دليلك لاختيار لون الشعر المناسب للون بشرتك

ريهام محمود
ريهام محمود
في
شعر
23024

كتير من البنات بيحبوا يغيروا من لون شعرهم لتجديد اللوك, لكن المشكلة انهم مش بيعرفوا ايه اللون الانسب ليهم او يختاروا اللي يليق عليهم اكتر, والنهاردة من خلال موضوعنا هنساعدك على الاختيار ونقولك ازاي تختاري لون الشعر المناسب للون بشرتك بسهولة.

ازاي تختاري لون الشعر المناسب للون بشرتك:

– اعرفي لون الاندرتون بتاعك:

عشان تحددي لون الشعر المناسب لازم تعرفي الاول درجة الاندرتون بتاعتك ايه, والاندرتون بيتقسم لتلات انواع هما البشرة الدافية, والباردة, والمحايدة, طيب نعرف نوع بشرتنا بالظبط ازاي؟ في اكتر من طريقة نقدر نعرف منها لون الاندر تون:

1- الجلد البارد عموما هنلاقيه ما بين بينك او زيتوني, لكن الجلد الدافي بيكون اصفر ودهبي, ولو خليط ما بين الاتنين تبقى بشرتك محايدة.

2- الطريقة المعروفة والاسهل في تحديد الاندرتون هي انك تشوفي العروق في معصم الايد, لو لونها ازرق او ارجواني يبقى كده معناها ان بشرتك باردة, ولو العروق لونها اخضر يبقى انتي صاحبة بشرة دافية, ولو العروق خليط ما بين اللونين يبقى بشرتك محايدة.

3- ممكن تقارني نفسك باي حد من المشاهير وتشوفي اقرب لون للون بشرتك ولون العيون, هتديكي فكرة عن اللون اللي ممكن تعمليه واللون هيبقى شكله عامل ازاي عليكي في النهاية.

4- العيون كمان ممكن نقدر نحدد منها لون الاندرتون, لو عندك بقع او نقط لونها دهبي جوه العين يبقى انتي بشرتك دافية, لو النقط لونها اخضر او بدرجات الازرق كده تبقى بشرتك باردة.

5- والقاعدة الاساسية في الاختيار هي اختيار لون الشعر اللي عكس لون الاندرتون بتاع بشرتك عشان يظهرك اكتر, يعني لو انتي بشرتك دافية يبقى تختاري الوان شعر باردة, وعلى العكس لو بشرتك باردة يبقى تختاري الوان شعر دافية, ولو بشرتك محايدة هتبقي محظوظة جدا لان اي لون شعر هيليق عليكي.

لون الشعر المناسب للون بشرتك 1
لون الشعر المناسب للون بشرتك 1

– تعالوا نشوف الوان الشعر المختلفة وايه اللي يليق على كل بشرة:

1- Cool Blonde:

ال Cool Blonde بيشمل: البلاتين, الجليد, الفضي, الرمادي, الرملي, البيج, واللون الشامبين.

دي تعتبر الوان شعر باردة وافضل بشرة يليق عليها مجموعة الالوان دي هي البشرة الفاتحة او الخزفية المحمرة, لان الالوان دي هتعمل توازن او هتكسر احمرار البشرة, ولو عنيكي لونها ازرق او رمادي درجات الشعر الاشقر هتكون مناسبة ليكي جدا.

2- Warm Blonde:

ال Warm Blonde بيشمل: الدهبي, الكراميل, العنبر, العسلي وال Butterscotch.

افضل لون بشرة يليق عليها الدرجات دي هي البشرة الفاتحة مع اندرتون بارد, لانها هتظهر احلى مع درجات الشعر الدافية, وتمشي كمان مع لون البشرة الزيتوني, ولو لون بشرتك غامق او سمرا وعايزة تعملي لون فاتح ممكن تعتمدي على اللون ال Caramel Blonde.

من ناحية تانية اللي بشرتهم دافية اوي الافضل يتجنبوا الوان الشعر اللي على اصفر اوي, ممكن درجات ال Cooler Blonde تكون افضل ليكي.

3- Cool Red:

اللون ده بيشمل: الاحمر الصريح, الاحمر الغامق, والعنابي.

درجات الاحمر دي تمشي جدا مع صاحبات البشرة الشاحبة لانها هتدي توهج للبشرة, وكمان صاحبات البشرة الدافية او الخوخية ممكن يمشي معاهم الاحمر الغامق.

من ناحية تانية اللي بشرتهم او الاندرتون بتاعهم على زيتوني يبعدوا تماما عن الوان الشعر الاحمر لانها ممكن تخلي البشرة لونها اخضر اوي.

لون الشعر المناسب للون بشرتك 6
لون الشعر المناسب للون بشرتك 6

4- Warm Red:

اللون ده بيشمل: Strawberry Blonde, copper, amber, rust, russet.

الدرجات دي بتمشي مع صاحبات الاندرتون او البشرة المحايدة, وممكن تمزجي لون بارد مع لون دافي مع لمسة من لون دهبي نحاسي عشان يديكي يديكي لون احلى ويظهر لون بشرتك اكتر, وممكن تعتمدي على اللون الاحمر الدافيء لو بشرتك لونها شاحب, وبالنسبة للبشرة الغامقة او السمرا تبعد عن الالوان دي لانها ممكن تبين البشرة لونها اخضر عشان كده ممكن تعتمدي على اللون البني المحمر Brown-tinged auburn  لو انتي عايزة تجربي اللون الاحمر.

5- Cool Brown:

اللون ده بيشمل: لون الشوكولاتة الغامقة, الكستنائي, Dark auburn, mocha.

درجات البني دي تقريبا بتمشي مع كل الوان البشرة, لكن بتكون احلى بشكل خاص على صاحبات البشرة الدافية, وبتساعد على اظهار الاندرتون الاصفر بشكل غني اكتر, وللبشرة الغامقة او السمرا ممكن تجربي لون Mocha brown هيدي تأثير جميل جدا مع البشرة السمرا.

6- Warm Brown:

اللون بيشمل: لون الكراميل, والعسلي, والبني الدهبي, والعنبر, والماهوجني, والقرفة.

الالوان دي بتمشي جدا مع البشرة المتوسطة, وبالرغم ان دايما الخبراء بينصحوا زي ما قولنا انك تختاري لون متناقض مع لون بشرتك لكن لون البني الكراميل بيمشي جدا مع البشرة المتوسطة اللي فيها لمسة زيتوني بسيطة.

7- Cool Black:

اللون بيشمل: الاسود الصريح, الاسبريسو, والبلو بلاك, ولون العرق سوس.

الالوان دي ممكن تكون قاسية شوية على البشرة الباردة او الفاتحة وممكن تظهرها بشكل حاد اوي, لكن هي مناسبة اكتر للبشرة الدافية او المحايدة.

8- Warm Black:

اللون بيشمل: اللون الموكا الغامق Dark mocha, ,وال Brown-black.

الالوان دي بتمشي جدا مع البشرة السمرا وخصوصا لو اتضاف ليها لمسة من درجة الشوكولاتة هتديها درجة دافية جدا وهتظهر لون البشرة اكتر, ولصاحبات البشرة الفاتحة او الباردة اللي حابين يجربوا الالوان الغامقة الالوان دي هتكون مناسبة ليهم افضل من الالوان الباردة اللي قولناها في النقطة اللي فاتت.

لون الشعر المناسب للون بشرتك 15
لون الشعر المناسب للون بشرتك 15

9- Pastel:

ده بيشمل الالوان الباستيل كلها.

الالوان الباستيل بتليق على كل الوان البشرة بس المهم تختاري درجة الباستيل المناسبة للون بشرتك.. ممكن تشوفوا من هنا الالوان الباستيل المناسبة لكل لون بشرة.

لون الشعر المناسب للون بشرتك 16
لون الشعر المناسب للون بشرتك 16

13 فكرة لون شعر للبشرة الفاتحة

افكار الوان للشعر للبشرة الفاتحة
افكار الوان للشعر للبشرة الفاتحة

مقالات متعلقه

احلى الوان شعر للصيف عشان تظهري باحلى لوك

احلى الوان شعر للصيف عشان تظهري باحلى لوك

بلياج الشعر Balayage  احدث ستايل لصبغ الشعر في 2019

بلياج الشعر Balayage احدث ستايل لصبغ الشعر في 2019

13 فكرة لون شعر للبشرة الفاتحة

13 فكرة لون شعر للبشرة الفاتحة