صور و افكار ازاى تعملى ستايلات بلون الـ olive green مع الحجاب
لون الـ olive green من الألوان اللى مسيطرة بشكل كبير على موضة ملابس الشتاء السنة بجانب ألوان تانية زى المارون ، الجملى و درجات الجراى و المميز فيه انه لون هادى و جميل و تقريبا بتقدرى تلبسيه مع كل الألوان، و كمان حلو جدا لستايلك فى الخريف و الشتاء ، علشان كده فى المقال ده بنات حوا هتساعدك تتعرفى على ستايلات و أفكار مختلفة تقدرى تلبسي بيها لون olive green مع الحجاب بمنتهى السهولة و الشياكة علشان تطلعى ستايل حلو و مختلف فى كل مرة، شوفى معانا نصايح و كمان البوم صور كامل صور و افكار ازاى تعملى ستايلات بلون الـ olive green مع الحجاب ..
صور و افكار ازاى تعملى ستايلات بلون الـ olive green مع الحجاب
تقدرى تلبسي اللون ده فى الـ military style اللى شفناه كتير فى موسم الشتاء السنة دى، و تستغليه فى قطع زى الجاكت القصير او الجاكت الطويل، الدريس، الفيست او البنطلون ، ومش هيتعبك ابدا فى انك تنسقيه مع اى لون لانه بيمشى بسهولة مع الوان كتير و بيبقى متناسق معاها، هبقى حلو جدا مع ألوان زى البيج، المارون، الجراى بدرجاته ، الاسود، الابيض و درجة المسطرده .
ممكن تلبسي كمان كارديجان بلون الـ olive green ممع حجاب بنفس اللون و توب بيج مع جينز أسود او ازرق، او تلبسيه فى قطعة زى الـ Bo mber Jacket اللى مكمل معانا من موضة الشتاء اللى فات و بيعتبر trendy جدا الموسم ده مع جينز ازرق و تيشيرت ابيض مخطط بأسود.
ممكن كمان فى بنطلون مع كارديجان او كيمونو منقوش او جاكت اسود ، حسب ما تفضلى انتى، و تقدرى تجربى تلبسي جاكت بحزام بلون olive green مع الحجاب وشوز كلاسيك علشان تعملى لوك شيك و فى نفس الوقت عملى، فى أفكار جديدة و كلها fashionable و تقدرى كمان تخترعى انتى ستايلك الخاص و المميز ، و دلوقتى شوفى معانا ألبوم فيه تنسيقات كتيرة و مختلفة تلهمك للوك بتاعك ..
شوفى معانا كمان موضة الشتا للمحجبات وافكار للوك كاجوال وانيق