5 اختلافات بين توأم الروح وشريك الحياة..ومين الافضل للارتباط بيه!

ريهام محمود
ريهام محمود
4173

توأم الروح وشريك الحياة يمكن كتير يتوقعوا ان الاتنين واحد او مافيش فرق بينهم, لكن الحقيقة ان في فرق بين الاتنين, توأم الروح بيكون هو الشخص اللي بتتعلمي منه حاجات في حياتك, بيشجعك, بيساعدك, وشريك الحياة هو الشخص اللي بتثقي فيه وتعتمدي عليه في حياتك, تعالوا نعرف مع بعض اكتر بالتفصيل الفرق بين توأم الروح وشريك الحياة.

الفرق بين توأم الروح وشريك الحياة:

على عكس المتوقع ان توأم الروح هو الشخص اللي المفروض نرتبط بيه مش شريك الحياة, ويمكن هنلاقي كتير بيسألوا نفسهم امتى هنقابل توأم روحنا ؟ لكن الحقيقة ان توأم الروح بتكون علاقته او وجوده مؤقت في حياتك, لكن شريك الحياة هو الشخص الدائم المستقر في حياتك اللي ممكن تعتمدي عليه وتثقي فيه انه يساعدك في حياتك.

يعني لو انتي في حالة بحث عن حبيب دائم تعتمدي عليه وتثقي فيه وتكملي معاه حياتك يبقى دوري على شريك الحياة مش توأم الروح.

الفرق بين توأم الروح وشريك الحياة 1
الفرق بين توأم الروح وشريك الحياة 1

1- توأم الروح ممكن يديكي درس في حياتك:

توأم الروح ده ممكن يكون صديق, او زميل عمل, او حد من عيلتك, او حبيب, وهتلاقيه مليان بالعاطفة والرغبة اللي محتاجة تتعلميها في حياتك, هيوجهك, وبمجرد ما يحس انه قدملك الدعم الكامل وان روحك وصلت لمستوى اعلى من الوعي والادراك وانك اتعلمتي الدرس اللي المفروض تتعلميه منه هتلاقيه خرج من الصورة او اختفى.

شريك الحياة عنده نفس اهتماماتك في الحياة, يعتبر هو الشخص المشجع والداعم ليكي اللي بيشجعك على تحمل المخاطر, على عكس توأم الروح اللي بس بيوجهك او بيعلمك درس ويختفي من الصورة, شريك الحياة هيكون معاكي بغض النظر عن العقبات والتحديات اللي ممكن توجهيها, شريك الحياة بيكون مرتبط معاكي عاطفيا وروحيا بشكل كبير.

2- اختلاف كبير في التواصل والارتباط:

توأم الروح بتربطك بيه علاقة من خلال القلب والادراك, وبيسبب تغييرات وانقلابات مش بسيطة في نفسك, وده بيخلي العلاقة معاه مشحونة ومليانة بالمراحل الانتقالية والتحولات, لان زي ما قولنا هو بيعلمك دروس حياتية.

لكن شريك الحياة هنلاقي اننا معاه في حالة تقبل مع الذات, وبنحب نفسنا ومش بنبقى محتاجين نغير فيها حاجة, هتحسي براحة معاه ومش هتحتاجي تشرحي اللي جواكي, لانه في الغالب بيكون مر بتجارب مشابهة للي انتي مريتي بيها, شريك الحياة ملتزم بحبه ليكي وانه هيفضل معاكي فترة طويلة في حياتك او للابد.

3- جاذبية مالهاش حدود:

لما تقابلي توأم الروح هتحسي انك تعرفيه من زمان حتى لو اول مره تتقابلوا, وهتلاقوا نفسكم بتفهموا بعض من غير ما كل واحد يتكلم او يشرح اللي جواه لانكم بتفكروا بنفس الطريقة تقريبا, ومن هنا هتحسي انه توأمك روحك لان في بالفعل حاجات مشتركة بينكم هتجذبك ليه, بس النوع ده من العلاقات ممكن يكون مدمر وفوضوي جدا لانك بتحسي ان الشخص ده مرايا ليكي وبيعكس كل عيوبك وعاداتك.

لكن شريك الحياة هتلاقي في اختلافات بينكم, ولكن الاختلافات دي ممكن تعزز او تقوي الرابط العاطفي بينكم, لانكم هتبقوا عايزين تكتشفوا بعض, وهتبقي دايما معاه عايزة تعرفي حاجات جديدة عنه لانه زي ما قولنا بيكون مختلف عنك بعكس توأم الروح اللي بيكون في تشابه بينكم, هتحسي براحة كبيرة وانتي معاه, وبتتحول العلاقة مع الوقت لصداقة عميقة تدوم مدى الحياة, والحب بيكبر كل يوم مع الايام.

الفرق بين توأم الروح وشريك الحياة 2
الفرق بين توأم الروح وشريك الحياة 2

4- توأم الروح يعرفك بشكل حدسي:

مع توأم الروح في ارتباط كبير بينكم في التفكير والشعور,  كل واحد هيقدر يعرف افكار ورغبات الطرف التاني من غير ما يتكلم, كمان توأم الروح مش محتاج للشرح او الكلام الكتير عشان يقنع اللي قدامه بافكاره, لانهم بالفعل هيبقى حاسس بيكي وبرغباتك وبشعورك وحاطط نفسهم مكانك.

لكن شريك الحياة بيحس كل طرف اتجاه التاني بانجذاب جسدي اكتر, وكل واحد بيبقى عايز يتعلم قيم وافكار التاني او يعرف عنها اكتر لكن مش هيعرف اللي جواكي من نفسه بعكس توأم الروح, والعلاقة بتبقى قايمة اكتر على التحفيز الفكري والمنطقي, بدل التحفيز العاطفي اللي بيكون من مهمة توأم الروح.

5- هتكسبي تجربة حياتية كبيرة مع توأم الروح:

توأم الروح هيجي في الوقت المحدد اللي انتي فعلا محتاجاه فيه لمهمة معينة, وعلاقتك مع توأم الروح هتكسبي منها دروس حياتية كبيرة جدا, وغالبا العلاقة بيبقى فيها عقبات صعبة, وكل طرف بيحاول يلاقي او يعمل توازن بين افضل واسوأ الحاجات في التاني.

لكن الحياة مع شريك الحياة بتكون اسهل, لان التواصل بيتم بالتدريج من خلال الاحداث اليومية, لان مافيش قصص او حاجات من الماضي او مستقبلية ممكن تصعب العلاقة, لكن بالنسبة له في بس دلوقتي او الوقت الحالي هو اللي بنفكر فيه, والعلاقة دي بيتكون منها زواج ناجح او صحي لان الطرفين بيبقى عندهم استعداد لخلق اتحاد او اتفاق بينهم وفي نفس الوقت كل واحد محافظ على كيانه وشخصيته المنفردة.

الفرق بين توأم الروح وشريك الحياة 3
الفرق بين توأم الروح وشريك الحياة 3

يعني في النهاية توأم الروح هو اللي بيكون في بينكم اتصال روحاني, لكن شريك الحياة هو اتصال جسدي وعقلي, وممكن جدا ان توأم روحك يكون هو نفسه شريك حياتك, والاتنين يجتمعوا في شخص واحد, وممكن كمان ان العلاقة مع شريك الحياة تتطور ويبقى في اتصال روحي عميق, واكبر فرق بين شريك الحياة وتوأم الروح ان واحد هو اختيار والتاني لا.

توأم الروح بتحسي معاه انك مكتملة من غير اي حاجة ناقصة, لكن شريك الحياة ممكن يكون مؤيد كبير ليكي ورفيق حياة لفترة طويلة, ولكن قدراته محدودة انه يزودك بدروس حياتية او يثري روحك.

قوليلنا بعد ما عرفتي الفرق بينهم, هل شريك حياتك هو نفسه توأم روحك ؟

تصرفات بيعملها الراجل تقولك انه بيحبك حب حقيقي

تصرفات الراجل بيعملها مع حبه الحقيقي
تصرفات الراجل بيعملها مع حبه الحقيقي

مقالات متعلقه

5 حاجات هتحصلك لما تقابلي توأم روحك

5 حاجات هتحصلك لما تقابلي توأم روحك

10 حاجات لازم تكون موجودة في شريك حياتك المناسب

10 حاجات لازم تكون موجودة في شريك حياتك المناسب

10 حاجات لازم كل اتنين متجوزين يعملوها هتزود الحب بينهم !

10 حاجات لازم كل اتنين متجوزين يعملوها هتزود الحب بينهم !