شامبو طبيعي تعمليه بنفسك في البيت هيخلي شعرك يطول بشكل سريع جدا

بقلمريهام محمود فيشعر visibility11952

كل البنات في حالة بحث دائم عن وصفات تطويل ونمو الشعر, والنهاردة جايبين لكل بنات حوا شامبو طبيعي لتطويل الشعر بسرعة بمكونات طبيعية 100% وموجودة في مطبخنا, ونقدره نحضره في البيت بكل سهولة.

شامبو طبيعي لتطويل الشعر بسرعة:

مكونات الشامبو بتساعد جدا على نمو وتطويل الشعر بشكل سريع صودا الخبز تعتبر منظف مكثف للشعر وده بيضمن التخلص من من اي تراكمات وزيوت على الشعر, وبتخلي بصيلات الشعر نضيفة وخالية تمام من اي مواد كيميائية, وده بيساعد ان الشعر يتنفس وبالتالي بينمو بشكل اسهل واسرع.

المكون التاني في الشامبو هو خل التفاح اللي بيساعد على تعزيز نمو الشعر بشكل صحي لما بيحصل تفاعل بين صودا الخبز وخل التفاح, بيطهر الشعر, وبيحافظ على فروة الشعر صحية, بيقوي الشعر, بيساعد على نمو وتطويل الشعر بشكل اسرع.

المكونات:

صودا الخبز “الكربوناتو”.

خل التفاح.

مية.

زيت اساسي ” ممكن تستخدمي زيت اللافندر, زيت الروز ماري, او زيت الكاموميل”.

زيت جوز هند.

ازازة ببخاخ, او ازازة شامبو فاضية.

شامبو طبيعي لتطويل الشعر بسرعة
شامبو طبيعي لتطويل الشعر بسرعة

الطريقة:

في الازازة ضيفي كمية من صودا الخبز وضعفها 3 مرات مية, والكمية حسب طول وكثافة شعرك المهم تكون المية ضعف الكربوناتو 3 مرات, اقفلي الازازة ورجيها كويس عشان تخلطي المكونات مع بعض, رشي الخليط على شعر رطب او ناشف ودلكي الشعر بالراحة من الجذور للاطراف, سيبيه من 3 – 5 دقايق, وبعدين اغسليه بالمية, والشامبو هيكون من غير رغوة ده عادي.

اخلطي في ازازة كمية من خل التفاح مع 4 اضعاف الكمية مية, وكام نقطة من اي زيت اساسي هتستخدميه من الزيوت اللي احنا قولناها, رجيهم مع بعض وحطي الخليط على الشعر وسيبيه من غير ما تغسليه لان ده يعتبر شطفه اخيرة للشعر.

سرحي شعرك بالفرشة, وخدي كمية بسيطة من زيت جوز الهند, ادهني بيها اطراف الشعر عشان تحافظي على رطوبته.

ممكن تستخدمي الشامبو ده في كل مرة تغسلي فيها شعرك بدل الشامبو العادي, مع الاستمرار هتلاقي شعرك بقى صحي اكتر, وبيطول بشكل سريع جدا اكتر من اي شامبو تاني استخدمتيه قبل كده, بس انتظمي عليه بشكل اسبوعي وهتحسي بفرق هايل على شعرك.

شامبو طبيعي لتطويل الشعر بسرعة
شامبو طبيعي لتطويل الشعر بسرعة

فتحي شعرك بشكل طبيعي بالشاي..اعرفي معانا الطرق

تفتيح الشعر بالشاي