من غير دايت ولا تمارين بنوع اكل واحد هتخسري وزنك
كل البنات بيحلموا بجسم مثالي وبيتمنوا يخسسو وزنهم وفي نفس الوقت بحاجة سهلة من غير دايت ولا تمارين, ومن حسن الحظ ان فعلا في مكون موجود في مطبخنا ممكن يساعدنا على ده, الجنزبيل يعتبر واحد من اقوى العلاجات الطبيعية اللي بتساعد على خسارة الوزن, ومش بس كده لكن كمان ليه استخدامات للبشرة والصحة بشكل عام, والنهاردة من خلال موضوعنا هنتعرف على فوايد الجنزبيل الصحية والجمالية وطرق استخدامه عشان نقدر نستفاد بيه ونوصل لافضل النتايج.
فوايد الجنزبيل الصحية والجمالية:
1- خسارة الوزن:
– واحدة من ابسط الطرق لاستخدام الجنزبيل لخسارة الوزن هو شاي الجنزبيل, كل اللي هتعمليه هتقطعي قطعة من الجنزبيل الطازة قطعة تقريبا حوالي “5 سم”, اغليها في لتر مية لمدة من 10 – 15 دقيقة, وبعدين صفي الشاي, اشربي منه كوباية قبل كل وجبة عشان توصلي لافضل النتايج.
– وخسارة الوزن مش بس الفايدة الوحيدة من شاي الجنزبيل, لكن كمان مفيد جدا لو بتعاني من نزلات البرد او الحساسية, شاي الجنزبيل ليه مفعول سريع في علاجهم.
– ولو انتي مش من محبات الشاي اوي او مش حابه انك تشربيه بالطريقة دي, ممكن تبشري الجنزبيل وتضيفيه لاطباقك العادية في الطبخ, او تضيفيه للسلطة, او الشوربة, او الارز, يعني حاولي تضيفيه بشكل يومي لنظامك الغذائي باي طريقة تفضليها, وبعد فترة من الانتظام عليه هتلاحظي التغيير المذهل والفرق على جسمك.
2- تحسين الجلد:
– تقدري تعملي سكراب للوش والجسم بطريقة سهلة جدا باستخدام الجنزبيل, ابشري الجنزبيل واخلطي معاه عسل ابيض, واعملي بيه سكراب للوش والجسم.
– الجنزبيل بيساعد على التخلص من خلايا الجلد الميتة, بيحتوي على مضادات الالتهابات اللي بدورها بتساعد على تخفيف وتهدئة الجلد, بيعزز الدورة الدموية, بيستخدم كعلاج لمرضى الاكزيما ضيفي قطرات من زيت الجنزبيل مع زيت الزيتون, او زيت اللوز الحلو, او زيت جوز الهند وادهني الاماكن المصابة بالخليط.
– الجنزبيل بيحتوي على مضادات الاكسدة اللي بتساعد على علاج ومحاربة الندوب وعيوب البشرة وبقع العمر, امزجي كمية من الجنزبيل المبشور مع تلج مجروش ودلكي بيهم البشرة مرة واحدة في الاسبوع.
– او اخلطي كميات متساوية من الجنزبيل المبشور او البودر, وعسل ابيض, وعصير ليمون, افردي الخليط على البشرة, سيبيه 30 دقيقة وبعدين اغسليه.
– او جيبي شريحة جنزبيل, وافركي بيها اي منطقة على البشرة فيها بقع او ندوب, وسيبي مية الجنزبيل تنشف على البشرة وبعدين اغسليها, كرري الوصفة من مرة لمرتين في اليوم يوميا, وهتلاحظي النتيجة خلال اسبوعين تقريبا.
3- تخفيف الالم:
– الجنزبيل بيساعد جدا على تخفيف الالم, وتوتر العضلات, ممكن تضيفي كام نقطة من زيت الجنزبيل للمية في البانيو وتقعدي فيها شوية بيريح العضلات, او تبشري الجنزبيل وتخلطيه بالمية لحد ما يكون معجون وحطيه على المنطقة المصابة بشكل مباشر.
– لكل البنات اللي بيعانوا من آلام وتقلصات الدورة الشهرية, في بداية الدورة كلي معلقة صغيرة من الجنزبيل المطحون بيساعد جدا على تخفيف آلام الدورة الشهرية.
4- علاج الشعر:
– لو بتعاني من الشعر الخفيف, ومن قشرة الشعر, الحل ليكي هو الجنزبيل, اخلطي الجنزبيل المبشور مع شوية مية وحطيهم في ازازة ببخاخ, ورشي من الخليط على فروة الراس وعلى الشعر كله وسيبيه ساعة وبعدين اغسليه, هيساعد جدا على نمو وتكثيف الشعر بشكل اسرع, وهيخلصك من القشرة, وهيخلي شعرك صحي, كرري الوصفة 3 مرات في الاسبوع.
– ممكن كمان تجيبي جذور الجنزبيل وتفركيها في فروة الراس بشكل مباشر بحيث تنزلي المية او العصير بتاعه على الفروة, وتسيبيه 30 دقيقة وبعدين تغسليه, ولو حسيتي بوخزة في فروة الراس متقلقيش ده طبيعي ومعناه ان الجنزبيل بيعمل مفعوله بشكل صح, كرريها 3 مرات في الاسبوع, بعد شهر واحد هتلاحظي نمو الشعر بشكل اسرع.
– ممكن تجيبي جذور الجنزبيل تاخدي قطعة منها, تقشريها وتبشريها او تطحنيها في البلندر, في طبق حطي 2 معلقة كبيرة زيت جوز هند ولو متجمد ممكن تسيحيه على حمام مية سخنة, جيبي الجنزبيل حطيه في شاشة واضغطي عليه طلعي منه العصير بتاعه ضيفيه على الزيت قلبيهم كويس مع بعض, حطي الخليط على الشعر من الجذور للاطراف ودلكيه كويس جدا على فروة الراس, سيبيه على الشعر من ساعة لساعتين وبعدين اغسليه, كرري الوصفة 3 مرات في الاسبوع.
5- علاج الدوخة والغثيان:
سواء بتعاني من الدوخة المرتبطة بالحمل, او دوخة عادية بسبب الحركة, او اي نوع من الغثيان الحل ليكي هو الجنزبيل, الدراسات اثبتت ان جذور الجنزبيل يعتبر وسيلة طبيعية بتساعد على الحد من الغثيان, ممكن تاكليه او تشربيه كشاي.
مشروب سحري هيخليكي تخسري وزن في 14 يوم بس وهيحسن صحتك وبشرتك
