افضل 5 فيتامينات بتساعد على منع حب الشباب
حب الشباب ليه اسباب كتير, ممكن يحصل بسبب اختلال هرموني, او نقص فيتامينات او تراكم السموم في الجسم, والفيتامينات من الحاجات اللي هتوفرلك مساعدة فورية لمنع حب الشباب, والنهاردة من خلال موضوعنا هنقولك على افضل الفيتامينات لمنع حب الشباب.
– هل ممكن نقص الفيتامينات يسبب البثور؟
لازم نعرف حاجتين مهمين جدا, ان النظام الغذائي ونقص الفيتامينات عاملين مؤثرين في حب الشباب, وعشان تكافحيه او تمنعيه لازم تبصي على الحاجتين دول, وتحاولي تغيري نظامك الغذائي, ويكون شامل كل الفيتامينات اللي جسمك محتاجها, وفي كتير من الفيتامينات نقصها ممكن يسبب ظهور حب الشباب زي فيتامين A, B, C, E, والكروميوم, والزنك كل الفيتامينات والمعادن دي محتاجينها عشان نمنع حب الشباب من الظهور.
– افضل الفيتامينات لمنع حب الشباب:
لما الجسم مش بيوصلوا الفيتامينات اللي لزماه, ده بيخلي اجهزة الجسم تشتغل بشكل مش مظبوط, وفي الحالة دي ضروري انك تكملي نظامك الغذائي بالفيتامينات عشان تمنعي حب الشباب, تعالوا نعرف مع بعض ايه هي الفيتامينات دي:
1- فيتامين A:
عشان جلد صحي اكتر انتي محتاجة فيتامين A لانه بيساعد على تقليل افراز الدهون الزيادة على البشرة اللي ممكن تسد المسام وتسبب الحبوب وتهيج الجلد, ونقصه اكيد هيسبب ظهور حب الشباب, كمان يعتبر مضاد قوي للاكسدة اللي بتقضي على الجذور الحرة اللي بتسبب تجاعيد البشرة.
اهم مصادر فيتامين A الجزر, القرع, البطاطا, السبانخ, المانجا, السمك, اللحمة الحمرا, البيض, الجبنة, عصير الخضروات.
2- فيتامين E:
فيتامين E يعتبر كمان من مضادات الاكسدة, وبيساعد على شفاء البشرة بشكل اسرع, وبيمنع الاضرار اللي ممكن تحصل لخلايا الجلد, والمفروض انك تستهلكي يوميا حوالي 268 مليجرام من فيتامين E.
ومن اهم مصادر فيتامين E السبانخ, اللوز, الافوكادو, البطاطا, زيت النخيل, الفول, الفول السوداني, البندق, بذور عباد الشمس, العسل الابيض.
ممكن تغسلي بشرتك وتجيبي كبسولة فيتامين E تفتحيها وتاخدي الزيت تدهني بيه البشرة, وسيبيه على البشرة 8 ساعات, والافضل تحطيه كل يوم قبل النوم وتسيبيه للصبح, هتلاحظي النتايج في خلال من شهر لشهرين.
3- فيتامين D :
فيتامين D بيساعد علة منع حب الشباب, وتجاعيد البشرة وبيخلي البشرة صحية, لانه بيقوي الجهاز المناعي ويخليه يشتغل في افضل حالاته لمنع شيخوخة الجلد, وبينظم الكالسيوم وامتصاص الفوسفور, ومهم جدا للعضم والاسنان, وفيتامين D2, D1, Dكلهم مهمين للجسم.
والتعرض للشمس يوميا قبل الساعة 10 الصبح لمدة 20 دقيقة بيمد الجلد بفيتامين D, كمان زيت كبد السمك يعتبر من افضل مصادر فيتامين D, والسلمون, الزبادي, البيض, اللبن, الجبنة, عصير البرتقان, والخضروات الورقية الخضرا بتحتوي كمان على فيتامين D.
4- فيتامين C:
فيتامين C بيساعد على اصلاح البشرة, وبتدعم نمو الانسجة, وبيقلل من احمرار الجلد, بيحافظ على مستويات الكولاجين في البشرة, ويعتبر مضاد قوي للاكسدة وبالتالي بيحمي من الجذور الحره اللي بتسبب شيخوخة الجلد, بيحافظ على جهاز المناعة, بيعزز الكولاجين والفيتامينات اللي بتساعد على تجديد الجلد, بيساعد على علاج الندبات الناتجة عن حب الشباب, بيعالج تصبغ الجلد
والجسم محتاج حوالي 1000 مليجرام من فيتامين C 3 مرات في اليوم لمنع حب الشباب, وضروري تاخدي فيتامين C مع فيتامين B لانه بيزود فعاليته وتأثيره على الجسم.
وممكن تحصلي على فيتامين C من خلال النظام الغذائي, من الفواكه الحمضية زي البرتقان والليمون واليوسفي وغيرها من الفواكه, الفلفل الرومي, الفراولة, البروكلي, كل الاكلات دي تعتبر مصدر مهم لفيتامين C.
ممكن كمان تستخدمي الكريمات والماسكات الغنية بفيتامين C.
5- فيتامين B12:
فيتامين B12 بيتكون من بنية كيميائية معقدة جدا مصنوعة تقريبا من كل الفيتامينات, ومن العلاجات اللي بتحتوي على الفيتامين ده وكتير من الناس بيستخدموه هو الكريمات اللي بتحتوي على الريتينويد لانها بتساعد على علاج حب الشباب وبتحافظ على صحة وشباب الجلد, وهنلاقيها في الصيدلية باسم الريتينويد, او في كريمات تانية بتحتوي على المادة دي زي الريتينول, الادبليين, والتريتينوين.
وفيتامين B12 هنلاقيه موجود في اللبن, الجبنة, البيض, السمك, المحار, السلمون, اللحمة الحمرا, الفراخ, الشوفان, وتقريبا في معظم انواع الفاكهة.
وبردو بننصح في النهاية لو بتعاني من حب الشباب انك تستشيري دكتور جلدية, عشان يقولك على افضل العلاجات المناسبة ليكي, لان في فيتامينات كتير جدا بتساعد على علاج حب الشباب وفي انواع منها لازم تكون بوصفة طبية او يكتبها دكتور متخصص, لانها ممكن لو اتاخدت غلط تأدي لاثار جانبية.
نصايح ووصفات طبيعية لتجنب وعلاج حب الشباب
