ازاى تعملى لوك سمارت للشغل Creative Office Looks على طريقة Jacey Duprie

آية حسان

في

موضة وأزياء

1382

انك تلبسي كل يوم للشغل وتطلعى لوك بقطع مريحة و عملية و فورمال فى نفس الوقت تدفيكى خصوصا انه البرد بدأ خلاص اكيد تحدى مش سهل، علشان كده فى المقال ده بنات حوا هتعرفك على ستايلات بسيطة تعمليها للشغل كل يوم على طريقة الـ fashion blogger العالمية Jacey Duprie ، اعرفى معانا ازاى تعملى لوك سمارت للشغل Creative Office Looks على طريقة Jacey Duprie

ازاى تعملى لوك سمارت للشغل Creative Office Looks على طريقة Jacey Duprie ..

1- printed scarf :

لو كان مكان الشغل بتاعك بيشترط لبس فورمال او formal dress code او لو كان semi formal و ياسلام بقى لو بيسيبك تلبسي كاجوال براحتك ومابيشترطش طريقة لبس معينة! فى كل الاحوال الشال او السكارف المنقوش هيبقى منقذك و تقدرى تلبسيه على اى حاجة مهما كانت فى اى حتة و أيا كان الستايل، مع البدل ، البلايزر، جيبة و توب … يعنى كل وأى حاجة وهيبقى عملى جدا ويدفيكى كمان.

2- office-appropriate dress :

لبس الفساتين او الـ dresses مقبول فى معظم المكاتب وأماكن العمل، لكن خدى بالك انه اللوك و الخامة يبقوا مناسبين لحالة الجو اليومين دول او فى اى وقت تقررى فيه تلبسي فستان. ممكن تلبسي على فستانك جاكيت قصير او حتى تمشي على التريند الجديد و تلبسي فوق الدريس سويتر او blouse . وطبعا ممكن تلبسي فستان بكم طويل علشان يدفيكى و يبقى عملى اكتر .

3- heavier and sturdier fabric :

لو شغلك ليه علاقة بالفاشون أصلا، او لو بتحبى كل يوم تظهرى بشكل اليجانت و classy يبقى اعتمدى فى الشتاء على الخامات التقيلة او زى ما بنقول heavier and sturdier fabrics، مع خطوط مختلفة، يعنى مثلا ممكن تلبسي coat طويل من ورا وقصير من قدام ، او كارديجان بقصات مختلفة. و حاولى تعتمدى على خامات زى الجلد، القطيفة ، الصوف و الشامواه مع سويتر او جاكت مناسب.

4- layers :

آخر طريقة معانا من ازاى تعملى Creative Office Looks بسهولة هى انك تعتمدى على أسلوب الطبقات او الـ layering styles ، الطريقة دى هتخليكى تقدرى تعملى لوك stylish وشيك بمجرد انك تلبسي بلوزة على بنطلون سكينى و معاهم جاكت وسكارف مثلا ! و لما الجو يبقى ساقعة أكتر ممكن تستبدلى الشوز المفتوح بـ boots او شوز مناسب .