6 أسباب ليه بتعانى من الهالات السوداء تحت عينيكى

آية حسان
آية حسان
في
بشرة
4602

مفيش شك انه ليلة او ليلتين من غير نوم كفاية او حتى شوية شغل زيادة او سهر فى المكتب بتبين وشك مجهد و تعبان واكيد بتتسبب فى وجود الهالات السوداء حوالين عينكى، وكمان انتفاخات العين لما تصحى الصبح. 

فى المقال ده هتعرفى أسباب هتفاجئك و تقدرى تتجنبيها علشان تحلى مشكلة وجود الهالات السوداء، خلينا نبدأ على طول و نعرفهمم مع بعض .. 

6 أسباب ليه بتعانى من الهالات السوداء تحت عينيكى 

1- بسبب الجينات : 

الجينات  فى حالات كتيرة بتكون سبب أساسي وبيكون ليها دور كبير فى ظهور الهالات السوداء على بشرتك، البشرة الخمرية الموجودة فى أهل منطقة الشرق الاوسط مثلا بيبقى عندهم تركيز أعلى من مادة الميلانين اللى بتدى الجلد لونه خصوصا فى المنطقة تحت العيون، و ده بيتسبب فى وجود الهالات الغامقة و السوداء. 

genetics

2- النوم المتلخبط : 

مش بس السهر بيتسبب فى ظهور الهالات السوداء، لكن كمان النوم المتلخبط وانك ماتناميش و تصحى فى مواعيد نوم ثابتة ده هيتسبب فى ظهور علامات الارهاق و الهالات السوداء على بشرتك، لانه النوم بيلعب دور مهم فى صحة الاوعية الدموية فى المنطقة تحت العين اللى بتبين بشرتك صحية و نضرة. والنوم مهم كمان لانه اثناء النوم الدم المحمل بالاكسجين بيتجمع تحت العين ، وفى وضعيات معينة للنوم زى انك مثلا تنامى على بطنك ممكن يزود من وجود الهالات السوداء تحت عينيكى بسبب انه الجاذبية بتتسبب فى تجمع الدم تحت العين.  الخلاصة هى انه النوم القليل بتسبب فى توسع الاوعية الدموية تحت العين و ده بيتسبب فى وجود shadow  غامق تحت العيون. 

download 1

3- lifestyle غلط : 

صحيح انه الكونسيلر ممكن يفتح المنطقة تحت عينيكى، لكن عاداتك اليومية و الـ life style  الخاص بيكى هيتسبب على المدى الطويل فى تعب بشرتك اللى يظهر فى صورة اجهاد و فى حالات كتيرة هالات سوداء، علشان كده مهم انك تشربى كميات كبيرة من المية علشان تزودى من سريان الدم و امشى بقاعدة ” 8/8″ بمعنى انك تشربى 8 كوبايات مية 8 مرات فى اليوم ” كوباية كل مرة” ، كمان التمارين الرياضية مهمة لصحة وجمال بشرتك و لصحتك بشكل عام والطعمة الصحية خصوصا الطعام الغنى بفيتامين k اللى بيساعد فى تقليل تجمع وتجلط الدم زى الباذنجان و العنب و الخيار، كمان لو كنتى بتدخنى يبقى لازم تبطلى تدخين فورا. 

33

4- الحساسية الموسمية : 

الحساسية الموسمية خصوصا فى فترات تغيير الفصول و فى الشتاء و الريبع   لما الزهور بتبقى فى مرحلة التلقيح ممكن تتسبب فى وجود جيوب و هالات سوداء تحت العين، لانه الجو ده بيستبب فى وجود irritation فى البشرة اللى بيتسبب بالتالى فى ظهور هالات سوداء، خصوصا فى حالات التهاب الجيوب الانفية كمان، احتقان او التهاب الجيوب الانفية بيتسبب فى توسع الاوعية الدموية تحت عينيكى و ده بالتالى بيتسبب فى ظهور الهالات السوداء، العلاج هو انك تحاولى تستخدمى البخار فى توسيع و علاج احتفان الانف ولو الحساسية طالت عينيكى حاولى بقدر امكانك انك ماتدعكيش عينيكى علشان مانتسبيش فى تجمع الدم اكتر و تكسر الشعيرات الدموية الصغيرة و ممكن تستخدمى كريمات العين لكن معظمها بتبقى نتيجتها مؤقتة. 

5- نزلات البرد : 

ادوية نزلات البرد وكمان ادوية ضغط الدم بتشتغل على انها توسع الاوعية الدموية علشان تقدرى تتنفسي كويس و زى ما قلنا من شوية ده معناه تجمع الدم اكتر و بالتالى ظهور shadow  غامق و هالات سوداء. علشان كده مهم انك تشربى مياة كتير خلال اليوم. و كمان التعامل بقسوة مع منطقة العيون زى انك بتدعكى عينيكى او بتشيلى المكياج بقسوة شوية ده بيتسبب فى تكسير الشعيرات الدموية الدقيقة فى البشرة تحت العين وبالتالى ظهور الهالات السوداء، العلاج هو انك وانتى بتشيلى المكياج تستخدمى قطنة ناعمة و تدلكى بالراحة ، وممكن تستخدمى مزيل مكياج يكون اساسه مية. 

images 6

6- الاستخدام المبالغ لمنظفات البشرة : 

استخدام كميات كبيرة من منظفات و كريمات البشرة “بشكل مبالغ فيه” و انك تدعكى بشرتك بعنف ده كمان بيتسبب فى ظهور هالات سوداء جديدة او لو موجودة اصلا بيخليها أسوأ، تجنبى الحركة دى و حاولى تستخدمى منظفات لطيفة يبقى اساسها مية مش كحول و ممكن تستخدمى معاها كريم عيون . 

6 4

افضل 5 فيتامينات بتساعد على منع حب الشباب

مقالات متعلقه

6 حاجات بنعملها كل يوم بتدمر بشرتنا من غير ما نحس

6 حاجات بنعملها كل يوم بتدمر بشرتنا من غير ما نحس

افضل مكونات الجمال لصحة البشرة ، ومصادرها

افضل مكونات الجمال لصحة البشرة ، ومصادرها

9 نصايح جمالية فعالة محتاجة تجربيهم

9 نصايح جمالية فعالة محتاجة تجربيهم