10 اخطاء كل البنات بتقع فيها مع الملابس الداخلية..وازاي تتجنبيهم
الملابس الداخلية يمكن يكون في كتير من البنات مش بيهتم باختيارها بعناية اوي ويشتروا اي حاجة عجباهم وخلاص, لكن الملابس الداخلية ليها تأثير كبيرعلى شكل طلتك النهائية, وده اللي هنعرفه النهاردة مع بعض من خلال موضوعنا هنقول لكل بنات حوا اخطاء بتقعي فيها مع الملابس الداخلية وازاي تتجنبيها.
اخطاء بتقعي فيها مع الملابس الداخلية:
1- نسيج البرا:
متلبسيش ملابس داخلية دانتيل تحت البلوفرات ال Turtleneck الضيقة او الالوان الفاتحة, لانها هتبقى متحددة وظاهرة جدا من اللبس بتاعك وكل اللي حواليكي هيقدروا يعرفوا نوع البرا اللي انتي لبساه, وفي النهاية هتبوظ اللوك بتاعك كله.
عشلت كده افضل اختيار في الحالة دي هي الملابس الداخلية الناعمة وتكون خالية من الشرايط او اي حاجة ممكن تبقى بارزة من الهدوم.
2- مقاس البانتي:
كتير من البنات بيبقوا عايزين يبقى شكلهم زي الموديلز اللي بيشوفهم في الصور وعشان يوصلوا للشكل المثالي ده ممكن يشتروا ملابس داخلية بمقاس اصغر من مقاسهم, لكن ده غلط جدا مش بس هيضايقك في اللبس لكن كمان هيضر جسمك وممكن يسبب اضرار صحية في المستقبل.
عشان كده مهم كده تختاري الملابس الداخلية بالمقاس المظبوط المناسب ليكي.
3- مقاس البرا:
بعض البنات بيفكروا انهم لو لبسوا مقاس برا اصغر ده ممكن يظهر الصدر بشكل اكبر او يعمله بوش اب ويبرزه اكتر, لكن ده غلط جدا لان حمالة الصدر الصغيرة ممكن تسبب لك آلام في الضهر, والضغط الزيادة على الصدرهيعطل تدفق الدم ويسبب مشاكل صحية, عشان كده الاطباء دايما بينصحوا باختيار البرا بعناية جدا عشان ميضرش الصدر, والمفروض ان البرا ميتلبسش اكتر من 6 ساعات خلال اليوم.
عشان كده لازم تختاري حمالة الصدر بشرايط ثابتة على الكتف متقعش, والكب يكون مظبوط مش ضاغط على الصدر باي شكل, ولو عايزة تظهري شكل الصدر اكبر ممكن تلبسي بوش اب برا لانه بيكون في حشوة زيادة من جوه بتساعد على رفع الصدر وبتديه شكل اكبر.
شوفي من هنا ازاي تختاري حمالة الصدر المناسبة.
4- لون الملابس الداخلية:
متلبسيش برا ملونة تحت بلوزة بيضا لانها هتبان جدا وهتشوه شكل اللوك بتاعك.
اختاري دايما الملابس الداخلية اللي تكون لون الجسم تحت الخامات الخفيفة اللي ممكن تبان من تحتها, او تحت بلوزة او بنطلون ابيض.
5- الملابس الداخلية للبيت:
كتير من البنات اول ما بيرجعوا البيت بيقلعوا البرا عشان يريحوا الصدر من الضغط عليه, ده اكيد صح جدا ولكن مع البنات اللي حجم صدرهم صغير, لكن اللي حجم صدرهم كبير ده ممكن يكبر الحجم زيادة لانه هيخلي الصدر يتمدد.
الاختيار الافضل في الحالة دي هي حمالة الصدر الرياضية لانها هتدي فرصة لبشرتك تتنفس وفي نفس الوقت هيبقى حاكم منطقة الصدر من غير اي ازعاج ليكي.
شوفي من هنا 12 اثر جانبي بيحصل من لبس مقاس حمالة صدر غلط..لازم تعرفيهم قبل ما تشتري.
6- خامة الملابس الداخلية:
الملابس الداخلية اللي بتكون من خامة قطن بنسبة 100% هي اكيد مريحة جدا في اللبس وآمنه للصحة, لكن مشكلتها انها بتتمط بسرعة جدا وبتتقطع.
عشان كده الافضل اختيار الخامة اللي بتتكون من 80% قطن و 20% الاستان.
7- ستايل البانتي:
كتير من البنات بيحبوا يلبسوا البانتي السترينج لانه مش بيكون باين تحت الهدوم, لكن غالبا النوعية دي من البانتي بتكون مصنوعة من اقمشة صناعية ممكن تسبب تهيج البشرة الحساسة, وتسبب نمو البكتيريا, وتهيج بعض المناطق الحساسة.
عشان كده الافضل انك تتجنبي لبس الستايل السترينج بشكل يومي وتستبدليه بستايل يكون مريح اكتر من وقت للتاني.
8- مطابقة البرا مع البانتي:
الافضل انك تلبسي البانتي والبرا من نفس الخامة واللون, لان هيخلي الشكل متناغم ومتناسق اكتر.
9- الملابس الداخلية اليومية:
كتير من البنات بيقعوا في غلطة انهم بيلبسوا الملابس الداخلية من خامة الحرير بشكل يومي, لكن ده غلط جدا صحيا وليه اثار سلبية من اول شكل الجسم السيء للمشاكل الصحية.
الملابس الداخلية المثالية المناسبة للبس اليومي هي بانتي النوم لانه بيكون مصنوع من نسيج جودته عالية ومريحة, وبتناسب تقريبا كل اشكال الاجسام.
10- الملابس الداخلية المناسبة لشكل جسمك:
لشكل الجسم الكمثري اللي بيكون الوزن فيه متركز اكتر على المنطقة اللي تحت, افضل اختيار ليكي هو الملابس الداخلية القصيرة او الدانتيل.
للاجسام الكيرفي او اللي على شكل ساعة رملية, الافضل تلبسي بانتي High-rise او بوسط عالي لانها هتناسب شكل جسمك وهتبقى مريحة ومثالية في اللبس.
البوكسر الحريمي و Brazilian-cut bikinis بتساعد انها تبين شكل الساقين اطول لو انتي رجلك قصيرة هيبقى الستايل ده مناسب ليكي, وحاولي تتجنبي الملابس الداخلية القصيرة.
9 حيل للبس حمالة الصدربشكل مثالي مكنتيش تعرفيهم قبل كده
