أفضل طريقة لعمل البراونيز .. وصفة الـ Fudgy Brownies اللذيذة و السهلة بالخطوات

مفيش حد مننا تقريبا ما بيحبش البراونيز و بيموت فى قوامها و طعمها اللذيذ، وعلشان احنا دايما بنحب نطور ونعمل الجديد ، فى المقال ده بنات حوا هتعرفك على وصفة جديدة و سهلة تعملى بيها براونيز غنية و مختلفة، اعرفى معانا أفضل طريقة لعمل البراونيز .. وصفة الـ Fudgy Brownies اللذيذة و السهلة بالخطوات .. 

أفضل طريقة لعمل البراونيز .. وصفة الـ Fudgy Brownies اللذيذة و السهلة بالخطوات

عدد الأفراد : 

تكفى لتسعة اشخاص.

المقادير : 

حوالى 220 جرام من الشوكولاتة.

4/3 كوباية من الزيدة السايحة . 

كوباية وربع من السكر  .

بيضتين.

معلقتين أكل من الفانيليا. 

4/3 كوباية من الدقيق.

ربع كوباية من بودرة الكاكاو. 

معلقة ملح . 

طريقة  تحضير وصفة الـ Fudgy Brownies : 

1- سخن الفرن على درجة حرارة 180.

2- قطعى الشوكولاتة لقطع، دوبى نص الكمية ،و خلى النص التانى على جنب . 

3- اخلطى الزبدة مع السكر ، واضربى الفانيليا مع السكر لدقيقة او دقيقتين لحد ما المزيج كله يبقى ناعم و هش و لونه فاتح . 

4- اضربي الخليط مع الشوكولاته اللى سيحناها بس اتأكدى انه الشوكولاتة مشسخنة علشان ماتخليش البيض يستوى و يفصل، و بعد كده ضيفى الدقيق و بودرة الكاكاو و الملح . 

5- ضيفى المكونات الجافة مع السايلة، و اخلطيهم مع بعض بس خدى بالك انهم يتضربوا زيادة عن اللزوم علشان ده ممكن يخلى البراونيز قوامها أتقل. 

6- بعد كده حطى قطع الشوكولاتة بعد ما تفردى العجينة فى صينية مربعة على ورقة زبدة. 

7-  آخر خطوة معانا من طريقة تحضير وصفة الـ Fudgy Brownies هى انك تخبزيها فى الفرن مدة من 20 لـ 25 دقيقة، حسب انتى بتحبى النضج واصل لدرجة ايه و بعد ما تطلعيها من الفرن سيبيها تبرد بشكل كامل . 

قطعيها و قدميها مع عصير او لبن ساقع. 

ودلوقتى خلينا شوف الفيديو الكامل لتحضير الوصفة .. 

شوفى معانا كمان ازاى تعملى تشيز كيك بروني.. مين يقدر يقاومها؟!