5 نصايح علمية تعرفى بيهم ازاى تعملى انطباع اول كويس

بقلمآية حسان فيمنوعات visibility2012

كلنا بنتعرض للمواقف دى، لما تبقى قاعدة قدام حد معجبة بيه او قدام حد مهم زى حماتك مثلا و عايزة تسيبي عندها انطباع كويس، او حتى لو فى انترفيو شغل و مهم بالنسبة لك انك زهرى بشكل واثق و مرتب و تسيبي انطباع اول كويس ، لانه كلنا عافين و بنعمل حساب جملة ” الانطباع الاول بيدوم” ، وعلشان مفيش حاجة تأثر عليكى و تبقى قاعدة دايما واثقة من حالك و تقدرى تبرزى الصفات الحلوة اللى فىكى، فى المقال ده بنات حوا هتقولك على 5 نصايح علمية تعرفى بيهم ازاى تعملى انطباع اول كويس .. 

5 نصايح علمية تعرفى بيهم ازاى تعملى انطباع اول كويس 

1- خلى سلامك قوى و واثق confident hand shake : 

لو دى مش حاجة بتطلع منك بشكل طبيعى، يبقى لازم تتمرنى عليها مع اصحابك و اخواتك، مهم يبقى سلام على الناس مش متردد ولا فيه كسوف و يبقى قوى، وانه  يبقى عندك confident hand shack  لكن فى نفس الوقت تبقى friendly   وتساعدك تعملى انطباع اول كويس و قوى، والسلام او التحية الواثقة فى ابحاث بتقول انها مش بس بتزود من التأثير الايجابى ليكى عند الشخص التانى، لكنها كمان بتقلل من فرصة انه يبقى فى اى تأثير سلبى، ولو فى حاجة سلبية حصلت بتقلل من حدتها، وبما انه فى مواقف محرجة كتير ممكن تحصل فى اى تفاعل اجتماعى، سلام واثق و قوى بيقدر يحل اى مشكلة تقريبا. 

2- فكرى قبل ما تتكلمى : 

الابحاث الاجتماعية بتقول اننا بنقيم الناس ” اجتماعيا” على اساس حاجتين  وهما اذا كانوا يستحقوا ثقتنا فيهم، و مدى ثقتهم فى نفسهم. طيب يبقى ازاى تبينى ثقتك فى نفسك و تحسسيهم انك تستاهلى ثقتهم فى اول لقاء بينك و بينهم؟ الاجابة هنا هى انك تسيبيهم هما اللى يبدأوا بالكلام و تفكرى كويس قبل ما تتكلمى، والا ممكن تلقائيا ممكن يحسوا انه انتى اللى مسيطرة على اللقاء او المحادثة كلها و هنا ممكن يتقلبوا لموقف دفاعى من غير ما يحسوا. و علشان تتجنبى انه ده يحصل يبقى مرة تانية بنفكرك انه  مهم تفكرى قبل ما تتكلمى ، لانه الناس بتغلط الغلطة دى كتير خصوصا لو فى ميتنج شغل مثلا لانهم بيبقوا فاكرين انه اى كلام فى الشغل بيبقى اساسه هو التفاوض و اتخاذ المواقف، التصرف الصحيح فى المواقف دى هى انك تحسسى اللى قدامك انك فاهماه و مستوعباه، فبالتالى هيقدر هو يحس بالثقة فيكى و يديكى المساحة اللى انتى محتجاها علشان تتكملى و تبينى ثقتك فى نفسك. 

3- اعملى EYE CONTACT لما تتكلمى : 

تالت نصيحة معانا علشان تقدرى تعملى انطباع اول كويس هى انك تعملى eye contact لما تتكملى مع اى حد حتى لو كان اكبر منك فى السن او فى الترتيب الوظيفى مثلا، لانه ده هيبينك واثقة جدا من نفسك و كمان متفهمة، ولازم تتجنبى انك تبعدى بنظرك عنه او تبصى بعيد عن اللى بيكلمك علشان ده هيدى عنك انطباع انك مش واثقة فى نفسك ، و كمان انك مش مهتمة بالكلام اللى بيتقال او انك مابتحترميش الشخص اللى انتى معاه، علشان كده مهم انك تعملى eye contact قوى و تبذلى جهد فى انك تركزى مع الشخص اللى انتى قاعده معاه فى انك تهتمى بالكلام و تبدى ردود أفعال مناسبة، ولو كان الموضوع صعب عليكى يبقى حاولى تتدربى عليه وانتى بتتكملى مع اخواتك او اصحابك وتحاولى تبصى فى عينيهم وانتى بتتكلمى معاهم. 

4- استغلى قوة الـ FACIAL CUES : 

بما اننا عارفين انه الناس بتبدأ تكون رأى فينا تقريبا فى اول دقيقة بنتقابل فيها معاهم من خلال الحاجات الظاهرية زى اللبس و الابتسامة و الشكل العام يبقى مهم اننا نهتم بلغة الجسد و من ضمنها حاجة مهمة جدا و هى ايماءات الوجه او الـ facial cues، لانها بتقدر تعبر عن الذكاء و الجاذبية و الثقة بالنفس، وكمان ممكن توضح كمان لو فى اى قلق او خوف، علشان كده لازم تقدرى تقرأى من خلالها احاسيس الشخص اللى قدامك، و كمان تستغلي الـ facial cues الخاصة بيكى انتى فى ان تبينى صفاتك الكويسة و تبرزى قوتك و ثقتك فى نفسك. يعنى انتى ممكن بابتسامة بسيطة او هزة رأس تسيبي انطباع انك ودودة و لطيفة. 

5- غيرى من نبرة صوتك : 

ودلوقتى بعد ما عرفتى معانا كل اللى فوق ده هنتكلم معاكى فى آخر نقطة وهى انك اثناء الكلام تغيرى من نبرة صوتك من وقت للتانى، لانه طبقا لكلام الاخصائيين النفسيين tone الصوت و مستواه بيساعد فى تكوين الاراء عن الاشخاص ، ويمكن نبرة الصوت تساعد فى تحديد اذا كنتى شخص واثق في نفه و يستاهل ثقة الاشخاص فيه ولا لاء.فحاولى مايكونش صوتك رتيب و مستواه واحد مهما كانت الانفعالات او تطور المناقشة، و الاهم من اى حاجة هى انك تخليكى على طبيعتك مهما كان الشخص اللى انتى قاعدة معاه  او الموقف الاجتماعى اللى انتى فيه لانه طبيعتك هى اكيد احلى حاجة فيكى. 

اعرفى معانا كمان 20 نصيحه يساعدوكى فى تحسين شخصيتك وثقتك بنفسك ..