وصفة ازاى تعملى طبق بيض omelet مثالى فى خمس دقايق بس

آية حسان
آية حسان
1170

طبعا كلنا بنحب البيض و بنعتمد عليه بشكل اساسي فى فطارنا و عشانا، وده لفوايده الكتيرة جدا خصوصا ايام الريجيم و الدايت لانه غنى بالبروتين و الفيتامينات، وفى نفس الوقت اكله خفيفة و صحية خصوصا للاطفال الصغيرين، فى المقال ده بنات حوا هتعرفك على طريقة ازاى تعملى omelet  ماحصلش! اعرفى معانا وصفة ازاى تعملى طبق بيض omelet مثالى فى خمس دقايق بس .. 

وصفة ازاى تعملى طبق بيض omelet مثالى فى خمس دقايق بس 

زمن التحضير :

5 دقايق 

المقادير :

بيضتين 

معلفتين اكل لبن 

معلقتين زبدة 

ملح و فلفل 

عدد الأفراد : 

تكفى لفرد واحد. 

image 1

طريقة التحضير : 

1- اكسرى البيضتين فى بولة او سلطانية صغيرة و اضربيهم لحد ما يبقى لونهم اصفر شاحب. 

2- سخنى طاسةغويطة مابتلزقش “يفضل تكون من التيفال او السيراميك” على نار متوسطة، لما تسخن كويس حطى الزبدة علشان تسيح. 

3- ضيفى معلقتين اللبن للبيض المخفوق و ضيفى الملح و الفلفل، و هاتى المدرب اليدوي وارجعى اضربيهم تانى كتير و بقوة لحد ما تحسي انك تعبتى و كأنك بتتمرنى ! ولو مش عايزة تضربي بشكل يدوى استخدمى المضرب الكهربائى او الـ hand blender ، ايا كانت الطريقة اللى فضلتى تستخدميها، احنا عايزين نوصل لاننا دخلنا اكبر كمية من الهواء جوه المزيج ده. 

4- لما تكونى خلصتى ضرب، اتاكدى انه الطاسة سخنت كويس اوى بانك تختبريها بنقطة مية و لما تلاقيها اتبخرت فورا يبقى كده درجة الحرارة مظبوطة و الطاسة جاهزة، صبى خليط اللبن و البيض فى الطاسة و ماتحريكهوش او تقلبيه، سييه يستوى لمدة دقيقة تقريبا لحد ما سائل البيض يستوى ويتجمد و مايبقاش باقى منه اى سوائل . 

image 2

5- و باستخدام سباتيولا، حركى البيض السائل على الاطراف للنص و حركى الطاسة نفسها بايدك علشان السائل على الاطراف ييجى لمركز الحرارة و يستوى. 

6- فى الخطوة دى باستخدام السباتيولا اقلبى الـ omelet على وشه التانى لمدة ثوانى بسيطة لو محتاج علشان تتأكدى انه استوى على الوشين كويس. 

7- لو عايزة تضيفى اى مكوانت تانية زى الخضار او الطماطم او الجبنة هو ده الوقت المثالى . 

8- أتأكدى مرة تانية انه اطراف البيض استوت ، لكن خدى بالك احنا عازين نحافظ على اللون الدهبى الجميل و مش عايزينه يتحول للبنى، علشان كده حافظى على النار متوسطة. 

9- بلطف، انقلى البيض لطبق التقديم و زينيه حسب ذوقك. 

شوفى معانا كمان افكار اكلات سريعة من بقايا الطعام .. 

مقالات متعلقه

وصفة كرات لحم الديك الرومي اللذيذة

وصفة كرات لحم الديك الرومي اللذيذة

وصفة سوفليه البيض الهش على الطريقة اليابانية

وصفة سوفليه البيض الهش على الطريقة اليابانية

في 5 دقايق بس.. اعملي وصفة ترافل الشوكولاتة البيضاء مع جوز الهند

في 5 دقايق بس.. اعملي وصفة ترافل الشوكولاتة البيضاء مع جوز الهند