أفضل 10 outfits تقدرى تعمليهم على ستايل الـ pencil skirt

الـ pencil skirt  من القطع اللى شفناها موجودة بقوة فى موضة الصيف وهنلاقيها مكملة معانا فى موضة خريف وشتاء 2017 ، المميز فى ستايل الـ pencil skirt انه مهما كان الـ  outfit  اللى نفسك تعمليه تقدرى تنفذيه ببساطه باستخدامها و ده بيخليها قطعة عملية جدا ده غير انها شيك و اليجانت بدرجة كبيرة، وعلشان تجددى من طريقة لبسك ليها و تعملى ستايل مختلف فى كل مرة تلبسيها، بنات حوا فى المقال ده هتعرفك على أفضل 10 outfits تقدرى تعمليهم على ستايل الـ pencil skirt ، خلينا نعرفهم مع بعض ..

أفضل 10 outfits تقدرى تعمليهم على ستايل الـ pencil skirt ..

1. classic :

الـ pencil skirt السوداء من الحاجات الاساسية اللى لازم تبقى موجودة عندك، حتى لو ماكنتيش من محبيى الـ skirts  او لو ماكنتيش بتلبسيها كتير ، لانه امتلاكك لقطعة كلاسيكية زى دى فى دولابك هيسهل عليكى التفكير فى اللبس للاجتماعات الرسمية او انترفيو الشغل و حتى لبس الافراح  والمناسبات. black pencil skirt  تعتبر الحل السحرى لاي يوم تمرى فيه بـ ” انا مش عارفة البس ايه” .

2. Pinstripe

ستايل الـ pencil skirt بطريقة الـ pinstripe  او النقشة المخططة بتعتبر جميلة وشيك جدا كمان، وده بيخليها مثالية للشغل وكمان للخروجات العادية، البينسل سكيرت المخططة بلونها الرمادى او الرصاصى بتعتبر اليجانت و فى combinations  كتيرة تقدرى تعمليها باستخدامها.

3. lace :

واحدة من اكتر القطع الشيك و الانيقة جدا هى الـ lace pencil skirt  او البينسل سكيرت من الجبير او الدانتيل، فلو كنتى عايزة تضيفى قطعة جديدة classy  لدولابك، الجميل فى الستايل ده انك ممكن تلبسيه فى المناسبات و كمان فى street style .

4. leather :

لو كنتى من البنات اللى بتحب تلبس خامة الجلد، يبقى بينسل سكيرت من الجلد هى الاختيار الممتاز بالنسبة لك، سواء كانت من جلد طبيعى او صناعى، هتعملى من خلالها ستايل حلو و مختلف.

5. Velvet :

الخامات الـ velvet  زى القطيفة و الشامواه موضة جدا دلوقتى والشتاء هوالموسم الاساسي بتاعها، وفى قطع كتير ممكن تشتريها من الخامة دى و منها البينسل سكيرت طبعا. سكيرت من الخامة دى هيبقى شكلها حلو جدا عليكى ومختلف!

6. Floral:

الستايلات الفلورال مكملة معانا من موضة الصيف و الربيع للشتاء فى ستايلات 2018، بتعمل لوك شبابى وحيوى جدا و كمان رومانسي. هتلاقيها فى الوان كتيرة مختلفة تختارى منها اللى يناسبك حسب ذوقك و تقدرى تلبسيها مع توب سادة بأى لون تفضليه.

7. Print :

نفس فكرة الـ floral pencil skirt ، لو كان عندك سكيرت بطبعات او نقشات مميزة عليها تقدرى تنسقيها مع تقريبا اى توب او تيشيرت فى دولابك و هيطلع شكلها حلو وعصرى. كمثال ، الـ pencil skirt اللى فى الصورة عليها طبعات مصرية و شكلها يجنن!

8. Plaid :

نقشات الكاروهات والمربعات او الـ plaid prints أساسية فى موضة الشتا للسنة دى و شفناها فى البنطلونات والشال و الـ scarves  وحتى الـجواكت، plaid pencil skirt  شكلها بيبقى حلو و راجعه لينا من موضة التسعينات و تقدرى تعملى بيها لوك ماحصلش.

9. Office :

اللون الرصاصى لون مناسب للـ outfits  العملية و الـ office looks ، وتقدرى تعملى بيها تنسيقات كتيرة لانه الرصاصى بيعتبر لون neutral و تقريبا بيمشى مع كل الألوان خصوصا مع الاسود و الابيض.

10. Wrap :

آخر ستايل معانا من ستايل الـ pencil skirt هو الـ wrap style  و بيعتبر الستايل ده هو ستايل كلاسيكى للبينسل سكيرت و تقدرى تحسنى بيه من الـ street style الخاص بيكى.