افضل 10 حاجات ممكن تعمليهم عشان يساعدوكي على الاسترخاء

ريهام محمود
ريهام محمود
في
صحة
1385

لو بتعاني من الارهاق والقلق, وعليكي ضغوط كتير ومش عارفة ترتاحي ازاي, النهاردة من خلال موضوعنا هنقولك اكتر طرق هتساعدك على الاسترخاء.

طرق هتساعدك على الاسترخاء:

1- كلي واشربي الحاجات الصحية:

لما بنكون تحت ضغط او اجهاد المخ على طول بيروح للاكلات الغير صحية, زي البيتزا, الايس كريم, الشوكولاتة, لكن احسن طريقة عشان نساعد جسمنا وعقلنا اننا ناكل اكلات صحية من غير دهون, ونشرب مشروبات صحية من غير سكر عشان نحقق استقرار مستويات السكر في الدم ورفع المزاجية.

طرق هتساعدك على الاسترخاء 1
طرق هتساعدك على الاسترخاء 1

2- خدي اجازة:

الاجازة مهمة جدا عشان نفصل عن ضغوطات الحياة سواء شغل او دراسة او غيره, ممكن تروحي اماكن فيها طبيعة حلوة خضرة وبحر عشان تساعدك على الاسترخاء.

طرق هتساعدك على الاسترخاء 2
طرق هتساعدك على الاسترخاء 2

3- نامي كويس:

النوم من الحاجات اللي بتساعد على الاسترخاء وتقليل الاجهاد, لازم ننام كويس بالليل وناخد ساعات نوم كافية, وحسب دراسة في علم النفس اتعملت في جامعة كاليفورنيا ان الاحلام هي اللي بتساعد على خفض مستويات هرمونات التوتر.

ضروري عشان ننام كويس نهيء الجو حوالينا للنوم يعني درجة الحرارة والاضاءة والضوضاء كل الحاجات دي لازم ناخد بالنا منها عشان نوصل لنوعية نوم كويسة, حتى اختيار المرتبة او فرش السرير بيأثر على النوم عشان كده لازم نختار كمان فرش ومرتبة مريحة عشان نعرف ننام كويس.

طرق هتساعدك على الاسترخاء 3
طرق هتساعدك على الاسترخاء 3

4- اليوجا, التمارين الرياضية, الجيم:

ممارسة الرياضة اكيد مهمة لصحة الجسم بشكل عام, لكن كمان في فوايد نفسية من ممارسة الرياضة وهي انها بتقلل من هرمونات الاجهاد في الجسم اللي هي الكورتيزول والادرينالين, والاكتر كمان من ده ان ممارسة الرياضة بتساعد على زيادة انتاج الاندروفين ودي مادة كيميائية موجودة في المخ  بترفع المزاج وتعتبر مسكن طبيعي, عشان كده حاولي تدخلي ممارسة الرياضة باي شكل في روتينك اليومي, سواء يوجا, او تمارين في البيت او في الجيم.

طرق هتساعدك على الاسترخاء 4
طرق هتساعدك على الاسترخاء 4

5- دوري على هواية جديدة:

لما بنبقى تحت ضغوظات الحياة اليومية من شغل او دراسة او غيرها من المشاكل, مش بنلاقي وقت اننا ناخد فترة استرخاء, في الحالة دي حاولي تدوري على هواية جديدة تمارسيها بحيث تبعدي عقلك عن المشاكل وتستبدلي الافكار المجهدة بحاجة مفيدة, وتدي عقلك مساحة من الحرية, ممكن تمارسي الخياطة, الرسم, تتعلمي موسيقى, او حتى الزراعة.

طرق هتساعدك على الاسترخاء 5
طرق هتساعدك على الاسترخاء 5

6- التأمل:

التأمل من الممارسات الفعالة جدا اللي بتساعد على الاسترخاء وبتريح العقل من كل الضغوط اللي ممكن يكون بيعاني منها, التأمل بشكل يومي هيساعدك جدا على التخلص من الاجهاد او الضغط اللي مريتي بيه وهيخليكي تبقي مستعدة ليومك.

طرق هتساعدك على الاسترخاء 6
طرق هتساعدك على الاسترخاء 6

7- حمام ومساج:

الطريقة دي تعتبر من العلاجات القديمة للاجهاد, ببساطة خدي حمام طويل بعد المساج للجسم, هيخفف جدا من الم العضلات اللي بيكون بسبب الاجهاد, وممكن تحطي في الحمام بتاعك اي نوع زيت عطري عشان يساعدك على الاسترخاء اكتر.

طرق هتساعدك على الاسترخاء 7
طرق هتساعدك على الاسترخاء 7

8- العبي فيديو جيم, اتفرجي على فيلم, اقري كتاب:

السبب الرئيسي انك تعملي اي نشاط من النشاطات دي انك تخلي عقلك يفصل وتاخديه لمكان تاني بعيد عن الضغوط, ممكن تختاري لعبة او فيلم او كتاب فيه تشويق عشان يشدك وياخد عقلك بعيد عن اي اجهاد او ضغط, ووسائل الترفيه دي من الحاجات اللي بتساعدنا اننا منفكرش في مشاكلنا اليومية وفي نفس الوقت هتديكي متعة.

طرق هتساعدك على الاسترخاء 8
طرق هتساعدك على الاسترخاء 8

9- اتكلمي:

في اوقات كتير بيكون مجرد وجود شخص نتكلم معاه ده ممكن يريحنا ويقلل من التوتر, يعني ببساطة اتكلمي مع شخص بترتاحي معاه واحكي التفاصيل اللي مسببة لك قلق حتى لو كانت بسيطة او صغيرة هتحسي بعدها براحة كبيرة جدا لانك هتطلعي كل اللي جواكي.

طرق هتساعدك على الاسترخاء 9
طرق هتساعدك على الاسترخاء 9

10- خليكي مبدعة:

على مر التاريخ الفنانين دايما بيطلعوا اكتر ابداعاتهم في لحظات الاجهاد سواء في الرسم, الموسيقى, النحت, او الكتابة, لانهم بيستغلوا اللحظات دي وبيحولوها لحاجة ايجابية, عشان كده حاولي تكوني مبدعة وخلاقة وتستغلي الوقت ده انك تبتكري حاجة جديدة.

طرق هتساعدك على الاسترخاء 10
طرق هتساعدك على الاسترخاء 10

10 طرق توقفي بيهم ال Overthinking التفكير زيادة عن اللزوم

ازاي توقفي ال Overthinking
ازاي توقفي ال Overthinking

مقالات متعلقه

ايه اللي هيحصل لو حطيتي مكعب ثلج على رقبتك!

ايه اللي هيحصل لو حطيتي مكعب ثلج على رقبتك!

نصايح تنظيم الوقت بشكل صحيح والاحساس بتوتر وقلق أقل

نصايح تنظيم الوقت بشكل صحيح والاحساس بتوتر وقلق أقل

9 فوايد لـ ” اليوجا ” هيخلوكى تبدأيها حالا

9 فوايد لـ ” اليوجا ” هيخلوكى تبدأيها حالا