ازاي تلبسي ال Hoddies وال Oversized Sweater مع الحجاب
في الجو البرد سواء كنتي رايحة الجامعة او الجيم او خارجة خروجة عادية الصبح هيكون افضل اختيار ليكي للجو ده بستايل Funky او غير تقليدي هو ال Hoddied وال Oversized Sweater.
الستايل ده من اكتر الستايلات المريحة والعملية جدا في اللبس وفي نفس الوقت ستايلش وعصرية, والميزة فيه انك ممكن تلبسي في كل الاوقات سواء للجامعة هيكون مناسب جدا ومريح, او لو رايحة الجيم, او لخروجاتك اليومية هيبقى مريح وهيدفيكي في نفس الوقت في الايام البرد.
ممكن تختاري الوان الشتا التقليدية زي الرمادي, الاسود, البيج, الابيض, او تختاري الوان مختلفة زي البينك, الاصفر, الاخضر, الارجواني, والالوان دي كمان تريندي جدا لموسم الشتا ده.
والميزة كمان في ال Hoddies انه خامته بتكون مريحة وناعمة جدا على الجلد, ومن بره معمول من نوع خامة بتنشف بسرعة لو في يوم مطر, وانسب حاجة يتلبس تحته شيميز او تيشيرت اطول منه يكون باين جزء منه من تحت.
وطبعا لان اللوك كاجوال بنسبة 100% انسب حاجة عشان تكملي اللوك انك تنسقي عليه جينز او ليجينج مع سنيكرز او شوز فلات.