تصرفات بيعملها الراجل تقولك انه بيحبك حب حقيقي

بقلمريهام محمود فيحب visibility98156

التعبير عن الحب بيختلف ما بين الراجل والست كل واحد بيعبر بطريقة مختلفةعن التاني, الست بتكون بطبيعتها اكتر حساسية من الراجل, وكمان الراجل بيكون مودي اوي وممكن تصرفاته تتغير ما بين يوم والتاني, ممكن النهاردة تلاقيه احسن راجل في العالم وتاني يوم الوضع مختلف وده اكيد بيربكك ويخليكي مش قادرة تفهميه كويس, لان الرجالة والستات بيفكروا بشكل مختلف, عشان كده النهاردة هنقولك على تصرفات الراجل بيعملها مع حبه الحقيقي هتخليكي تتأكدي من حبه ليكي.

تصرفات الراجل بيعملها مع حبه الحقيقي:

1- هيبقى مبسوط وهو بيسمعك:

بصفة عامة الستات بيكونوا افضل من الرجالة بكتير في فن الاستماع, لكن في بعض الرجالة بردو عندهم مهارة الاستماع بشكل جيد جدا, وفي الغالب الراجل بيسمع بس الحاجات او التفاصيل المهمة, لكن لما تلاقي الراجل مش بس بيسمعك لكن كمان بيسمع باهتمام وبيستجيب وبيتفاعل معاكي, في الحالة دي اعرفي انه اكيد بيحبك جدا…

2- مش بيخاف من التضحية عشانك:

التضحية بتكون اسهل بكتير لما تتعمل لشخص بنحبه, والراجل اللي بيكون بيحب حب حقيقي هيكون مش مرتاح وهو شايفك مش سعيدة او مش مبسوطة, وخصوصا لو هو في ايده فعلا حاجة يعملها عشان يبسطك, والراجل لما يقدم تضحية عشان يسعدك دي تعتبر احسن طريقة لاظهار حبه ليكي, ودايما هيبقى حاطط سعادتك من اولوياته ولو ده حتى معناه انه يغير خططه او يجي على راحته هو في سبيل راحتك انتي.

3- مش بيخاف يبين ضعفه معاكي:

النقطة دي مهمة جدا لان الرجالة عموما بيكونوا حذرين اوي انهم يتصرفوا اي تصرف ممكن يتفسر انه ضعف, ومع ذلك مع الحب الحقيقي هنلاقي ده مش موجود وانه مش هيخاف يبين ضعفه وهيظهر كل مشاعره بارتياح تام معاكي.

تصرفات الراجل بيعملها مع حبه الحقيقي
تصرفات الراجل بيعملها مع حبه الحقيقي

4- بيشوفك حلوة حتى في اسوأ حالاتك:

كل واحد من الطرفين اكيد بيبقى حابب يكون في احسن حالاته وهو مع شريك حياته, لكن اكيد بتمر لحظات كتير بنبقى مش في المود او مش في احسن حالاتنا مرينا مثلا بيوم صعب ده اكيد بيأثر علينا, لكن الراجل اللي بيحب شريكته حب حقيقي هيشوفها حلوة حتى في اسوأ حالاتها وبغض النظر عن اي وضع هي فيه.

5- هيكون فخور بيكي:

الراجل اللي بيحبك حب حقيقي مش هيخجل انه يقولك انه فخور بيكي, سواء كنتي بتدرسي, ام وربة منزل, او بتشتغلي في اي مجال ايا كان, هتلاقيه دايما فخور بيكي ومقدر مجهودك, ولو حتى في يوم حسيتي بفشل هتلاقيه جنبك وبيشجعك .

6- هيدافع عنك دايما:

هتلاقيه في اي موقف او في اي مكان بيدافع عنك, ممكن حتى يتخانق عشانك لو حد ضايقك او اتعرض لك, يعني هتلاقيه دايما حماية ليكي في اي وقت.

7- هيعامل اهلك واصحابك باحترام:

لما حد بيعرف ان في اشخاص معينين مهمين عند اللي بيحبه بالتالي هو كمان هيحبهم عشانه وهيبقوا مهمين بالنسبة له, وفي الحالة دي اكيد الراجل اللي بيحبك حب حقيقي هيعامل اهلك واصحابك كويس وهيحترمهم حفاظا على مشاعرك , حتى لو في حد من عيلتك او اصحابك هو مش بيحبه كمان هيعامله كويس عشان خاطرك لمجرد انه بيعني لك او يهمك, لان اخر حاجة ممكن يفكر فيها انه يأذي مشاعرك باي شكل.

9 حاجات بيعملها الراجل بتخلي اي بنت تحبه ويبقى جنتل مان في نظرها

تصرفات بيعملها الراجل بتخلي البنت تحبه
تصرفات بيعملها الراجل بتخلي البنت تحبه