ايه هى الهدايا المناسبة لكل شخص حسب برجه

بقلمآية حسان فيمنوعات visibility10387

الابراج مفيش شك بتقول كتير عن صفاتنا وشخصياتنا و بتساعدنا كمان نفهم بعض أكتر و نفسهم نفسنا ، فى المقال ده بنت حوا هتقولك ازاى تستفيدى من الابراج فى حاجة جديدة، اعرفى معانا ايه هى الهدايا المناسبة لكل شخص حسب برجه .. 

ايه هى الهدايا المناسبة لكل شخص حسب برجه

1- برج الدلو:

أصحاب برج الدلو هيبقى اختيار الهدايا ليهم سهل و بسيط، لانهم ببساطة بيحبوا كل حاجة حديثة و متطورة، علشان كده كمبيوتر او لعبة كمبيوتر او مزيكا او اى حاجة ديجيتال و حديثة هيتبسطوا بيها جدا، و ممكن كمان الاجهزة خصوصا لو

اجهزة مطبخ زى ميكروويف او فرن كهرباء مثلا، وياسلام لو  coffee machine او جهاز للمساج. وكمان الاجهزة الرياضية الى تساعدهم يبقوا fit ويهتموا بصحتهم، يعنى اى حاجة حديثة او ليها علاقة بالتكنولوجيا أصحاب برج الدلو هيقعوا فى حبها. وطبعا أدوات التجميل والمكياج و العناية بالبشرة و الشعر مابيقدروش يقاوموها. 

 

2- برج الحوت:

مواليد برج الحوت بيحبوا الهدايا اللى تلمس القلب و تبين الاهتمام بيهم و بمشاعرهم لانهم بطبيعتهم عاطفيين جدا، و عادة بيحبوا الحاجات الصاخبة و اللى صوتها عالى زى Mp3 player او stereo ، وكمان بيحبوا الديكور فهيقدروا انك تجيبيلهم فازة او لوحة مثلا  و كمان بيحبوا الـ  perfumes جدا . 

3- برج الحمل:

الستات و الرجالة فى برج الحمل ممكن يبقى صعب شوية تحديد الهدية اللى تعجبهم و ترضيهم، و ممكن يزعلوا و يحسوا بالاهانة لو جالهم بوكيه ورد مثلا كهدية ، رجالة برج الحمل بيحبوا الهدايا التقليدية زى الولاعات و المحافظ و الشنط و هكذا ، اما البنات فهيقدروا جدا انك تهاديهم بشنطة شيك او اكسسوارات خصوصا الحلقان و كمان الانسيالات و الـ bracelets . 

4- برج الثور:

اما لو بتدورى على هدية لبرج الثور، يبقى لازم تبصى بصة على دولابهم، كل مواليد برج الثور بلا استثناء بيحبوا و بقدروا الملابس الشيك و المريحة، علشان كده قطعة ملابس حلوة هتعتبر افضل هدية بالنسبة لهم . و ده بيديكى اختيارات كتيرة تختارى منها، بلوزة، جاكت، شوز ، شال او طرحة و هكذا. و ممكن كمان برفان او ادوات تجميل. برج الثور بيعتبر من اسهل الابراج اللى ممكن تختاريلهم هدية حلوة بسهولة. 

5- برج الجوزاء:

طبعا برج الجوزاء سمعته سابقاه  انه برج مزدوج و moody  جد ا و احيانا مابنقدرش نفهمه لانهم مزاجيين و اختياراتهم و الحاجة اللى بتعجبهم بتتغير باستمرار، علشان كده انسب حل انك تهديلهم هدية واحدة بتضم هدايا تانية صغيرة و متنوعة. زى مثلا jewelry set  تضم ساعة مع bracelet  و خاتم او شنطة مثلا .  اما رجالة برج الجوزاء فبيحبوا اى حاجة الكترونية زى موبايل او  electronic notebook و ممكن لو عايزة تجيبي هدية تقليدية تبقى محفظة غالية من الجلد الطبيعى. 

6- برج السرطان:

برج السرطان بيحبوا الهدايا اللى بتيجى من الاهتام بيهم و بكرمهم ، يعنى مثلا لو قالوا مرة انهم نفسهم فى مج جديد و جالهم مج هدية هيقدروا لاهتمام و التركيز معاهم ده جدا، و بيحبوا الهدايا اللى بتدوم زى مج او لوحة او بروزا او ساعة مثلا . و لو عايزة تهديهم هدية رسمية و ليها قيمة عالية يبقى كتاب او رواية لكاتب بيحبوه ، وكمان بيحبوا الهدايا اللى ممكن تفيدهم و يستخدموها فى البيت ز ى الـ kitchen supplies. 

7- برج الاسد:

سابع برج هنتكلم عن اللي يناسبه من الهدايا المناسبة لكل شخص حسب برجه هو برج الاسد، اصحاب برج الاسد بيحبوا الهدايا اللى تخصهم ، بمعنى لوحة مرسومة ليهم او صورة ليهم فى برواز شيك مثلا، كمان بيحبوا الحاجات الواضحة زى الخواتم و الحلقان و الساعات كبيرة الحجم، و طبعا كل الحاجات دى لازم تبقى معمولة من ماتيريال غالية وبكواليتى عالية. 

8- برج العذراء:

قيمة او سعر الهدية حاجة ماتهمش برج العذراء، الى يهمهم هو كواليتى الهدية لانهم بيحبوا الحاجات العملية و المفيدة زى ادوات المكتب مثلا، اصحاب برج العذراء من كل الاعمار  بيحبوا الهدايا زى الـ gloves ، الشنط و شنط الضهر و الشمسيات و شنط السفر  و كمان الاكسسوارات والـ jewelry ، وستات برج العذراء بشكل خاص بيحبوا الـ beauty products و الـ cosmetics. 

9- برج الميزان:

اللى يهم برج الميزان فى الهدية هو المظهر، علشان كده شكل الهدية لازم يبقى حلو و تبقى متغلفة كويس و شكلها شيك و مبهج، و ماتنسيش ابدا كارت مع الهدية، بيحبوا الفن و الانتيكات علشان كده ممكن تهديهم شمعدان او لوحة او برواز و كمان بيحبوا الورد و الـ chocolate boxes و أدوات المطبخ، بس المهم تبقى  من نوع نضيف و قيمته عالية. 

10- برج العقرب:

النصيحة اللى محتاجة تعرفيها بخصوص هدايا أصحاب برج العقرب هى انك لازم تخططى و تفكرى فى الهدية من قبلها، لانه هداياهم بتتطلب انتباه و تخطيط. بيحبوا الـ antiques الى بتحتاج منك وقت علشان تلاقى القطعة المناسب و بيحبوا روايات الغموض و كتب تطوير الشخصية . 

11- برج القوس:

اهم حاجة وانتى بتختارى هدية لبرج القوس هى انه تبقى الهدية اوريجينال، بمعنى حاجة انتى فكرتى فيها و اهتميتى بتفاصيلها و مش اى هدية و السلام! اصحاب برج القوس بيعشقوا السفر علشان كده ممكن تهديلهم تذاكر سفر او اى حاجة تتعلق بالخروج زى شنطة السفر او شنطة ضهر و الجواكت و الشوز وكمان هيتبسطوا لو جيبتيلهم حاجة لعربيتهم. واهم حاجة هى انه الهدية تبقى شبههم و تبين الاهتمام بيهم وبتفاصيلهم بنسبة كبيرة. 

12- برج الجدي:

آخر برجه هنتكلم عنه فى  موضوع الهدايا المناسبة لكل شخص حسب برجه هو برج الجدي، اهم حاجة تحطيها فى بالك وانتى بتختاري هدية لاصحاب البرج ده هى انه هديتهم تيجيى فى ميعادها و ماتتأخرش، يعنى لو بتجيبيلهم هدية بمناسبة عيد ميلادهم يبقى لازم تبقى يوم عيد الميلاد، لانه لو أتأخرتى لبعدها مش هيتبسطوا بالهدية و لا هتفرق معاهم مهما كانت قيمتها و مهما كان متعوب عليها. 

افضل الهدايا اللى ممكن تقدميها لاصحاب برج الجدى هى الشنط والاحزمة و المحافظ و أداوات المطبخ و كمان الملابس خصوصا لو قطع ملابس للمناسبات مثلا، كمان بيبحبوا الاكسسوارات والساعات جدا. 

 اعرفي معانا كمان نوع زوجك المستقبلي حسب برجك !