10 طرق جديدة تلبسي بيهم البوت الطويل Over the Knee Boots

آية حسان
آية حسان
2274

Over the Knee Boots بتعتبر أحلى حاجة فى لبس الشتاء كله ، و بنستنى الوقت من السنة للسنة علشان نقدر نطلعها من الدولاب و نستمتع بلبسها و شياكتها، و لانه البوت اللى برقبة عالية له قواعد معينة فى لبسه، وعلشان كمان تخرجى بره الطريقة التقليلدية و المعروف انه البوت ده بيتلبس بيها، فى المقال ده بنات حوا هتقولك على طرق جديدة بستايلات مختلفة، اعرفى معانا 10 طرق جديدة تلبسي بيهم البوت الطويل Over the Knee Boots ..

10 طرق جديدة تلبسي بيهم البوت الطويل Over the Knee Boots

1- مع Sweater Dress من نفس اللون : 

البوت برقبة طويلة فى الستايل ده بيبقى حلو جدا و بيديكى احساس بجو و روح الشتاء، جربيه مع الألوان الترابية و درجات الشتاء المعروفة زى درجات الجراى و الاوف وايت و طبعا الاسود، اللوك مع الالوان دى هيبينك أطول من طولك الطبيعى. 

2- مع Belted Sweater Dress :

طبعا الـطريقة دى من الطرق الكلاسيكية فى لبس الـ Over the Knee Boots، اللى هى ببساطة sweater dress + boots+ belt . السويتر الطويل مع حزام على الوسط بيديكى لوك شيك و بيبين خصرك أنحف و اصغر، ممكن تعملى اللوك ده مع شنطة كروس بحجم متوسط و بكده تعملى لوك شيك وbasic .  

 3- مع دريس بستايل الـ Romper : 

بفضل الـ Over the Knee Boots هتقدرى تستغلى الفساتين الصيفية فى الخريف و الشتاء و تلبسيهم تحت جاكت او بالطو طويل وتقيل، البسي romper dress  بستايل و شكل يناسب جسمك مع بوت برقبة طويلة مع جاكت او بالطو او حتى كارديجان طويل علشان يحميكى من برودة الجو.

4- مع Midi Skirt : 

الـ midi skirt بتعتبر قطعة مناسبة جدا للبس مع الـبوت برقبة عالية تتخطى الركبة لانها بتبين طول البوت كله و بكده بنقدر نعتبرها قطعة أساسية فى اللوك بتاعك، البسي البوت مع ميدى سكيرت و معاهم كلاسيك سويتر و بالطو او جاكت طويل . 

5- مع outfit بستايل الـ Baggy Layers : 

طبعا الشتاء هو أنسب موسم تعملى فيه لوك بستايل الطبقات او الـ layers ، البسي بوت برقبة طويلة و كعب بسيط على سويتر تحته قميص كارو او توب او minidress مع oversized sweater . 

6- مع top  وبنطلون جينز : 

أكتر طريقة معروفة و منتشرة و يمكن أسهل طريقة تلبسى بيها البوت برقبة عالية هى انك تلبسيه مع جينز سكينى مع  cream-colored sweater  و بوت بلون أسود علشان تعكسي اللون الفاتح فى الجينز و التوب، و لو عايزة تعملى لوك جرئ أكتر البسي التوب و البوت بنفس اللون. 

7- مع all black outfit : 

تقدرى طبعا تعملى لوك كله شياكه و غموض تعتمدى فيه على لون واحد بس و هو اللون الأسود، اللون الأسود بيعتبر لون الفخامة و الشياكة كلها و مش هيمشي بس مع بوت برقبة طويلة، لكن مع اى شوز بأى ستايل تحبية، All black outfit  بيعتبر دايما فكرة حلوة. 

8- مع outfit بنقشات مختلفة : 

واحدة من الـ trends المفضلة عندنا فى الشتاء السنة دى هى الـ  black over-the-knee boots لما تتلبس فى لوك فيه قطع ملابس بنقشات مختلفة، وده لانه اللون الاسود للبوت و حجمه الكبير بيقدر يكسر الحدة اللى بتسببها النقشات المختلفة و بيخليها تمشى مع بعضها بشكل متناسق أكتر ويبان شكلها أحلى، وممكن تعملى Upgrade للوك بأنك تلبسي جاكت بلون سادة علشان تقللى من حدة النقشات المختلفة بنسبة أكبر.

9- مع Maxi Skirt : 

استنى ماتشيليش جيبة الصيف الماكسي دلوقتى!   لانه لسه تقدرى تلبسيها مع البوت الطويل مع أى جيبة مهما كان لونها وتعملى لوك كله نعومة وأنوثة بسهولة.

9

10- مع Mini Skirt : 

آخر طريقة معانا من الطرق اللى ممكن تلبسي بيها الـ Over the Knee Boots هى انك تلبسي البوت مع الجيبة المينى مع سويتر مناسب، وممكن تلبسي البوت من خامات زى الجلد او الشامواه. 

اعرفى معانا كمان ازاي تختاري البوت المناسب لشكل جسمك

مقالات متعلقه

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

نصايح وأفكار إزاي تلبسي الكارجو جاكت Cargo Jacket

نصايح وأفكار إزاي تلبسي الكارجو جاكت Cargo Jacket

اعرفي ايه هي القطع اللى لازم تكون فى دولابك لفصل الخريف

اعرفي ايه هي القطع اللى لازم تكون فى دولابك لفصل الخريف