بالصور و الفيديو .. 5 أوضاع للجلوس بتقول كتير اوى عن شخصيتك
أوضاع للجلوس او الطريقة اللى بتقعدى بيها مش حاجة عشوائية او تافهة كده و خلاص، فى الحقيقة طريقة جلوسنا او طريقة مشيتنا و الطريقة اللى بنتكلم بيها و حاجات كتير بتدخل تحت علم ” لغة الجسد” بيبقى ليها معانى كتيرة جدا و ممكن تساعدنا كتير فى اننا نعرف نفسنا و نفهمها أكتر، فى المقال ده اعرفى مع بنات حوا بالصور و الفيديو .. 5 أوضاع للجلوس بتقول كتير اوى عن شخصيتك.
بالصور و الفيديو .. 5 أوضاع للجلوس بتقول كتير اوى عن شخصيتك
Position A :
الناس اللى عادة بترتاح فى الوضعية دى بتبقى من الناس اللى بتؤمن انه لو فى اى حاجة حصلت هتحل نفسها بنفسها من غير ما يحتاجوا يعملوا حاجة او يتعبوا نفسهم، ولو المشكلة ماحليتش نفسها بنفسها ، تبقى مش مشكلتهم و هييجى حد تانى يحلها، الشخصيات دى كمان بيبقى من السهل جدا الكلام معاهم لأنهم مش مملين و مبدعين جدا، و غالبا اللى فى قلبهم على لسانهم وبيقولوا اللى ييجى على بالهم من غير ما يفكروا فيه.
Position B :
الناس اللى بترتاح فى الوضعية دى من أوضاع للجلوس اللى هى بطريقة ” رجل على رجل” بيعتبر وا حالمين جدا و عندهم خيال خصب وبيحلموا طول الوقت بكل الى هما عايزينه، مش مملين أبدأ و الحديث معاهم ممتع و بيقدروا يكونوا صداقات بسهولة. مابيحبوش يستنوا و لما بيعوزوا يبدأوا فصل جديد فى حياتهم مابيستنوش مناسبة او سنة جديدة ولكن بيبدأوا فورا، صريحين مع نفسهم و بيعرفوا عيوبهم و بيحاولوا يغيروها، بيحبوا التغير والتنقل ومابيخفوش منه.
Position C :
الاشخاص اللى بيفضلوا الجلوس بوضعية Position C بيهتموا أكتر براحتهم، ومابيضيعوش وقتهم الفاضى او اجازاتهم فى الفسح والمولات، لكن بيفضلوا يهتموا فى الاوقات دى بمظهرهم و شكلهم جدا و بيقدروا يلاقوا كل اللى هما عايزينه حتى و عيونهم مغمضة! اكبر عيوب الشخصيات دى هو قلة تركيزهم وانهم مابيقدروش يركزوا فى حاجة واحدة لفترة طويلة من الوقت وممكن يتشتتوا من موضوع للتانى بسهولة.
Position D :
أصحاب وضعية الجلوس دى ملتزمين بمواعيدهم و بيكرهوا التأخير جدا سواء فى نفسهم او فى غيرهم، اذكياء و مثقفين و حساسين و ليهم ذهن لامع، و مابيرتاحوش لأنهم يوروا مشاعرهم للناس. بيميلوا لأنهم يكونوا مباشرين و دقيقين مع نفسهم و فى كل تعاملاتهم .
اما اللى بيفضلوا الوضعية دى فى الجلوس لكن بيرفعوا الجزء العلوى من رجلهم شوية عن الأرض بيحاسبوا نفسهم طول الوقت لكن بيكونوا على استعداد انهم يحاربوا اى حاجة و يدفعوا عن نفسهم كويس اوى. و بالنسبة لهم العالم مش مكان لطيف و دايما بيحبوا يبقى ليهم مكان خاص بيهم يرتحوا فيه من دوشة الدنيا حواليهم . و بيميلوا لأنهم يبقوا دفاعيين شوية.
Position E :
أصحاب وضعية E فى الجلوس من الاشخاص الصبورة و المتأنية جدا، مابيستعجلوش على حاجة ، يعنى لو مثلا لو اتجوزوا مابيستعجلوش على الأطفال و بيدوا أولوية لشغلهم و الكارير بتاعهم قبل أى حاجة و بيعيشوا حياتهم وهمامؤمنين انه لكل حاجة وقتها و مكانها ، مثابرين جدا و بيجروا ورا حلمهم و عنيدين فى الدفاع عنها و السعى ليها وطموحين، بيهتموا بمظهرهم و الطريقة اللى بيبان بيها لبسهم و شكلهم قدام الناس و بيقبلوا النقد خصوصا لو كان من أصدقاء بيحاولوا يساعدوهم.
ودلوقتى خلينا نشوف مع بعض الفيديو ..