لعاشقات الشنط .. أفضل 11 شنطة فى موضة 2018

كلنا بنحب الشنط و معروف انه الشنطة بتعتبر قطعة اكسسوارات مهمة جدا لانها بتكمل جمال اى طقم وبتقدر تحليه وتبرز تفاصيله او لا، ولانه الشنط بتعتبر من القطع الغالية و اللى لازم و انتى بتختاريها تختاريها صخ وبعناية علشان يبقى تمنها فيها، فى المقال ده هنعرفك على أفضل 11 شنطة فى موضة 2018 بألولان وستايلات و حتى استخدامات مختلفة علشان وانتى بتشترى تختارى صح .. المقال ده لعاشقات الشنط وجمالها خلينا نبدأ مع بعض 

لعاشقات الشنط .. أفضل 11 شنطة فى موضة 2018

1. The Everyday Bag : 

شنطة كل يوم او الـ everyday bag  مهمة وضرورية لأى بنت او سيدة حتى لو كنتى مش من محبى الشنط، لانه كلنا بنحتاجها فى مشاوير كل يوم و يمكن لأى خروجة ولكل نزولة من البيت، علشان كده مهم تختاريها بلون يمشى مع اى حاجة زى الشنطة اللى فى الصور كمثال.

2. Little Black Bag :

الشنطة السوداء الصغيرة لازم تهتمى بيها جدا، لانها قطعة مهمة زى أهمية البنطلون الجينز الأسود مثلا ، يعنى لازم يكون موجود عندك منها قطعة على الأقل، لأنك تقدريها تلبسي مع قطع بستايلات مختلفة لو مثلا فستان سواريه او  jumpsuit، وفى اختيارات كتيرة هتقابلك بأسعار حلوة لما تيجى تشترى little black bag. 

3. Bucket Bag :

الـ bucket bag بتعتبر اختيار  شيك جدا فى اختياراتك لـشنطتك من وسط أفضل 11 شنطة فى موضة 2018 ، الستايل ده من الشنط بييجى دايما بنفس الشكل اللى فى الصورة باختلاف الماتيريال و الألون، اليجانت جدا وتقدرى تاخديها معاكى فى اى حته ، ومش شرط تكون ماركة و غالية ، تقدرى تلاقيها بسهولة فى محلات الشنط العادية و بأسعار مناسبة. 

4. Oversize Bag :

فى مننا بنات وسيدات كتير بيحتاجوا شنط حجمها كبير شوية علشان يقدروا ياخدوا معاهم كل الحاجات اللى محتاجينها، خصوصا لو كان جدولك اليومى مشغول جدا وماعندكيش وقت تروحى البيت علشان تسيبي الحاجات اللى معاكى وتاخدى بدالها حاجات تانية، الشنطة عملية جدا لو اختارتيها صح، اختارى لون تقدرى تلبسي معاه معظم الملابس بتاعتك و يليق عليها . 

5. Teeny Tiny Bag :

الستايل ده من الشنط مش النوع او الستايل اللى تقدرى تاخديه معاكى فى كل حتة بسبب حجمها الصغير، لكنها مثالية للخروجات لما يبقى كل اللى انتى محتاجه تاخديه معاكى يادوب محفظتك وموبايلك. ورغم انها مش عملية اوى بسبب الحجم لكنها شيك جدا و cute . 

6. Tote Bag : 

تشبه فى شكلها شنطة ايدك اللى بتاخديها معاكى المصيف، الاختلاف الوحيد هو انه الـ tote bag تقدرى تستخدميها فى خروجات كل يوم. بتتميز انها اليجانت وكاجوال فى نفس الوقت و تقدرى تشتريها بسعر مناسب و كمان فى online tutorials لازاى تقدرى تعمليها بنفسك وتوفرى الفلوس. 

7. The Nude Bag :

دى بقى الشنطة اللى بتمشى على اى حاجة و مع اى ستايل ملابس وعلشان كده بتعتبر مثالية لأى مناسبة، مهما كان حجمها صغيرة او متوسطة الحجم او كبيرة، لكن لازم يبقى موجود عندك منها لانها اليجانت وكاجوال فى نفس الوقت. 

8.Cool Clutch :

الشنطة بستايل الـ cool clutch من كوليكشن أفضل 11 شنطة فى موضة 2018 خصوصا لخروجات بالليل و للمناسبات ، و الشنطة دى بألوانها وتفاصيلها الكتيرة بتخليكى تقدرى تلبسي لبس بسيط بلون واحد من غير ماتحتاجى تضيفيله قطع تانية علشان تديله شكل وتحليه، الشنطة دى موضتها مابتروحش ابدا. 

9. Pop of Color” Bag :

فى معظم الوقت غالبنا بنختار الشنط بألوان Neutral علشان يمشوا  مع معظم ألوان قطع الملابس اللى قى دولابنا، لكن ادى لنفسك المساحة انه يبقى عندك على الاقل شنطة بلون واحد مطرقع ومختلف. ممكن تبقى بلون أصفر او فوشيا مثلا او أحمر ، يعنى اى لون مطرقع يخلى الشنطة بتاعتك منورة و مميزة. هتبقى مناسبة جدا مع أى street style outfit  تحبيه. 

10.Animal Printed Bag :

طبعا الشنطة المنقوشة بالـ animal print ممكن تبقى مخادعة جدا فى اختيارها لانه لو النقشة زيادة اوى الشنطة مش هيبقى شكلها حلو. علشان كده بتعتبر فكرة كويسة انك تختارى نقشة بتفاصيل معقولة من غير ما تبقى زيادة اوى علشان تقدرى تعملى من خلالها street style  من غير ولا غلطة . 

11. Vintage Bag :

الـ  vintage style موجود فى كل وقت لانه بيبقى ليها شكلها وسحرها الخاص، وبتفضل موضتها موجودة ومابيروحش عليها علشان كده هتبقى حاجة حلوة لو عندك شنطة vintage  فى دولابك. 

شوفى معانا كمان كوليكشن شنط بأحجام مختلفة من New York Fashion Week