالي 3

4- كتير مننا بيحصل معاهم ان المانيكير بينشف او يكلكع لما بيقعد فترة طويلة, ومعظم البنات بيقعوا في نفس الغلطة عشان يجددوا المانيكير ويستخدموه تاني انهم يضيفوا له اسيتون, لكن في النهاية الاسيتون هيتخبر من المانيكير وهيخليه سميك اكتر ولما تيجي تحطيه على الضوافر هيبقى سميك وبطبقات مش متساوية وشكلها مش حلو ومش هينشف معاكي بسرعة, عشان كده ابعدي انك تحطي عليه اسيتون, ممكن لو نشف تحطيه  شوية في كوباية مية سخنة عشان يفك وتقدري تستخدميه تاني.

اسرار لمانيكير مثالي 4
اسرار لمانيكير مثالي 4

5- في حالة لو حطيتي طبقة سميكة من المانيكير وعايزة تخففيها شوية بدل ما تشيلي المانيكير كله لو معندكيش وقت ممكن تستخدمي Nail Polish Thinner وده منتج هنلاقيه في الصيدلية معمول مخصوص عشان يرقق او يخفف الطبقات السمكية الزيادة.

اسرار لمانيكير مثالي 5
اسرار لمانيكير مثالي 5

6- لما تيجي تحطي طبقتين من المانيكير لازم تستني لما الطبقة الاولى تنشف تماما قبل ما تحطي الطبقة التانية, ودلوقتي في انواع مانيكير Fast-drying nail polish ودي بتنشف بسرعة, لكن لازم نفتكر ان الانواع اللي بتنشف بسرعة دي كمان تاريخ صلاحيتها بينتهي اسرع من الانواع العادية.

اسرار لمانيكير مثالي 6
اسرار لمانيكير مثالي 6

7- عشان تخلي المانيكير ينشف بسرعة ممكن تستخدمي مجفف الشعر او السيشوار, لكن المهم متبقاش الحرارة سخنة اوي او قوية اوي عشان ميبوظش المانيكير.

اسرار لمانيكير مثالي 7
اسرار لمانيكير مثالي 7

8- لو المانيكير بتاعك اتقشر شوية او شقق ومعندكيش وقت تشيليه وتحطي غيره, ممكن بحيلة بسيطة تصلحيه, هاتي علبة الكبريت وبالجنب بتاعها اللي بنولع منه مشية على الضوافر عشان تنعمي الطبقة اللي موجودة, وبعدها حطي فوقيه طبقة مانيكير جديدة من غير ما تحتاجي تشيلي القديم.

اسرار لمانيكير مثالي 8
اسرار لمانيكير مثالي 8

16 غلطة بنعملهم في ضوافرنا..وازاي نتجنبها ونخلي ضوافرنا صحية

غلطات بنعملهم في ضوافرنا
غلطات بنعملهم في ضوافرنا

مقالات متعلقه

5 نصايح سهلة وبسيطة لوضع مانيكير الأظافر بطريقة صحيحة

5 نصايح سهلة وبسيطة لوضع مانيكير الأظافر بطريقة صحيحة

ازاي تمنعي الفقاعات في المانيكير

ازاي تمنعي الفقاعات في المانيكير

بالصور والانواع.. أفضل 10 ألوان مانيكير للبشرة الفاتحة من موضة 2019

بالصور والانواع.. أفضل 10 ألوان مانيكير للبشرة الفاتحة من موضة 2019