اتعلمي خطوة بخطوة بالصور والفيديو مكياج يومي للوك رائع
النهاردة جايبين لكل بنات حوا خطوات مكياج يومي للوك ناعم برونزي هنعتمد فيه على البلاشر الخوخي, وايشادو بدرجات البني والخوخي, مع احمر شفايف بلون فاتح طبيعي.
تعالوا نشوف مع بعض خطوات مكياج يومي:
– المستحضرات المستخدمة في اللوك:
1- برايمر سماش بوكس سبراي.
2- برايمر سماش بوكس عادي.
3- كريم اساس Too Faced Born This Way- بلون Natural Beige.
4- ماستر كونسيلر مايبيلين – رقم 02.
5- Airspun Translucent Powder.
6- Mac Prep & Prime Translucent Powder.
7- هولا برونزر من بينفيت.
8- قلم حواجب Benefit Precisely My Brow Pencil Ultra Fine Shape & Define.
9- ماسكارا حواجب Benefit Gimme Brow.
10- بلاشر بودر من اربن ديكاي – درجة Rapture.
11- هايلايتر من ماك.
12- بالتة ايشادو مورفي 35O.
14- ايلاينر ميك اب فورايفر.
15- ماسكارا Voluminous من لوريال.
16- قلم تحديد شفايف من كايلي – Dolce K.
17- روج مات من كايلي – Exposed.
18- رموش صناعية من Ardell – 110.
– الخطوات:
1- الخطوة الاولى:
اول خطوة هتحطي البرايمر السبراي والبرايمر العادي وتدمجيهم كويس على البشرة.
2- الخطوة التانية:
تاني خطوة هتحطي كريم الاساس ممكن تستخدمي فرشة لدمجة كويس على البشرة.
وبعدين حطي الكونسيلر, وعشان تعملي اضاءة على الوش حطي الكونسيلر تحت العين, وعلى منطقة منتصف الانف, وادمجيه بالبلندر.
3- الخطوة التالتة:
هنستخدم ال Translucent Powder عشان نعمل Baking للمكياج وهنحطها بنفس الطريقة اللي في الصورة تحت منطقة العيون وسيبيها كام دقيقة, ده بيساعد على تثبيت الكونسيلر وكريم الاساس عند المنطقة دي.
4- الخطوة الرابعة:
لتثبيت كريم الاساس على باقي الوش حطي بالفرشة طبقة من Mac Prep & Prime Translucent Powder.
وبعدها اعملي كونتور للوش عشان تحددي ملامح الوش اكتر.
5- الخطوة الخامسة:
املي الحواجب بالقلم, وبعدين كخطوة نهائية عشان تثبتي الرسمة امشي عليهم بماسكارا الحواجب.
6- الخطوة السادسة:
في الخطوة دي هنزيل البودر اللي حطينها تحت منطقة العين بالفرشة, وهنحط البلاشر, وبعدين ثبتي كله بسبراي مثبت للمكياج ممكن تستخدمي مايبيلين ماستر فيكس.
7- الخطوة السابعة:
دلوقتي هنيجي لمكياج العيون, حطي الايشادو وفي اللوك استخدمت 3 درجات, الاورانج, والخوخي, والبني, حطي استخدمي افتح لون على الجفن كله, واللون المتوسط على تنية الجفن, واللون الغامق على الزاوية الخارجية للعين.
8- الخطوة التامنة:
استخدمي الدرجة الفاتحة من الايشادو على خط الرموش اللي تحت, واستخدمي نفس الدرجة على العضمة اللي تحت الحاجب, وعلى كورنر العين من جوه عشان تديهم اضاءة.
9- الخطوة التاسعة:
ارسمي خط بالفرشة بدرجة الايشادو الغامقة فوق خط الرموش اللي فوق لان الخطوة دي هتظهر الايلاينر اكتر, وبعدين ارسمي فوقيه الايلاينر.
10- الخطوة العاشرة:
الخطوة الاخيرة استخدمي اداة تني الرموش وبعدين حطي الماسكارا على الرموش اللي فوق واللي تحت, وبعد ما الماسكارا تنشف حطي الرموش الصناعية.
اخر حاجة هنحط الروج.